២. ជីវិតិន្ទ្រិយសុត្តវណ្ណនា

៤៩២. តតិយវគ្គស្ស ទុតិយេ ឥត្ថិន្ទ្រិយន្តិអាទីសុ ឥត្ថិភាវេ ឥន្ទដ្ឋំ ករោតីតិ ឥត្ថិន្ទ្រិយំ. បុរិសភាវេ ឥន្ទដ្ឋំ ករោតីតិ បុរិសិន្ទ្រិយំ. ជីវិតេ ឥន្ទដ្ឋំ ករោតីតិ ជីវិតិន្ទ្រិយំ. អត្ថុប្បត្តិកំ កិរេតំ សុត្តំ. សង្ឃមជ្ឈស្មិញ្ហិ ‘‘កតិ នុ ខោ វដ្ដិន្ទ្រិយានី’’តិ កថា ឧទបាទិ, អថ ភគវា វដ្ដិន្ទ្រិយានិ ទស្សេន្តោ តីណិមានិ ភិក្ខវេតិអាទិមាហ.