៥. ពុទ្ធកថាវណ្ណនា

៨៨៥. ឥទានិ ពុទ្ធកថា នាម ហោតិ. តត្ថ ឋបេត្វា តស្មិំ តស្មិំ កាលេ សរីរវេមត្តតំ អាយុវេមត្តតំ បភាវេមត្តតញ្ច សេសេហិ ពុទ្ធធម្មេហិ ពុទ្ធានំ ពុទ្ធេហិ ហីនាតិរេកតា នាម នត្ថិ. យេសំ បន អវិសេសេនេវ អត្ថីតិ លទ្ធិ, សេយ្យថាបិ អន្ធកានំ; តេ សន្ធាយ អត្ថិ ពុទ្ធានន្តិ បុច្ឆា សកវាទិស្ស, បដិញ្ញា ឥតរស្ស. អថ នំ ពុទ្ធធម្មេហិ អនុយុញ្ជិតុំ សតិបដ្ឋានតោតិអាទិមាហ. ឥតរោ តេសំ វសេន ហីនាតិរេកតំ អបស្សន្តោ បដិក្ខិបតិយេវាតិ.

ពុទ្ធកថាវណ្ណនា.