១. កុសលា ធម្មា (១) មូលនយោ
៥០. (ក) យេ កេចិ កុសលា ធម្មា, សព្ពេ តេ កុសលមូលាតិ? តីណេវ កុសលមូលានិ. អវសេសា កុសលា ធម្មា ន កុសលមូលា.
(ខ) យេ វា បន កុសលមូលា, សព្ពេ តេ ធម្មា កុសលាតិ? អាមន្តា.
៥១. (ក) យេ កេចិ កុសលា ធម្មា, សព្ពេ តេ កុសលមូលេន ឯកមូលាតិ? អាមន្តា.
(ខ) យេ វា បន កុសលមូលេន ឯកមូលា, សព្ពេ តេ ធម្មា កុសលាតិ?
កុសលសមុដ្ឋានំ រូបំ កុសលមូលេន ឯកមូលំ, ន កុសលំ. កុសលំ កុសលមូលេន ឯកមូលញ្ចេវ កុសលញ្ច.
៥២. (ក) យេ កេចិ កុសលមូលេន ឯកមូលា ធម្មា, សព្ពេ តេ កុសលមូលេន អញ្ញមញ្ញមូលាតិ?
មូលានិ យានិ ឯកតោ ឧប្បជ្ជន្តិ កុសលមូលានិ ឯកមូលានិ ចេវ អញ្ញមញ្ញមូលានិ ច. អវសេសា កុសលមូលសហជាតា ធម្មា កុសលមូលេន ឯកមូលា, ន ច អញ្ញមញ្ញមូលា.
(ខ) យេ វា បន កុសលមូលេន អញ្ញមញ្ញមូលា, សព្ពេ តេ ធម្មា កុសលាតិ? អាមន្តា.
(២) មូលមូលនយោ
៥៣. (ក) យេ កេចិ កុសលា ធម្មា, សព្ពេ តេ កុសលមូលមូលាតិ? តីណេវ កុសលមូលមូលានិ. អវសេសា កុសលា ធម្មា ន កុសលមូលមូលា.
(ខ) យេ វា បន កុសលមូលមូលា, សព្ពេ តេ ធម្មា កុសលាតិ? អាមន្តា.
៥៤. (ក) យេ កេចិ កុសលា ធម្មា, សព្ពេ តេ កុសលមូលេន ឯកមូលមូលាតិ? អាមន្តា.
(ខ) យេ វា បន កុសលមូលេន ឯកមូលមូលា, សព្ពេ តេ ធម្មា កុសលាតិ?
កុសលសមុដ្ឋានំ រូបំ កុសលមូលេន ឯកមូលមូលំ, ន កុសលំ. កុសលំ កុសលមូលេន ឯកមូលមូលញ្ចេវ កុសលញ្ច.
៥៥. (ក) យេ កេចិ កុសលមូលេន ឯកមូលមូលា ធម្មា, សព្ពេ តេ កុសលមូលេន អញ្ញមញ្ញមូលមូលាតិ?
មូលានិ យានិ ឯកតោ ឧប្បជ្ជន្តិ កុសលមូលានិ ឯកមូលមូលានិ ចេវ អញ្ញមញ្ញមូលមូលានិ ច. អវសេសា កុសលមូលសហជាតា ធម្មា កុសលមូលេន ឯកមូលមូលា, ន ច អញ្ញមញ្ញមូលមូលា.
(ខ) យេ វា បន កុសលមូលេន អញ្ញមញ្ញមូលមូលា, សព្ពេ តេ ធម្មា កុសលាតិ? អាមន្តា.
(៣) មូលកនយោ
៥៦. (ក) យេ កេចិ កុសលា ធម្មា, សព្ពេ តេ កុសលមូលកាតិ? អាមន្តា.
(ខ) យេ វា បន កុសលមូលកា, សព្ពេ តេ ធម្មា កុសលាតិ?
កុសលសមុដ្ឋានំ រូបំ កុសលមូលកំ ន កុសលំ. កុសលំ កុសលមូលកញ្ចេវ កុសលញ្ច.
៥៧. (ក) យេ កេចិ កុសលា ធម្មា, សព្ពេ តេ កុសលមូលេន ឯកមូលកាតិ? អាមន្តា.
(ខ) យេ វា បន កុសលមូលេន ឯកមូលកា, សព្ពេ តេ ធម្មា កុសលាតិ?
កុសលសមុដ្ឋានំ រូបំ កុសលមូលេន ឯកមូលកំ, ន កុសលំ. កុសលំ កុសលមូលេន ឯកមូលកញ្ចេវ កុសលញ្ច.
៥៨. (ក) យេ កេចិ កុសលមូលេន ឯកមូលកា ធម្មា, សព្ពេ តេ កុសលមូលេន អញ្ញមញ្ញមូលកាតិ?
មូលានិ យានិ ឯកតោ ឧប្បជ្ជន្តិ កុសលមូលានិ ឯកមូលកានិ ចេវ អញ្ញមញ្ញមូលកានិ ច. អវសេសា កុសលមូលសហជាតា ធម្មា កុសលមូលេន ឯកមូលកា, ន ច អញ្ញមញ្ញមូលកា.
(ខ) យេ វា បន កុសលមូលេន អញ្ញមញ្ញមូលកា, សព្ពេ តេ ធម្មា កុសលាតិ? អាមន្តា.
(៤) មូលមូលកនយោ
៥៩. (ក) យេ កេចិ កុសលា ធម្មា, សព្ពេ តេ កុសលមូលមូលកាតិ? អាមន្តា.
(ខ) យេ វា បន កុសលមូលមូលកា, សព្ពេ តេ ធម្មា កុសលាតិ?
កុសលសមុដ្ឋានំ រូបំ កុសលមូលមូលកំ ន កុសលំ. កុសលំ កុសលមូលមូលកញ្ចេវ កុសលញ្ច.
៦០. (ក) យេ កេចិ កុសលា ធម្មា, សព្ពេ តេ កុសលមូលេន ឯកមូលមូលកាតិ? អាមន្តា.
(ខ) យេ វា បន កុសលមូលេន ឯកមូលមូលកា, សព្ពេ តេ ធម្មា កុសលាតិ?
កុសលសមុដ្ឋានំ រូបំ កុសលមូលេន ឯកមូលមូលកំ, ន កុសលំ. កុសលំ កុសលមូលេន ឯកមូលមូលកញ្ចេវ កុសលញ្ច.
៦១. (ក) យេ កេចិ កុសលមូលេន ឯកមូលមូលកា ធម្មា, សព្ពេ តេ កុសលមូលេន អញ្ញមញ្ញមូលមូលកាតិ?
មូលានិ យានិ ឯកតោ ឧប្បជ្ជន្តិ កុសលមូលានិ ឯកមូលមូលកានិ ចេវ អញ្ញមញ្ញមូលមូលកានិ ច. អវសេសា កុសលមូលសហជាតា ធម្មា កុសលមូលេន ឯកមូលមូលកា, ន ច អញ្ញមញ្ញមូលមូលកា.
(ខ) យេ វា បន កុសលមូលេន អញ្ញមញ្ញមូលមូលកា, សព្ពេ តេ ធម្មា កុសលាតិ? អាមន្តា.