៩-១០. នន្ទិក្ខយសុត្តាទិវណ្ណនា

៥១-៥២. នវមទសមេសុ នន្ទិក្ខយា រាគក្ខយោ, រាគក្ខយា នន្ទិក្ខយោតិ ឥទំ នន្ទីតិ វា រាគោតិ វា ឥមេសំ អត្ថតោ និន្នានាករណតាយ វុត្តំ. និព្ពិទានុបស្សនាយ វា និព្ពិន្ទន្តោ នន្ទិំ បជហតិ, វិរាគានុបស្សនាយ វិរជ្ជន្តោ រាគំ បជហតិ. ឯត្តាវតា វិបស្សនំ និដ្ឋបេត្វា ‘‘រាគក្ខយា នន្ទិក្ខយោ’’តិ ឥធ មគ្គំ ទស្សេត្វា ‘‘នន្ទិរាគក្ខយា ចិត្តំ វិមុត្ត’’ន្តិ ផលំ ទស្សិតន្តិ. នវមទសមានិ.

អត្តទីបវគ្គោ បញ្ចមោ.

មូលបណ្ណាសកោ សមត្តោ.