នមោ តស្ស ភគវតោ អរហតោ សម្មាសម្ពុទ្ធស្ស

អភិធម្មបិដកេ

បដ្ឋានបាឡិ

(បញ្ចមោ ភាគោ)

ធម្មានុលោមេ តិកតិកបដ្ឋានំ

១-១. កុសលត្តិក-វេទនាត្តិកំ

១. សុខាយវេទនាយសម្បយុត្តបទំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

១. កុសលំ សុខាយ វេទនាយ សម្បយុត្តំ ធម្មំ បដិច្ច កុសលោ សុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. (១)

អកុសលំ សុខាយ វេទនាយ សម្បយុត្តំ ធម្មំ បដិច្ច អកុសលោ សុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. (១)

អព្យាកតំ សុខាយ វេទនាយ សម្បយុត្តំ ធម្មំ បដិច្ច អព្យាកតោ សុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

២. ហេតុយា តីណិ, អារម្មណេ តីណិ…បេ… អវិគតេ តីណិ. (សំខិត្តំ…បេ… សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

៣. កុសលោ សុខាយ វេទនាយ សម្បយុត្តោ ធម្មោ កុសលស្ស សុខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ. (១)

អកុសលោ សុខាយ វេទនាយ សម្បយុត្តោ ធម្មោ អកុសលស្ស សុខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ. (១)

អព្យាកតោ សុខាយ វេទនាយ សម្បយុត្តោ ធម្មោ អព្យាកតស្ស សុខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ. (១)

កុសលោ សុខាយ វេទនាយ សម្បយុត្តោ ធម្មោ កុសលស្ស សុខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ. (សំខិត្តំ.)

៤. ហេតុយា តីណិ, អារម្មណេ នវ. (សំខិត្តំ.)

(យថា កុសលត្តិកេ បញ្ហាវារំ ឯវំ វិត្ថារេតព្ពំ.)

២. ទុក្ខាយវេទនាយសម្បយុត្តបទំ

១-៧. បដិច្ចវារាទិ

បច្ចយចតុក្កំ

ហេតុ-អារម្មណបច្ចយា

៥. អកុសលំ ទុក្ខាយ វេទនាយ សម្បយុត្តំ ធម្មំ បដិច្ច អកុសលោ ទុក្ខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. (១)

អកុសលំ ទុក្ខាយ វេទនាយ សម្បយុត្តំ ធម្មំ បដិច្ច អកុសលោ ទុក្ខាយ វេទនាយ សម្បយុត្តោ ធម្មោ ឧប្បជ្ជតិ អារម្មណបច្ចយា. (១)

អព្យាកតំ ទុក្ខាយ វេទនាយ សម្បយុត្តំ ធម្មំ បដិច្ច អព្យាកតោ ទុក្ខាយ វេទនាយ សម្បយុត្តោ ធម្មោ ឧប្បជ្ជតិ អារម្មណបច្ចយា. (១) (សំខិត្តំ.)

៦. ហេតុយា ឯកំ, អារម្មណេ ទ្វេ…បេ… អវិគតេ ទ្វេ. (សំខិត្តំ.) (សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

៧. អកុសលោ ទុក្ខាយ វេទនាយ សម្បយុត្តោ ធម្មោ អកុសលស្ស ទុក្ខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ. (១)

អកុសលោ ទុក្ខាយ វេទនាយ សម្បយុត្តោ ធម្មោ អកុសលស្ស ទុក្ខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ. (១)

អព្យាកតោ ទុក្ខាយ វេទនាយ សម្បយុត្តោ ធម្មោ អកុសលស្ស ទុក្ខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ. (១) (សំខិត្តំ.)

៨. ហេតុយា ឯកំ, អារម្មណេ ទ្វេ. (សំខិត្តំ. យថា កុសលត្តិកេ បញ្ហាវារំ ឯវំ វិត្ថារេតព្ពំ.)

៣. អទុក្ខមសុខវេទនាយសម្បយុត្តបទំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

៩. កុសលំ អទុក្ខមសុខាយ វេទនាយ សម្បយុត្តំ ធម្មំ បដិច្ច កុសលោ អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. (១)

អកុសលំ អទុក្ខមសុខាយ វេទនាយ សម្បយុត្តំ ធម្មំ បដិច្ច អកុសលោ អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. (១)

អព្យាកតំ អទុក្ខមសុខាយ វេទនាយ សម្បយុត្តំ ធម្មំ បដិច្ច អព្យាកតោ អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. (១)

១០. ហេតុយា តីណិ, អារម្មណេ តីណិ…បេ… អវិគតេ តីណិ. (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

១១. កុសលោ អទុក្ខមសុខាយ វេទនាយ សម្បយុត្តោ ធម្មោ កុសលស្ស អទុក្ខមសុខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ. (១)

អកុសលោ អទុក្ខមសុខាយ វេទនាយ សម្បយុត្តោ ធម្មោ អកុសលស្ស អទុក្ខមសុខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ. (១)

អព្យាកតោ អទុក្ខមសុខាយ វេទនាយ សម្បយុត្តោ ធម្មោ អព្យាកតស្ស អទុក្ខមសុខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

១២. ហេតុយា តីណិ, អារម្មណេ នវ, អធិបតិយា សត្ត, អនន្តរេ សត្ត…បេ… ឧបនិស្សយេ នវ, អវិគតេ តីណិ. (សំខិត្តំ. យថា កុសលត្តិកេ បញ្ហាវារំ ឯវំ វិត្ថារេតព្ពំ.)

១-២. កុសលត្តិក-វិបាកត្តិកំ

១-៧. បដិច្ចវារាទិ

បច្ចយចតុក្កំ

១៣. អព្យាកតំ វិបាកំ ធម្មំ បដិច្ច អព្យាកតោ វិបាកោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា ឯកំ, អារម្មណេ ឯកំ…បេ… អវិគតេ ឯកំ. (សំខិត្តំ.)

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

១៤. កុសលំ វិបាកធម្មធម្មំ បដិច្ច កុសលោ វិបាកធម្មធម្មោ ឧប្បជ្ជតិ ហេតុបច្ចយា. (១)

អកុសលំ វិបាកធម្មធម្មំ បដិច្ច អកុសលោ វិបាកធម្មធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា ទ្វេ, អារម្មណេ ទ្វេ…បេ… អវិគតេ ទ្វេ. (សំខិត្តំ.)

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

១៥. កុសលោ វិបាកធម្មធម្មោ កុសលស្ស វិបាកធម្មធម្មស្ស ហេតុបច្ចយេន បច្ចយោ. (១)

អកុសលោ វិបាកធម្មធម្មោ អកុសលស្ស វិបាកធម្មធម្មស្ស ហេតុបច្ចយេន បច្ចយោ. (១)

កុសលោ វិបាកធម្មធម្មោ កុសលស្ស វិបាកធម្មធម្មស្ស អារម្មណបច្ចយេន បច្ចយោ. កុសលោ វិបាកធម្មធម្មោ អកុសលស្ស វិបាកធម្មធម្មស្ស អារម្មណបច្ចយេន បច្ចយោ. (២)

អកុសលោ វិបាកធម្មធម្មោ អកុសលស្ស វិបាកធម្មធម្មស្ស អារម្មណបច្ចយេន បច្ចយោ. អកុសលោ វិបាកធម្មធម្មោ កុសលស្ស វិបាកធម្មធម្មស្ស អារម្មណបច្ចយេន បច្ចយោ. (២) (សំខិត្តំ.)

១៦. ហេតុយា ទ្វេ, អារម្មណេ ចត្តារិ, អធិបតិយា តីណិ, អនន្តរេ ទ្វេ…បេ… សហជាតេ ទ្វេ, ឧបនិស្សយេ ចត្តារិ…បេ… អវិគតេ ទ្វេ. (សំខិត្តំ. យថា កុសលត្តិកេ បញ្ហាវារំ ឯវំ វិត្ថារេតព្ពំ.)

១៧. អព្យាកតំ នេវវិបាកនវិបាកធម្មធម្មំ បដិច្ច អព្យាកតោ នេវវិបាកនវិបាកធម្មធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា ឯកំ, អារម្មណេ ឯកំ…បេ… អវិគតេ ឯកំ. (សំខិត្តំ.)

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

១-៣. កុសលត្តិក-ឧបាទិន្នត្តិកំ

១-៧. បដិច្ចវារាទិ

បច្ចយចតុក្កំ

១៨. អព្យាកតំ ឧបាទិន្នុបាទានិយំ ធម្មំ បដិច្ច អព្យាកតោ ឧបាទិន្នុបាទានិយោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា ឯកំ…បេ… អវិគតេ ឯកំ. (សំខិត្តំ.)

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

១៩. កុសលំ អនុបាទិន្នុបាទានិយំ ធម្មំ បដិច្ច កុសលោ អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា… តីណិ.

អកុសលំ អនុបាទិន្នុបាទានិយំ ធម្មំ បដិច្ច អកុសលោ អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ អនុបាទិន្នុបាទានិយំ ធម្មំ បដិច្ច អព្យាកតោ អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា. (១)

កុសលំ អនុបាទិន្នុបាទានិយញ្ច អព្យាកតំ អនុបាទិន្នុបាទានិយញ្ច ធម្មំ បដិច្ច អព្យាកតោ អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា. (១)

អកុសលំ អនុបាទិន្នុបាទានិយញ្ច អព្យាកតំ អនុបាទិន្នុបាទានិយញ្ច ធម្មំ បដិច្ច អព្យាកតោ អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

២០. ហេតុយា នវ, អវិគតេ នវ. (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

២១. កុសលោ អនុបាទិន្នុបាទានិយោ ធម្មោ កុសលស្ស អនុបាទិន្នុបាទានិយស្ស ធម្មស្ស ហេតុបច្ចយេន បច្ចយោ… តីណិ.

អកុសលោ អនុបាទិន្នុបាទានិយោ ធម្មោ អកុសលស្ស អនុបាទិន្នុបាទានិយស្ស ធម្មស្ស ហេតុបច្ចយេន បច្ចយោ… តីណិ.

អព្យាកតោ អនុបាទិន្នុបាទានិយោ ធម្មោ អព្យាកតស្ស អនុបាទិន្នុបាទានិយស្ស ធម្មស្ស ហេតុបច្ចយេន បច្ចយោ. (១)

២២. កុសលោ អនុបាទិន្នុបាទានិយោ ធម្មោ កុសលស្ស អនុបាទិន្នុបាទានិយស្ស ធម្មស្ស អារម្មណបច្ចយេន បច្ចយោ… តីណិ.

អកុសលោ អនុបាទិន្នុបាទានិយោ ធម្មោ អកុសលស្ស អនុបាទិន្នុបាទានិយស្ស ធម្មស្ស អារម្មណបច្ចយេន បច្ចយោ… តីណិ.

អព្យាកតោ អនុបាទិន្នុបាទានិយោ ធម្មោ អព្យាកតស្ស អនុបាទិន្នុបាទានិយស្ស ធម្មស្ស អារម្មណបច្ចយេន បច្ចយោ… តីណិ. (សំខិត្តំ.)

២៣. ហេតុយា សត្ត, អារម្មណេ នវ, អវិគតេ ឯកាទស. (សំខិត្តំ.)

(យថា កុសលត្តិកេ បញ្ហាវារំ ឯវំ វិត្ថារេតព្ពំ.)

២៤. កុសលំ អនុបាទិន្នអនុបាទានិយំ ធម្មំ បដិច្ច កុសលោ អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា. (១)

អព្យាកតំ អនុបាទិន្នអនុបាទានិយំ ធម្មំ បដិច្ច អព្យាកតោ អនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា ទ្វេ, អវិគតេ ទ្វេ. (សំខិត្តំ, សហជាតវារម្បិ…បេ… បញ្ហាវារម្បិ សព្ពត្ថ វិត្ថារោ.)

១-៤. កុសលត្តិក-សំកិលិដ្ឋត្តិកំ

១-៧. បដិច្ចវារាទិ

បច្ចយចតុក្កំ

២៥. អកុសលំ សំកិលិដ្ឋសំកិលេសិកំ ធម្មំ បដិច្ច អកុសលោ សំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា ឯកំ…បេ… អវិគតេ ឯកំ. (សំខិត្តំ.)

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

២៦. កុសលំ អសំកិលិដ្ឋសំកិលេសិកំ ធម្មំ បដិច្ច កុសលោ អសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ អសំកិលិដ្ឋសំកិលេសិកំ ធម្មំ បដិច្ច អព្យាកតោ អសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា. (១)

កុសលំ អសំកិលិដ្ឋសំកិលេសិកញ្ច អព្យាកតំ អសំកិលិដ្ឋសំកិលេសិកញ្ច ធម្មំ បដិច្ច អព្យាកតោ អសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា. (១)

២៧. ហេតុយា បញ្ច, អវិគតេ បញ្ច. (សំខិត្តំ. សហជាតវារេបិ…បេ… បញ្ហាវារេបិ សព្ពត្ថ វិត្ថារោ.)

២៨. កុសលំ អសំកិលិដ្ឋអសំកិលេសិកំ ធម្មំ បដិច្ច កុសលោ អសំកិលិដ្ឋអសំកិលេសិកោ ធម្មោ ឧប្បជ្ជតិ ហេតុបច្ចយា. (១)

អព្យាកតំ អសំកិលិដ្ឋអសំកិលេសិកំ ធម្មំ បដិច្ច អព្យាកតោ អសំកិលិដ្ឋអសំកិលេសិកោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា ទ្វេ…បេ… អវិគតេ ទ្វេ. (សំខិត្តំ. សហជាតវារេបិ…បេ… បញ្ហាវារេបិ សព្ពត្ថ វិត្ថារេតព្ពំ.)

១-៥. កុសលត្តិក-វិតក្កត្តិកំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

២៩. កុសលំ សវិតក្កសវិចារំ ធម្មំ បដិច្ច កុសលោ សវិតក្កសវិចារោ ធម្មោ ឧប្បជ្ជតិ ហេតុបច្ចយា. (១)

អកុសលំ សវិតក្កសវិចារំ ធម្មំ បដិច្ច អកុសលោ សវិតក្កសវិចារោ ធម្មោ ឧប្បជ្ជតិ ហេតុបច្ចយា. (១)

អព្យាកតំ សវិតក្កសវិចារំ ធម្មំ បដិច្ច អព្យាកតោ សវិតក្កសវិចារោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា តីណិ, អារម្មណេ តីណិ, អវិគតេ តីណិ. (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

៣០. កុសលោ សវិតក្កសវិចារោ ធម្មោ កុសលស្ស សវិតក្កសវិចារស្ស ធម្មស្ស ហេតុបច្ចយេន បច្ចយោ. (១)

អកុសលោ សវិតក្កសវិចារោ ធម្មោ អកុសលស្ស សវិតក្កសវិចារស្ស ធម្មស្ស ហេតុបច្ចយេន បច្ចយោ. (១)

អព្យាកតោ សវិតក្កសវិចារោ ធម្មោ អព្យាកតស្ស សវិតក្កសវិចារស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

៣១. ហេតុយា តីណិ, អារម្មណេ នវ, អវិគតេ តីណិ. (សំខិត្តំ.) (យថា កុសលត្តិកេ បញ្ហាវារំ ឯវំ វិត្ថារេតព្ពំ).

៣២. កុសលំ អវិតក្កវិចារមត្តំ ធម្មំ បដិច្ច កុសលោ អវិតក្កវិចារមត្តោ ធម្មោ ឧប្បជ្ជតិ ហេតុបច្ចយា. (១)

អព្យាកតំ អវិតក្កវិចារមត្តំ ធម្មំ បដិច្ច អព្យាកតោ អវិតក្កវិចារមត្តោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា ទ្វេ, អវិគតេ ទ្វេ. (សំខិត្តំ.)

(សហជាតវារេបិ…បេ… សម្បយុត្តវារេបិ បញ្ហាវារេបិ សព្ពត្ថ វិត្ថារោ.)

៣៣. កុសលំ អវិតក្កអវិចារំ ធម្មំ បដិច្ច កុសលោ អវិតក្កអវិចារោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ អវិតក្កអវិចារំ ធម្មំ បដិច្ច អព្យាកតោ អវិតក្កអវិចារោ ធម្មោ ឧប្បជ្ជតិ ហេតុបច្ចយា. (១)

កុសលំ អវិតក្កអវិចារញ្ច អព្យាកតំ អវិតក្កអវិចារញ្ច ធម្មំ បដិច្ច អព្យាកតោ អវិតក្កអវិចារោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា បញ្ច, អារម្មណេ ទ្វេ, អវិគតេ បញ្ច. (សំខិត្តំ. សហជាតវារម្បិ…បេ… បញ្ហាវារម្បិ វិត្ថារេតព្ពំ.)

១-៦. កុសលត្តិក-បីតិត្តិកំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

៣៤. កុសលំ បីតិសហគតំ ធម្មំ បដិច្ច កុសលោ បីតិសហគតោ ធម្មោ ឧប្បជ្ជតិ ហេតុបច្ចយា. (១)

អកុសលំ បីតិសហគតំ ធម្មំ បដិច្ច អកុសលោ បីតិសហគតោ ធម្មោ ឧប្បជ្ជតិ ហេតុបច្ចយា. (១)

អព្យាកតំ បីតិសហគតំ ធម្មំ បដិច្ច អព្យាកតោ បីតិសហគតោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា តីណិ, អារម្មណេ តីណិ, អវិគតេ តីណិ. (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

៣៥. កុសលោ បីតិសហគតោ ធម្មោ កុសលស្ស បីតិសហគតស្ស ធម្មស្ស ហេតុបច្ចយេន បច្ចយោ. (១)

អកុសលោ បីតិសហគតោ ធម្មោ អកុសលស្ស បីតិសហគតស្ស ធម្មស្ស ហេតុបច្ចយេន បច្ចយោ. (១)

អព្យាកតោ បីតិសហគតោ ធម្មោ អព្យាកតស្ស បីតិសហគតស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

ហេតុយា តីណិ, អារម្មណេ នវ, អធិបតិយា សត្ត, អនន្តរេ បញ្ច អវិគតេ តីណិ. (សំខិត្តំ.)

(យថា កុសលត្តិកេ បញ្ហាវារំ ឯវំ វិត្ថារេតព្ពំ.)

៣៦. កុសលំ សុខសហគតំ ធម្មំ បដិច្ច កុសលោ សុខសហគតោ ធម្មោ ឧប្បជ្ជតិ ហេតុបច្ចយា. (១)

អកុសលំ សុខសហគតំ ធម្មំ បដិច្ច អកុសលោ សុខសហគតោ ធម្មោ ឧប្បជ្ជតិ ហេតុបច្ចយា. (១)

អព្យាកតំ សុខសហគតំ ធម្មំ បដិច្ច អព្យាកតោ សុខសហគតោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា តីណិ, អារម្មណេ តីណិ, អវិគតេ តីណិ. (សំខិត្តំ. សហជាតវារម្បិ…បេ… បញ្ហាវារម្បិ វិត្ថារេតព្ពំ.)

៣៧. កុសលំ ឧបេក្ខាសហគតំ ធម្មំ បដិច្ច កុសលោ ឧបេក្ខាសហគតោ ធម្មោ ឧប្បជ្ជតិ ហេតុបច្ចយា. (១)

អកុសលំ ឧបេក្ខាសហគតំ ធម្មំ បដិច្ច អកុសលោ ឧបេក្ខាសហគតោ ធម្មោ ឧប្បជ្ជតិ ហេតុបច្ចយា. (១)

អព្យាកតំ ឧបេក្ខាសហគតំ ធម្មំ បដិច្ច អព្យាកតោ ឧបេក្ខាសហគតោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា តីណិ, អវិគតេ តីណិ. (សំខិត្តំ.)

(សហជាតវារម្បិ…បេ… បញ្ហាវារម្បិ វិត្ថារេតព្ពំ.)

១-៧. កុសលត្តិក-ទស្សនត្តិកំ

១-៧. បដិច្ចវារាទិ

បច្ចយចតុក្កំ

៣៨. អកុសលំ ទស្សនេន បហាតព្ពំ ធម្មំ បដិច្ច អកុសលោ ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា ឯកំ…បេ… អវិគតេ ឯកំ. (សំខិត្តំ.)

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

៣៩. អកុសលំ ភាវនាយ បហាតព្ពំ ធម្មំ បដិច្ច អកុសលោ ភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា ឯកំ…បេ… អវិគតេ ឯកំ. (សំខិត្តំ.)

៤០. កុសលំ នេវទស្សនេន នភាវនាយ បហាតព្ពំ ធម្មំ បដិច្ច កុសលោ នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ នេវទស្សនេន នភាវនាយ បហាតព្ពំ ធម្មំ បដិច្ច អព្យាកតោ នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា. (១)