១. បច្ចយានុលោមំ

ហេតុបច្ចយោ

៥០. អនិទស្សនសប្បដិឃំ ធម្មំ បដិច្ច នអនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. អនិទស្សនសប្បដិឃំ ធម្មំ បដិច្ច នសនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. អនិទស្សនសប្បដិឃំ ធម្មំ បដិច្ច នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. អនិទស្សនសប្បដិឃំ ធម្មំ បដិច្ច នសនិទស្សនសប្បដិឃោ ច នអនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា. អនិទស្សនសប្បដិឃំ ធម្មំ បដិច្ច នអនិទស្សនសប្បដិឃោ ច នអនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា. អនិទស្សនសប្បដិឃំ ធម្មំ បដិច្ច នសនិទស្សនសប្បដិឃោ ច នអនិទស្សនសប្បដិឃោ ច ធម្មា ឧប្បជ្ជន្តិ ហេតុបច្ចយា. (៦)

អនិទស្សនអប្បដិឃំ ធម្មំ បដិច្ច នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា… ឆ.

អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច នសនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា… ឆ. (សំខិត្តំ.)

ហេតុយា អដ្ឋារស, អារម្មណេ តីណិ…បេ… អវិគតេ អដ្ឋារស. (សព្ពត្ថ វិត្ថារោ. សហជាតវារម្បិ…បេ… សម្បយុត្តវារម្បិ វិត្ថារេតព្ពំ.)

ហេតុ-អារម្មណបច្ចយា

៥១. អនិទស្សនអប្បដិឃោ ធម្មោ នអនិទស្សនអប្បដិឃស្ស ធម្មស្ស ហេតុបច្ចយេន បច្ចយោ. អនិទស្សនអប្បដិឃោ ធម្មោ នសនិទស្សនសប្បដិឃស្ស ធម្មស្ស ហេតុបច្ចយេន បច្ចយោ. អនិទស្សនអប្បដិឃោ ធម្មោ នអនិទស្សនសប្បដិឃស្ស ធម្មស្ស ហេតុបច្ចយេន បច្ចយោ. អនិទស្សនអប្បដិឃោ ធម្មោ នសនិទស្សនសប្បដិឃស្ស ច នអនិទស្សនអប្បដិឃស្ស ច ធម្មស្ស ហេតុបច្ចយេន បច្ចយោ. នអនិទស្សនអប្បដិឃោ ធម្មោ នអនិទស្សនសប្បដិឃស្ស ច នអនិទស្សនអប្បដិឃស្ស ច ធម្មស្ស ហេតុបច្ចយេន បច្ចយោ. អនិទស្សនអប្បដិឃោ ធម្មោ នសនិទស្សនសប្បដិឃស្ស ច នអនិទស្សនសប្បដិឃស្ស ច ធម្មស្ស ហេតុបច្ចយេន បច្ចយោ. (៦)

សនិទស្សនសប្បដិឃោ ធម្មោ នសនិទស្សនសប្បដិឃស្ស ធម្មស្ស អារម្មណបច្ចយេន បច្ចយោ… តីណិ. (សំខិត្តំ.)

៥២. ហេតុយា ឆ, អារម្មណេ នវ. (បញ្ហាវារំ វិត្ថារេតព្ពំ.)

ធម្មានុលោមបច្ចនីយេ តិកបដ្ឋានំ និដ្ឋិតំ.