(៧) អដ្ឋ អសញ្ញីវាទា

៩៥៨. តត្ថ កតមេ អដ្ឋ អសញ្ញីវាទា? ‘‘រូបី អត្តា ហោតិ អរោគោ បរំ មរណា’’តិ – អសញ្ញីតិ នំ បញ្ញបេន្តិ; អរូបី អត្តា…បេ… រូបី ច អរូបី ច…បេ… នេវរូបីនារូបី…បេ… ‘‘អន្តវា អត្តា ហោតិ អរោគោ បរំ មរណា’’តិ – អសញ្ញីតិ នំ បញ្ញបេន្តិ; ‘‘អនន្តវា អត្តា ហោតិ អរោគោ បរំ មរណា’’តិ – អសញ្ញីតិ នំ បញ្ញបេន្តិ; ‘‘អន្តវា ច អនន្តវា ច អត្តា ហោតិ អរោគោ បរំ មរណា’’តិ – អសញ្ញីតិ នំ បញ្ញបេន្តិ; ‘‘នេវន្តវា នានន្តវា អត្តា ហោតិ អរោគោ បរំ មរណា’’តិ – អសញ្ញីតិ នំ បញ្ញបេន្តិ. ឥមេ អដ្ឋ អសញ្ញីវាទា.