២. សុពាហុត្ថេរគាថាវណ្ណនា

៥២. ឥតរេហិ វុត្តគាថាសុ តតិយបទេ ឯវ វិសេសោ. តត្ថ សុពាហុនា វុត្តគាថាយំ ចិត្តំ សុសមាហិតញ្ច កាយេតិ មម ចិត្តំ ករជកាយេ កាយគតាសតិភាវនាវសេន សុដ្ឋុ សមាហិតំ សម្មទេវ អប្បិតំ. អយញ្ហិ ថេរោ កាយគតាសតិភាវនាវសេន បដិលទ្ធឈានំ បាទកំ កត្វា វិបស្សនំ វឌ្ឍេត្វា អរហត្តំ បាបុណិ. តំ សន្ធាយាហ ‘‘ចិត្តំ សុសមាហិតញ្ច កាយេ’’តិ.

សុពាហុត្ថេរគាថាវណ្ណនា និដ្ឋិតា.