៥. តិកតិកបដ្ឋានវណ្ណនា

តិកតិកបដ្ឋានេបិ កុសលំ សុខាយ វេទនាយ សម្បយុត្តំ ធម្មំ បដិច្ច កុសលោ សុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយាតិ បញ្ហុទ្ធារវសេនេវ សង្ខេបតោ ទេសនា កតា. ឯត្ថ ច កុសលត្តិកំ វេទនាត្តិកាទីហិ, វេទនាត្តិកាទយោ ច កុសលត្តិកេនាតិ ឯវំ តិកេសុយេវ តិកា បក្ខិត្តា. យេន យេន ច បទេន សទ្ធិំ យំ យំ បទំ យោជនំ ន គច្ឆតិ, តំ តំ ហាបេត្វា លព្ភមានវសេនេវ សព្ពបច្ចយេសុ វារា ច គណននយា ច ទស្សិតា, តស្មា តេ សាធុកំ បាឡិំ ឧបបរិក្ខិត្វា វេទិតព្ពា. យថា ច កុសលត្តិកំ វេទនាត្តិកាទីហិ, វេទនាត្តិកាទយោ ច តេន សទ្ធិំ យោជេត្វា វេទិតព្ពា; តថា ឯកេកំ តិកំ សេសេហិ. សេសា ច តេហិ សទ្ធិំ យោជេត្វា វេទិតព្ពាតិ.

តិកតិកបដ្ឋានវណ្ណនា.