៧. រូបំ កុសលាកុសលន្តិកថាវណ្ណនា

៧៦០-៧៦៤. ឥទានិ រូបំ កុសលាកុសលន្តិកថា នាម ហោតិ. តត្ថ ‘‘កាយកម្មំ វចីកម្មំ កុសលម្បិ អកុសលម្បី’’តិវចនំ និស្សាយ កាយវចីកម្មសង្ខាតំ កាយវិញ្ញត្តិវចីវិញ្ញត្តិរូបំ កុសលម្បិ អកុសលម្បីតិ យេសំ លទ្ធិ, សេយ្យថាបិ មហិសាសកានញ្ចេវ សម្មិតិយានញ្ច; តេ សន្ធាយ រូបំ កុសលន្តិ បុច្ឆា សកវាទិស្ស បដិញ្ញា ឥតរស្ស. អថ នំ ‘‘យទិ តេ រូបំ កុសលំ, ឯវំវិធេន អនេន ភវិតព្ព’’ន្តិ ចោទេតុំ សារម្មណន្តិ អាទិមាហ. បរតោ អកុសលបញ្ហេបិ ឯសេវ នយោ. សេសមេត្ថ ឧត្តានត្ថមេវាតិ.

រូបំ កុសលាកុសលន្តិកថាវណ្ណនា.