១. សុត្តន្តភាជនីយំ

១៥៤. ទ្វាទសាយតនានិ – ចក្ខាយតនំ, រូបាយតនំ, សោតាយតនំ, សទ្ទាយតនំ, ឃានាយតនំ, គន្ធាយតនំ, ជិវ្ហាយតនំ, រសាយតនំ, កាយាយតនំ, ផោដ្ឋព្ពាយតនំ, មនាយតនំ, ធម្មាយតនំ.

ចក្ខុំ អនិច្ចំ ទុក្ខំ អនត្តា វិបរិណាមធម្មំ. រូបា អនិច្ចា ទុក្ខា អនត្តា វិបរិណាមធម្មា. សោតំ អនិច្ចំ ទុក្ខំ អនត្តា វិបរិណាមធម្មំ. សទ្ទា អនិច្ចា ទុក្ខា អនត្តា វិបរិណាមធម្មា. ឃានំ អនិច្ចំ ទុក្ខំ អនត្តា វិបរិណាមធម្មំ. គន្ធា អនិច្ចា ទុក្ខា អនត្តា វិបរិណាមធម្មា. ជិវ្ហា អនិច្ចា ទុក្ខា អនត្តា វិបរិណាមធម្មា. រសា អនិច្ចា ទុក្ខា អនត្តា វិបរិណាមធម្មា. កាយោ អនិច្ចោ ទុក្ខោ អនត្តា វិបរិណាមធម្មោ. ផោដ្ឋព្ពា អនិច្ចា ទុក្ខា អនត្តា វិបរិណាមធម្មា. មនោ អនិច្ចោ ទុក្ខោ អនត្តា វិបរិណាមធម្មោ. ធម្មា អនិច្ចា ទុក្ខា អនត្តា វិបរិណាមធម្មា.

សុត្តន្តភាជនីយំ.