១០. តតិយចេតនាសុត្តវណ្ណនា

៤០. ទសមេ នតីតិ តណ្ហា. សា ហិ បិយរូបេសុ រូបាទីសុ នមនដ្ឋេន ‘‘នតី’’តិ វុច្ចតិ. អាគតិ គតិ ហោតីតិ អាគតិម្ហិ គតិ ហោតិ, អាគតេ បច្ចុបដ្ឋិតេ កម្មេ វា កម្មនិមិត្តេ វា គហិនិមិត្តេ វា បដិសន្ធិវសេន វិញ្ញាណស្ស គតិ ហោតិ. ចុតូបបាតោតិ ឯវំ វិញ្ញាណស្ស អាគតេ បដិសន្ធិវិសយេ គតិយា សតិ ឥតោ ចវនសង្ខាតា ចុតិ, តត្ថូបបត្តិសង្ខាតោ ឧបបាតោតិ អយំ ចុតូបបាតោ នាម ហោតិ. ឯវំ ឥមស្មិំ សុត្តេ នតិយា ច អាគតិគតិយា ច អន្តរេ ឯកោវ សន្ធិ កថិតោតិ. ទសមំ.

កឡារខត្តិយវគ្គោ ចតុត្ថោ.