១០. នយថាចិត្តស្ស កាយកម្មន្តិកថាវណ្ណនា

៥៦៦-៥៦៧. ឥទានិ នយថាចិត្តស្ស កាយកម្មន្តិកថា នាម ហោតិ. តត្ថ យស្មា កោចិ អញ្ញត្រ គច្ឆិស្សាមីតិ អញ្ញត្រ គច្ឆតិ, តស្មា នយថាចិត្តស្ស កាយកម្មំ ចិត្តានុរូបំ ចិត្តានុគតិកំ ន ហោតិ, វិនាបិ ចិត្តេន បវត្តតីតិ យេសំ លទ្ធិ, សេយ្យថាបិ បុព្ពសេលិយានំយេវ, តេ សន្ធាយ បុច្ឆា សកវាទិស្ស, បដិញ្ញា ឥតរស្ស. សេសមេត្ថ ហេដ្ឋា វុត្តនយេនេវ វេទិតព្ពន្តិ.

នយថាចិត្តស្ស កាយកម្មន្តិកថាវណ្ណនា.