(៨) តិស្សោ តណ្ហា

៩១៦. តត្ថ កតមា តិស្សោ តណ្ហា? កាមតណ្ហា, ភវតណ្ហា, វិភវតណ្ហា.

តត្ថ កតមា ភវតណ្ហា? ភវទិដ្ឋិសហគតោ រាគោ សារាគោ ចិត្តស្ស សារាគោ – អយំ វុច្ចតិ ‘‘ភវតណ្ហា’’.

តត្ថ កតមា វិភវតណ្ហា? ឧច្ឆេទទិដ្ឋិសហគតោ រាគោ សារាគោ ចិត្តស្ស សារាគោ – អយំ វុច្ចតិ ‘‘វិភវតណ្ហា’’. អវសេសា តណ្ហា កាមតណ្ហា.

តត្ថ កតមា កាមតណ្ហា? កាមធាតុបដិសំយុត្តោ រាគោ សារាគោ ចិត្តស្ស សារាគោ – អយំ វុច្ចតិ ‘‘កាមតណ្ហា’’.

( ) [(តត្ថ កតមា ភវតណ្ហា)] រូបធាតុអរូបធាតុបដិសំយុត្តោ រាគោ សារាគោ ចិត្តស្ស សារាគោ – អយំ វុច្ចតិ ‘‘ភវតណ្ហា’’.

( ) [(តត្ថ កតមា វិភវតណ្ហា) (?)] ឧច្ឆេទទិដ្ឋិសហគតោ រាគោ សារាគោ ចិត្តស្ស សារាគោ – អយំ វុច្ចតិ ‘‘វិភវតណ្ហា’’. ឥមា តិស្សោ តណ្ហា.