អដ្ឋវិមោក្ខវណ្ណនា

១៧៤. វិមោក្ខកថា ឧត្តានត្ថាយេវ. ឥមេបិ អដ្ឋ វិមោក្ខា អភីតភាវទស្សនត្ថមេវ អានីតា. ឥមេបិ កិរ វត្វា ឯវមាហ – ‘‘អានន្ទ, ឯតាបិ សមាបត្តិយោ សមាបជ្ជន្តស្ស ច វុដ្ឋហន្តស្ស ច តថាគតស្ស ភយំ វា សារជ្ជំ វា នត្ថិ…បេ… ឱស្សជី’’តិ.

១៧៥. ឥទានិបិ ភគវា អានន្ទស្ស ឱកាសំ អទត្វាវ ឯកមិទាហន្តិអាទិនា នយេន អបរម្បិ ទេសនំ អារភិ. តត្ថ បឋមាភិសម្ពុទ្ធោតិ អភិសម្ពុទ្ធោ ហុត្វា បឋមមេវ អដ្ឋមេ សត្តាហេ.

១៧៧. ឱស្សដ្ឋោតិ វិស្សជ្ជិតោ បរិច្ឆិន្នោ, ឯវំ កិរ វត្វា – ‘‘តេនាយំ ទសសហស្សី លោកធាតុ កម្បិត្ថា’’តិ អាហ.