៩. អាសេវនបច្ចយកថាវណ្ណនា

៩០៣-៩០៥. ឥទានិ អាសេវនបច្ចយកថា នាម ហោតិ. តត្ថ យស្មា សព្ពេ ធម្មា ខណិកា, ន កោចិ មុហុត្តម្បិ ឋត្វា អាសេវនបច្ចយំ អាសេវតិ នាម. តស្មា នត្ថិ កិញ្ចិ អាសេវនបច្ចយតា. អាសេវនបច្ចយតាយ ឧប្បន្នំ បន ន កិញ្ចិ អត្ថីតិ យេសំ លទ្ធិ, សេយ្យថាបិ តេសញ្ញេវ; តេ សន្ធាយ បុច្ឆា សកវាទិស្ស, បដិញ្ញា ឥតរស្ស. អថ នំ សុត្តវសេនេវ បញ្ញាបេតុំ ននុ វុត្តំ ភគវតា បាណាតិបាតោតិអាទិ អាភតំ. តំ សព្ពំ ឧត្តានត្ថមេវាតិ.

អាសេវនបច្ចយកថាវណ្ណនា.