(២) មូលមូលនយោ

៥៣. (ក) យេ កេចិ កុសលា ធម្មា, សព្ពេ តេ កុសលមូលមូលាតិ? តីណេវ កុសលមូលមូលានិ. អវសេសា កុសលា ធម្មា ន កុសលមូលមូលា.

(ខ) យេ វា បន កុសលមូលមូលា, សព្ពេ តេ ធម្មា កុសលាតិ? អាមន្តា.

៥៤. (ក) យេ កេចិ កុសលា ធម្មា, សព្ពេ តេ កុសលមូលេន ឯកមូលមូលាតិ? អាមន្តា.

(ខ) យេ វា បន កុសលមូលេន ឯកមូលមូលា, សព្ពេ តេ ធម្មា កុសលាតិ?

កុសលសមុដ្ឋានំ រូបំ កុសលមូលេន ឯកមូលមូលំ, ន កុសលំ. កុសលំ កុសលមូលេន ឯកមូលមូលញ្ចេវ កុសលញ្ច.

៥៥. (ក) យេ កេចិ កុសលមូលេន ឯកមូលមូលា ធម្មា, សព្ពេ តេ កុសលមូលេន អញ្ញមញ្ញមូលមូលាតិ?

មូលានិ យានិ ឯកតោ ឧប្បជ្ជន្តិ កុសលមូលានិ ឯកមូលមូលានិ ចេវ អញ្ញមញ្ញមូលមូលានិ ច. អវសេសា កុសលមូលសហជាតា ធម្មា កុសលមូលេន ឯកមូលមូលា, ន ច អញ្ញមញ្ញមូលមូលា.

(ខ) យេ វា បន កុសលមូលេន អញ្ញមញ្ញមូលមូលា, សព្ពេ តេ ធម្មា កុសលាតិ? អាមន្តា.