៩. អក្ខមសុត្តវណ្ណនា

១៣៩. នវមេ ហត្ថិកាយន្តិ ហត្ថិឃដំ. សេសេសុបិ ឯសេវ នយោ. សង្គាមេ អវចរន្តីតិ សង្គាមាវចរា. ឯកិស្សា វា តិណោទកទត្តិយា វិមានិតោតិ ឯកទិវសំ ឯកេន តិណោទកទានេន វិមានិតោ, ឯកទិវសមត្តំ អលទ្ធតិណោទកោតិ អត្ថោ. ឥតោ បរម្បិ ឯសេវ នយោ. ន សក្កោតិ ចិត្តំ សមាទហិតុន្តិ អារម្មណេ ចិត្តំ សម្មា ឋបេតុំ ន សក្កោតិ. សេសមេត្ថ ឧត្តានមេវ. ឥមស្មិំ បន សុត្តេ វដ្ដវិវដ្ដំ កថិតន្តិ វេទិតព្ពំ.