ធម្មានុលោមបច្ចនីយេ តិកបដ្ឋានំ

១. កុសលត្តិកំ

១-៦. បដិច្ចវារាទិ

បច្ចយចតុក្កំ

ហេតុបច្ចយោ

១. កុសលំ ធម្មំ បដិច្ច នកុសលោ ធម្មោ ឧប្បជ្ជតិ ហេតុបច្ចយា – កុសលេ ខន្ធេ បដិច្ច ចិត្តសមុដ្ឋានំ រូបំ. កុសលំ ធម្មំ បដិច្ច នអកុសលោ ធម្មោ ឧប្បជ្ជតិ ហេតុបច្ចយា – កុសលំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… កុសលំ ធម្មំ បដិច្ច នអព្យាកតោ ធម្មោ ឧប្បជ្ជតិ ហេតុបច្ចយា – កុសលំ ឯកំ ខន្ធំ បដិច្ច តយោ ខន្ធា…បេ… កុសលំ ធម្មំ បដិច្ច នអកុសលោ ច នអព្យាកតោ ច ធម្មា ឧប្បជ្ជន្តិ ហេតុបច្ចយា – កុសលំ ឯកំ ខន្ធំ បដិច្ច តយោ ខន្ធា…បេ… កុសលំ ធម្មំ បដិច្ច នកុសលោ ច នអកុសលោ ច ធម្មា ឧប្បជ្ជន្តិ ហេតុបច្ចយា – កុសលេ ខន្ធេ បដិច្ច ចិត្តសមុដ្ឋានំ រូបំ. (៥)

២. អកុសលំ ធម្មំ បដិច្ច នអកុសលោ ធម្មោ ឧប្បជ្ជតិ ហេតុបច្ចយា – អកុសលេ ខន្ធេ បដិច្ច ចិត្តសមុដ្ឋានំ រូបំ. អកុសលំ ធម្មំ បដិច្ច នកុសលោ ធម្មោ ឧប្បជ្ជតិ ហេតុបច្ចយា – អកុសលំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… អកុសលំ ធម្មំ បដិច្ច នអព្យាកតោ ធម្មោ ឧប្បជ្ជតិ ហេតុបច្ចយា. អកុសលំ ធម្មំ បដិច្ច នកុសលោ ច នអព្យាកតោ ច ធម្មា ឧប្បជ្ជន្តិ ហេតុបច្ចយា. អកុសលំ ធម្មំ បដិច្ច នកុសលោ ច នអកុសលោ ច ធម្មា ឧប្បជ្ជន្តិ ហេតុបច្ចយា. (៥)

៣. អព្យាកតំ ធម្មំ បដិច្ច នកុសលោ ធម្មោ ឧប្បជ្ជតិ ហេតុបច្ចយា – វិបាកាព្យាកតំ កិរិយាព្យាកតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… បដិសន្ធិក្ខណេ…បេ… ឯកំ មហាភូតំ បដិច្ច តយោ មហាភូតា…បេ… ទ្វេ មហាភូតេ បដិច្ច ទ្វេ មហាភូតា, មហាភូតេ បដិច្ច ចិត្តសមុដ្ឋានំ រូបំ. អព្យាកតំ ធម្មំ បដិច្ច នអកុសលោ ធម្មោ ឧប្បជ្ជតិ ហេតុបច្ចយា – វិបាកាព្យាកតំ…បេ… បដិសន្ធិក្ខណេ…បេ… មហាភូតំ…បេ… អព្យាកតំ ធម្មំ បដិច្ច នកុសលោ ច នអកុសលោ ច ធម្មា ឧប្បជ្ជន្តិ ហេតុបច្ចយា – វិបាកាព្យាកតំ កិរិយាព្យាកតំ…បេ…. (៣) (សំខិត្តំ.)

៤. កុសលញ្ច អព្យាកតញ្ច ធម្មំ បដិច្ច នកុសលោ ធម្មោ ឧប្បជ្ជតិ ហេតុបច្ចយា – កុសលេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. កុសលញ្ច អព្យាកតញ្ច ធម្មំ បដិច្ច នអកុសលោ ធម្មោ ឧប្បជ្ជតិ ហេតុបច្ចយា. កុសលញ្ច អព្យាកតញ្ច ធម្មំ បដិច្ច នកុសលោ ច នអកុសលោ ច ធម្មា ឧប្បជ្ជន្តិ ហេតុបច្ចយា. (៣)

អកុសលញ្ច អព្យាកតញ្ច ធម្មំ បដិច្ច នកុសលោ ធម្មោ ឧប្បជ្ជតិ ហេតុបច្ចយា. អកុសលញ្ច អព្យាកតញ្ច ធម្មំ បដិច្ច នអកុសលោ ធម្មោ ឧប្បជ្ជតិ ហេតុបច្ចយា. អកុសលញ្ច អព្យាកតញ្ច ធម្មំ បដិច្ច នកុសលោ ច នអកុសលោ ច ធម្មា ឧប្បជ្ជន្តិ ហេតុបច្ចយា. (៣) (ចិត្តសមុដ្ឋានរូបមេវ ឯត្ថ វត្តតិ, ឯកូនវីសតិ បញ្ហា កាតព្ពា.)

អារម្មណបច្ចយោ

៥. កុសលំ ធម្មំ បដិច្ច នអកុសលោ ធម្មោ ឧប្បជ្ជតិ អារម្មណបច្ចយា. កុសលំ ធម្មំ បដិច្ច នអព្យាកតោ ធម្មោ ឧប្បជ្ជតិ អារម្មណបច្ចយា. កុសលំ ធម្មំ បដិច្ច នអកុសលោ ច នអព្យាកតោ ច ធម្មា ឧប្បជ្ជន្តិ អារម្មណបច្ចយា. (៣)

អកុសលំ ធម្មំ បដិច្ច នកុសលោ ធម្មោ ឧប្បជ្ជតិ អារម្មណបច្ចយា. អកុសលំ ធម្មំ បដិច្ច នអព្យាកតោ ធម្មោ ឧប្បជ្ជតិ អារម្មណបច្ចយា. អកុសលំ ធម្មំ បដិច្ច នកុសលោ ច នអព្យាកតោ ច ធម្មា ឧប្បជ្ជន្តិ អារម្មណបច្ចយា. (៣)

អព្យាកតំ ធម្មំ បដិច្ច នកុសលោ ធម្មោ ឧប្បជ្ជតិ អារម្មណបច្ចយា. អព្យាកតំ ធម្មំ បដិច្ច នអកុសលោ ធម្មោ ឧប្បជ្ជតិ អារម្មណបច្ចយា. អព្យាកតំ ធម្មំ បដិច្ច នកុសលោ ច នអកុសលោ ច ធម្មា ឧប្បជ្ជន្តិ អារម្មណបច្ចយា. (៣) (សំខិត្តំ.)

ហេតុយា ឯកូនវីស, អារម្មណេ នវ, អធិបតិយា ឯកូនវីស, អនន្តរេ នវ, សមនន្តរេ នវ, សហជាតេ ឯកូនវីស…បេ… អវិគតេ ឯកូនវីស.

បច្ចនីយំ

នហេតុ-នអារម្មណបច្ចយា

៦. អកុសលំ ធម្មំ បដិច្ច នកុសលោ ធម្មោ ឧប្បជ្ជតិ នហេតុបច្ចយា. អកុសលំ ធម្មំ បដិច្ច នអព្យាកតោ ធម្មោ ឧប្បជ្ជតិ នហេតុបច្ចយា. អកុសលំ ធម្មំ បដិច្ច នកុសលោ ច នអព្យាកតោ ច ធម្មា ឧប្បជ្ជន្តិ នហេតុបច្ចយា. (៣)

អព្យាកតំ ធម្មំ បដិច្ច នកុសលោ ធម្មោ ឧប្បជ្ជតិ នហេតុបច្ចយា. អព្យាកតំ ធម្មំ បដិច្ច នអកុសលោ ធម្មោ ឧប្បជ្ជតិ នហេតុបច្ចយា. អព្យាកតំ ធម្មំ បដិច្ច នកុសលោ ច នអកុសលោ ច ធម្មា ឧប្បជ្ជន្តិ នហេតុបច្ចយា. (៣)

៧. កុសលំ ធម្មំ បដិច្ច នកុសលោ ធម្មោ ឧប្បជ្ជតិ នអារម្មណបច្ចយា. កុសលំ ធម្មំ បដិច្ច នអកុសលោ ធម្មោ ឧប្បជ្ជតិ នអារម្មណបច្ចយា. កុសលំ ធម្មំ បដិច្ច នកុសលោ ច នអកុសលោ ច ធម្មា ឧប្បជ្ជន្តិ នអារម្មណបច្ចយា. (៣)

អកុសលំ ធម្មំ បដិច្ច នអកុសលោ ធម្មោ ឧប្បជ្ជតិ នអារម្មណបច្ចយា. អកុសលំ ធម្មំ បដិច្ច នកុសលោ ធម្មោ ឧប្បជ្ជតិ នអារម្មណបច្ចយា. អកុសលំ ធម្មំ បដិច្ច នកុសលោ ច នអកុសលោ ច ធម្មា ឧប្បជ្ជន្តិ នអារម្មណបច្ចយា. (៣) (សំខិត្តំ.)

នហេតុយា ឆ, នអារម្មណេ បន្នរស, នអធិបតិយា ឯកូនវីស…បេ… នោវិគតេ បន្នរស.

(បច្ចនីយំ វិត្ថារេតព្ពំ. សហជាតវារម្បិ បច្ចយវារម្បិ វិត្ថារេតព្ពំ. បច្ចយវារេបិ ហេតុយា ឆព្ពីស, អារម្មណេ អដ្ឋារស…បេ… អវិគតេ ឆព្ពីស. និស្សយវារម្បិ សំសដ្ឋវារម្បិ សម្បយុត្តវារម្បិ បដិច្ចវារសទិសំ.)

១. កុសលត្តិកំ

៧. បញ្ហាវារោ

បច្ចយចតុក្កំ

ហេតុ-អារម្មណបច្ចយា

៨. កុសលោ ធម្មោ នកុសលស្ស ធម្មស្ស ហេតុបច្ចយេន បច្ចយោ. កុសលោ ធម្មោ នអកុសលស្ស ធម្មស្ស ហេតុបច្ចយេន បច្ចយោ. កុសលោ ធម្មោ នអព្យាកតស្ស ធម្មស្ស ហេតុបច្ចយេន បច្ចយោ. កុសលោ ធម្មោ នអកុសលស្ស ច នអព្យាកតស្ស ច ធម្មស្ស ហេតុបច្ចយេន បច្ចយោ. កុសលោ ធម្មោ នកុសលស្ស ច នអកុសលស្ស ច ធម្មស្ស ហេតុបច្ចយេន បច្ចយោ. (៥)

៩. អកុសលោ ធម្មោ នអកុសលស្ស ធម្មស្ស ហេតុបច្ចយេន បច្ចយោ. អកុសលោ ធម្មោ នកុសលស្ស ធម្មស្ស ហេតុបច្ចយេន បច្ចយោ. អកុសលោ ធម្មោ នអព្យាកតស្ស ធម្មស្ស ហេតុបច្ចយេន បច្ចយោ. អកុសលោ ធម្មោ នកុសលស្ស ច នអព្យាកតស្ស ច ធម្មស្ស ហេតុបច្ចយេន បច្ចយោ. អកុសលោ ធម្មោ នកុសលស្ស ច នអកុសលស្ស ច ធម្មស្ស ហេតុបច្ចយេន បច្ចយោ. (៥)

អព្យាកតោ ធម្មោ នកុសលស្ស ធម្មស្ស ហេតុបច្ចយេន បច្ចយោ. អព្យាកតោ ធម្មោ នអកុសលស្ស ធម្មស្ស ហេតុបច្ចយេន បច្ចយោ. អព្យាកតោ ធម្មោ នកុសលស្ស ច នអកុសលស្ស ច ធម្មស្ស ហេតុបច្ចយេន បច្ចយោ. (៣)

១០. កុសលោ ធម្មោ នកុសលស្ស ធម្មស្ស អារម្មណបច្ចយេន បច្ចយោ…. (ឆ បញ្ហា.)

អកុសលោ ធម្មោ នអកុសលស្ស ធម្មស្ស អារម្មណបច្ចយេន បច្ចយោ …. (ឆ បញ្ហា.)

អព្យាកតោ ធម្មោ នអព្យាកតស្ស ធម្មស្ស អារម្មណបច្ចយេន បច្ចយោ…. (ឆ បញ្ហា, សំខិត្តំ.)

១១. ហេតុយា តេរស, អារម្មណេ អដ្ឋារស, អធិបតិយា សត្តរស, អនន្តរេ សោឡស, សមនន្តរេ សោឡស, សហជាតេ ឯកូនវីស, អញ្ញមញ្ញេ នវ, និស្សយេ ឆព្ពីស, ឧបនិស្សយេ អដ្ឋារស, បុរេជាតេ ឆ, បច្ឆាជាតេ នវ, អាសេវនេ នវ, កម្មេ តេរស, វិបាកេ តីណិ, អាហារេ តេរស…បេ… មគ្គេ តេរស, សម្បយុត្តេ នវ, វិប្បយុត្តេ ទ្វាទស…បេ… អវិគតេ ឆព្ពីស. (បញ្ហាវារំ វិត្ថារេតព្ពំ.)

២. វេទនាត្តិកំ

១-៦. បដិច្ចវារាទិ

បច្ចយចតុក្កំ

ហេតុបច្ចយោ

១២. សុខាយ វេទនាយ សម្បយុត្តំ ធម្មំ បដិច្ច នសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា – សុខាយ វេទនាយ សម្បយុត្តេ ខន្ធេ បដិច្ច សុខវេទនា ចិត្តសមុដ្ឋានញ្ច រូបំ; បដិសន្ធិក្ខណេ…បេ… (មហាភូតា នត្ថិ). សុខាយ វេទនាយ សម្បយុត្តំ ធម្មំ បដិច្ច នទុក្ខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា – សុខាយ វេទនាយ សម្បយុត្តំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… សុខាយ វេទនាយ សម្បយុត្តំ ធម្មំ បដិច្ច នអទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. សុខាយ វេទនាយ សម្បយុត្តំ ធម្មំ បដិច្ច នសុខាយ វេទនាយ សម្បយុត្តោ ច នអទុក្ខមសុខាយ វេទនាយ សម្បយុត្តោ ច ធម្មា ឧប្បជ្ជន្តិ ហេតុបច្ចយា. សុខាយ វេទនាយ សម្បយុត្តំ ធម្មំ បដិច្ច នទុក្ខាយ វេទនាយ សម្បយុត្តោ ច នអទុក្ខមសុខាយ វេទនាយ សម្បយុត្តោ ច ធម្មា ឧប្បជ្ជន្តិ ហេតុបច្ចយា. សុខាយ វេទនាយ សម្បយុត្តំ ធម្មំ បដិច្ច នសុខាយ វេទនាយ សម្បយុត្តោ ច នទុក្ខាយ វេទនាយ សម្បយុត្តោ ច ធម្មា ឧប្បជ្ជន្តិ ហេតុបច្ចយា. សុខាយ វេទនាយ សម្បយុត្តំ ធម្មំ បដិច្ច នសុខាយ វេទនាយ សម្បយុត្តោ ច នទុក្ខាយ វេទនាយ សម្បយុត្តោ ច នអទុក្ខមសុខាយ វេទនាយ សម្បយុត្តោ ច ធម្មា ឧប្បជ្ជន្តិ ហេតុបច្ចយា. (៧)

១៣. ទុក្ខាយ វេទនាយ សម្បយុត្តំ ធម្មំ បដិច្ច នទុក្ខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. ទុក្ខាយ វេទនាយ សម្បយុត្តំ ធម្មំ បដិច្ច នសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. ទុក្ខាយ វេទនាយ សម្បយុត្តំ ធម្មំ បដិច្ច នអទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. ទុក្ខាយ វេទនាយ សម្បយុត្តំ ធម្មំ បដិច្ច នសុខាយ វេទនាយ សម្បយុត្តោ ច នអទុក្ខមសុខាយ វេទនាយ សម្បយុត្តោ ច ធម្មា ឧប្បជ្ជន្តិ ហេតុបច្ចយា. ទុក្ខាយ វេទនាយ សម្បយុត្តំ ធម្មំ បដិច្ច នទុក្ខាយ វេទនាយ សម្បយុត្តោ ច នអទុក្ខមសុខាយ វេទនាយ សម្បយុត្តោ ច ធម្មា ឧប្បជ្ជន្តិ ហេតុបច្ចយា. ទុក្ខាយ វេទនាយ សម្បយុត្តំ ធម្មំ បដិច្ច នសុខាយ វេទនាយ សម្បយុត្តោ ច នទុក្ខាយ វេទនាយ សម្បយុត្តោ ច ធម្មា ឧប្បជ្ជន្តិ ហេតុបច្ចយា. ទុក្ខាយ វេទនាយ សម្បយុត្តំ ធម្មំ បដិច្ច នសុខាយ វេទនាយ សម្បយុត្តោ ច នទុក្ខាយ វេទនាយ សម្បយុត្តោ ច នអទុក្ខមសុខាយ វេទនាយ សម្បយុត្តោ ច ធម្មា ឧប្បជ្ជន្តិ ហេតុបច្ចយា. (៧)

១៤. អទុក្ខមសុខាយ វេទនាយ សម្បយុត្តំ ធម្មំ បដិច្ច នអទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. អទុក្ខមសុខាយ វេទនាយ សម្បយុត្តំ ធម្មំ បដិច្ច នសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. អទុក្ខមសុខាយ វេទនាយ សម្បយុត្តំ ធម្មំ បដិច្ច នទុក្ខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. អទុក្ខមសុខាយ វេទនាយ សម្បយុត្តំ ធម្មំ បដិច្ច នសុខាយ វេទនាយ សម្បយុត្តោ ច នអទុក្ខមសុខាយ វេទនាយ សម្បយុត្តោ ច ធម្មា ឧប្បជ្ជន្តិ ហេតុបច្ចយា. អទុក្ខមសុខាយ វេទនាយ សម្បយុត្តំ ធម្មំ បដិច្ច នទុក្ខាយ វេទនាយ សម្បយុត្តោ ច នអទុក្ខមសុខាយ វេទនាយ សម្បយុត្តោ ច ធម្មា ឧប្បជ្ជន្តិ ហេតុបច្ចយា. អទុក្ខមសុខាយ វេទនាយ សម្បយុត្តំ ធម្មំ បដិច្ច នសុខាយ វេទនាយ សម្បយុត្តោ ច នទុក្ខាយ វេទនាយ សម្បយុត្តោ ច ធម្មា ឧប្បជ្ជន្តិ ហេតុបច្ចយា. អទុក្ខមសុខាយ វេទនាយ សម្បយុត្តំ ធម្មំ បដិច្ច នសុខាយ វេទនាយ សម្បយុត្តោ ច នទុក្ខាយ វេទនាយ សម្បយុត្តោ ច នអទុក្ខមសុខាយ វេទនាយ សម្បយុត្តោ ច ធម្មា ឧប្បជ្ជន្តិ ហេតុបច្ចយា. (៧) (សំខិត្តំ.)

ហេតុយា ឯកវីស, អារម្មណេ ឯកវីស…បេ… អវិគតេ ឯកវីស.

បច្ចនីយំ

នហេតុបច្ចយោ

១៥. សុខាយ វេទនាយ សម្បយុត្តំ ធម្មំ បដិច្ច នសុខាយ វេទនាយ សម្បយុត្តោ ធម្មោ ឧប្បជ្ជតិ នហេតុបច្ចយា. (សំខិត្តំ.)

នហេតុយា ឯកវីស, នអារម្មណេ ឯកវីស…បេ… នវិប្បយុត្តេ ចុទ្ទស…បេ… នោវិគតេ ឯកវីស.

(សហជាតវារម្បិ បច្ចយវារម្បិ និស្សយវារម្បិ សំសដ្ឋវារម្បិ សម្បយុត្តវារម្បិ បដិច្ចវារសទិសំ.)

២. វេទនាត្តិកំ

៧. បញ្ហាវារោ

បច្ចយចតុក្កំ

ហេតុបច្ចយោ

១៦. សុខាយ វេទនាយ សម្បយុត្តោ ធម្មោ នសុខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ. សុខាយ វេទនាយ សម្បយុត្តោ ធម្មោ នទុក្ខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ. សុខាយ វេទនាយ សម្បយុត្តោ ធម្មោ នអទុក្ខមសុខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ. សុខាយ វេទនាយ សម្បយុត្តោ ធម្មោ នសុខាយ វេទនាយ សម្បយុត្តស្ស ច នអទុក្ខមសុខាយ វេទនាយ សម្បយុត្តស្ស ច ធម្មស្ស ហេតុបច្ចយេន បច្ចយោ. សុខាយ វេទនាយ សម្បយុត្តោ ធម្មោ នទុក្ខាយ វេទនាយ សម្បយុត្តស្ស ច នអទុក្ខមសុខាយ វេទនាយ សម្បយុត្តស្ស ច ធម្មស្ស ហេតុបច្ចយេន បច្ចយោ. សុខាយ វេទនាយ សម្បយុត្តោ ធម្មោ នសុខាយ វេទនាយ សម្បយុត្តស្ស ច នទុក្ខាយ វេទនាយ សម្បយុត្តស្ស ច ធម្មស្ស ហេតុបច្ចយេន បច្ចយោ. សុខាយ វេទនាយ សម្បយុត្តោ ធម្មោ នសុខាយ វេទនាយ សម្បយុត្តស្ស ច នទុក្ខាយ វេទនាយ សម្បយុត្តស្ស ច នអទុក្ខមសុខាយ វេទនាយ សម្បយុត្តស្ស ច ធម្មស្ស ហេតុបច្ចយេន បច្ចយោ. (៧) (សំខិត្តំ.)

ហេតុយា ឯកវីស, អារម្មណេ ឯកវីស…បេ… អវិគតេ ឯកវីស. (បញ្ហាវារំ វិត្ថារេតព្ពំ.)

៣. វិបាកត្តិកំ

១-៦. បដិច្ចវារាទិ

បច្ចយចតុក្កំ

ហេតុ-អារម្មណបច្ចយា

១៧. វិបាកំ ធម្មំ បដិច្ច នវិបាកោ ធម្មោ ឧប្បជ្ជតិ ហេតុបច្ចយា. វិបាកំ ធម្មំ បដិច្ច នវិបាកធម្មធម្មោ ឧប្បជ្ជតិ ហេតុបច្ចយា. វិបាកំ ធម្មំ បដិច្ច ននេវវិបាកនវិបាកធម្មធម្មោ ឧប្បជ្ជតិ ហេតុបច្ចយា. វិបាកំ ធម្មំ បដិច្ច នវិបាកធម្មធម្មោ ច ននេវវិបាកនវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា. វិបាកំ ធម្មំ បដិច្ច នវិបាកោ ច នវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា. (បញ្ច បញ្ហា.)

១៨. វិបាកធម្មធម្មំ បដិច្ច នវិបាកធម្មធម្មោ ឧប្បជ្ជតិ ហេតុបច្ចយា. វិបាកធម្មធម្មំ បដិច្ច នវិបាកោ ធម្មោ ឧប្បជ្ជតិ ហេតុបច្ចយា. វិបាកធម្មធម្មំ បដិច្ច ននេវវិបាកនវិបាកធម្មធម្មោ ឧប្បជ្ជតិ ហេតុបច្ចយា. វិបាកធម្មធម្មំ បដិច្ច នវិបាកោ ច ននេវវិបាកនវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា. វិបាកធម្មធម្មំ បដិច្ច នវិបាកោ ច នវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា. (បញ្ច បញ្ហា.)

១៩. នេវវិបាកនវិបាកធម្មធម្មំ បដិច្ច ននេវវិបាកនវិបាកធម្មធម្មោ ឧប្បជ្ជតិ ហេតុបច្ចយា. នេវវិបាកនវិបាកធម្មធម្មំ បដិច្ច នវិបាកោ ធម្មោ ឧប្បជ្ជតិ ហេតុបច្ចយា. នេវវិបាកនវិបាកធម្មធម្មំ បដិច្ច នវិបាកធម្មធម្មោ ឧប្បជ្ជតិ ហេតុបច្ចយា. នេវវិបាកនវិបាកធម្មធម្មំ បដិច្ច នវិបាកធម្មធម្មោ ច ននេវវិបាកនវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា. នេវវិបាកនវិបាកធម្មធម្មំ បដិច្ច នវិបាកោ ច នវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា. (បញ្ច បញ្ហា.)

២០. វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច នវិបាកោ ធម្មោ ឧប្បជ្ជតិ ហេតុបច្ចយា. វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច នវិបាកធម្មធម្មោ ឧប្បជ្ជតិ ហេតុបច្ចយា. វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច ននេវវិបាកនវិបាកធម្មធម្មោ ឧប្បជ្ជតិ ហេតុបច្ចយា. វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច នវិបាកធម្មធម្មោ ច ននេវវិបាកនវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា. វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច នវិបាកោ ច នវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា. (៥)

វិបាកធម្មធម្មញ្ច នេវវិបាកនវិបាកធម្មធម្មញ្ច ធម្មំ បដិច្ច នវិបាកោ ធម្មោ ឧប្បជ្ជតិ ហេតុបច្ចយា. វិបាកធម្មធម្មញ្ច នេវវិបាកនវិបាកធម្មធម្មញ្ច ធម្មំ បដិច្ច នវិបាកធម្មធម្មោ ឧប្បជ្ជតិ ហេតុបច្ចយា. វិបាកធម្មធម្មញ្ច នេវវិបាកនវិបាកធម្មធម្មញ្ច ធម្មំ បដិច្ច នវិបាកោ ច នវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា. (៣)

២១. វិបាកំ ធម្មំ បដិច្ច នវិបាកធម្មធម្មោ ឧប្បជ្ជតិ អារម្មណបច្ចយា… តីណិ.

វិបាកធម្មធម្មំ បដិច្ច នវិបាកោ ធម្មោ ឧប្បជ្ជតិ អារម្មណបច្ចយា… តីណិ.

នេវវិបាកនវិបាកធម្មធម្មំ បដិច្ច ននេវវិបាកនវិបាកធម្មធម្មោ ឧប្បជ្ជតិ អារម្មណបច្ចយា… (បញ្ច បញ្ហា).

វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច នវិបាកធម្មធម្មោ ឧប្បជ្ជតិ អារម្មណបច្ចយា… តីណិ. (សំខិត្តំ.)

២២. ហេតុយា តេវីស, អារម្មណេ ចុទ្ទស…បេ… អវិគតេ តេវីស. (សំខិត្តំ.)

នហេតុយា អដ្ឋារស, នអារម្មណេ បន្នរស.

(សហជាតវារម្បិ បច្ចយវារម្បិ និស្សយវារម្បិ សំសដ្ឋវារម្បិ សម្បយុត្តវារម្បិ វិត្ថារេតព្ពំ.)

៣. វិបាកត្តិកំ

៧. បញ្ហាវារោ

បច្ចយចតុក្កំ

ហេតុ-អារម្មណបច្ចយា

២៣. វិបាកោ ធម្មោ នវិបាកស្ស ធម្មស្ស ហេតុបច្ចយេន បច្ចយោ. វិបាកោ ធម្មោ នវិបាកធម្មធម្មស្ស ហេតុបច្ចយេន បច្ចយោ. វិបាកោ ធម្មោ ននេវវិបាកនវិបាកធម្មធម្មស្ស ហេតុបច្ចយេន បច្ចយោ. វិបាកោ ធម្មោ នវិបាកធម្មធម្មស្ស ច ននេវវិបាកនវិបាកធម្មធម្មស្ស ច ធម្មស្ស ហេតុបច្ចយេន បច្ចយោ. វិបាកោ ធម្មោ នវិបាកស្ស ច នវិបាកធម្មធម្មស្ស ច ធម្មស្ស ហេតុបច្ចយេន បច្ចយោ. (៥)

២៤. វិបាកោ ធម្មោ នវិបាកស្ស ធម្មស្ស អារម្មណបច្ចយេន បច្ចយោ. វិបាកោ ធម្មោ នវិបាកធម្មធម្មស្ស អារម្មណបច្ចយេន បច្ចយោ. វិបាកោ ធម្មោ ននេវវិបាកនវិបាកធម្មធម្មស្ស អារម្មណបច្ចយេន បច្ចយោ. វិបាកោ ធម្មោ នវិបាកស្ស ច ននេវវិបាកនវិបាកធម្មធម្មស្ស ច ធម្មស្ស អារម្មណបច្ចយេន បច្ចយោ. វិបាកោ ធម្មោ នវិបាកធម្មធម្មស្ស ច ននេវវិបាកនវិបាកធម្មធម្មស្ស ច ធម្មស្ស អារម្មណបច្ចយេន បច្ចយោ. វិបាកោ ធម្មោ នវិបាកស្ស ច នវិបាកធម្មធម្មស្ស ច ធម្មស្ស អារម្មណបច្ចយេន បច្ចយោ. (៦)

វិបាកធម្មធម្មោ នវិបាកធម្មធម្មស្ស អារម្មណបច្ចយេន បច្ចយោ. វិបាកធម្មធម្មោ នវិបាកស្ស ធម្មស្ស អារម្មណបច្ចយេន បច្ចយោ. វិបាកធម្មធម្មោ ននេវវិបាកនវិបាកធម្មធម្មស្ស អារម្មណបច្ចយេន បច្ចយោ. វិបាកធម្មធម្មោ នវិបាកស្ស ច ននេវវិបាកនវិបាកធម្មធម្មស្ស ច ធម្មស្ស អារម្មណបច្ចយេន បច្ចយោ. វិបាកធម្មធម្មោ នវិបាកធម្មធម្មស្ស ច ននេវវិបាកនវិបាកធម្មធម្មស្ស ច ធម្មស្ស អារម្មណបច្ចយេន បច្ចយោ. វិបាកធម្មធម្មោ នវិបាកស្ស ច នវិបាកធម្មធម្មស្ស ច ធម្មស្ស អារម្មណបច្ចយេន បច្ចយោ. (៦)

នេវវិបាកនវិបាកធម្មធម្មោ ននេវវិបាកនវិបាកធម្មធម្មស្ស អារម្មណបច្ចយេន បច្ចយោ…បេ… ឆ. (សំខិត្តំ.)

២៥. ហេតុយា តេរស, អារម្មណេ អដ្ឋារស, អធិបតិយា សត្តរស, អនន្តរេ សោឡស…បេ… បុរេជាតេ ឆ, បច្ឆាជាតេ នវ, អាសេវនេ ឆ, កម្មេ ចុទ្ទស, វិបាកេ បញ្ច, ឥន្ទ្រិយេ អដ្ឋារស…បេ… វិប្បយុត្តេ ទ្វាទស…បេ… អវិគតេ ឆព្ពីស. (បញ្ហាវារំ វិត្ថារេតព្ពំ.)

៤. ឧបាទិន្នត្តិកំ

១-៦. បដិច្ចវារាទិ

បច្ចយចតុក្កំ

ហេតុបច្ចយោ

២៦. ឧបាទិន្នុបាទានិយំ ធម្មំ បដិច្ច នឧបាទិន្នុបាទានិយោ ធម្មោ ឧប្បជ្ជតិ ហេតុបច្ចយា. ឧបាទិន្នុបាទានិយំ ធម្មំ បដិច្ច នអនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា. ឧបាទិន្នុបាទានិយំ ធម្មំ បដិច្ច នអនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា. ឧបាទិន្នុបាទានិយំ ធម្មំ បដិច្ច នឧបាទិន្នុបាទានិយោ ច នអនុបាទិន្នអនុបាទានិយោ ច ធម្មា ឧប្បជ្ជន្តិ ហេតុបច្ចយា. ឧបាទិន្នុបាទានិយំ ធម្មំ បដិច្ច នអនុបាទិន្នុបាទានិយោ ច នអនុបាទិន្នអនុបាទានិយោ ច ធម្មា ឧប្បជ្ជន្តិ ហេតុបច្ចយា. (៥)

អនុបាទិន្នុបាទានិយំ ធម្មំ បដិច្ច នឧបាទិន្នុបាទានិយោ ធម្មោ ឧប្បជ្ជតិ ហេតុបច្ចយា. អនុបាទិន្នុបាទានិយំ ធម្មំ បដិច្ច នអនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា. អនុបាទិន្នុបាទានិយំ ធម្មំ បដិច្ច នឧបាទិន្នុបាទានិយោ ច នអនុបាទិន្នអនុបាទានិយោ ច ធម្មា ឧប្បជ្ជន្តិ ហេតុបច្ចយា. (៣)

អនុបាទិន្នអនុបាទានិយំ ធម្មំ បដិច្ច នអនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា. អនុបាទិន្នអនុបាទានិយំ ធម្មំ បដិច្ច នឧបាទិន្នុបាទានិយោ ធម្មោ ឧប្បជ្ជតិ ហេតុបច្ចយា. អនុបាទិន្នអនុបាទានិយំ ធម្មំ បដិច្ច នអនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា. អនុបាទិន្នអនុបាទានិយំ ធម្មំ បដិច្ច នឧបាទិន្នុបាទានិយោ ច នអនុបាទិន្នអនុបាទានិយោ ច ធម្មា ឧប្បជ្ជន្តិ ហេតុបច្ចយា. អនុបាទិន្នអនុបាទានិយំ ធម្មំ បដិច្ច នឧបាទិន្នុបាទានិយោ ច នអនុបាទិន្នុបាទានិយោ ច ធម្មា ឧប្បជ្ជន្តិ ហេតុបច្ចយា. (៥)

អនុបាទិន្នុបាទានិយញ្ច អនុបាទិន្នអនុបាទានិយញ្ច ធម្មំ បដិច្ច នឧបាទិន្នុបាទានិយោ ធម្មោ ឧប្បជ្ជតិ ហេតុបច្ចយា. អនុបាទិន្នុបាទានិយញ្ច អនុបាទិន្នអនុបាទានិយញ្ច ធម្មំ បដិច្ច នអនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា. អនុបាទិន្នុបាទានិយញ្ច អនុបាទិន្នអនុបាទានិយញ្ច ធម្មំ បដិច្ច នឧបាទិន្នុបាទានិយោ ច នអនុបាទិន្នអនុបាទានិយោ ច ធម្មា ឧប្បជ្ជន្តិ ហេតុបច្ចយា. (៣)

ឧបាទិន្នុបាទានិយញ្ច អនុបាទិន្នុបាទានិយញ្ច ធម្មំ បដិច្ច នឧបាទិន្នុបាទានិយោ ធម្មោ ឧប្បជ្ជតិ ហេតុបច្ចយា. ឧបាទិន្នុបាទានិយញ្ច អនុបាទិន្នុបាទានិយញ្ច ធម្មំ បដិច្ច នអនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា. ឧបាទិន្នុបាទានិយញ្ច អនុបាទិន្នុបាទានិយញ្ច ធម្មំ បដិច្ច នឧបាទិន្នុបាទានិយោ ច នអនុបាទិន្នអនុបាទានិយោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

២៧. ហេតុយា ឯកូនវីស, អារម្មណេ នវ, អធិបតិយា ឯកាទស…បេ… សហជាតេ ឯកូនវីស. (សហជាតវារម្បិ បច្ចយវារម្បិ និស្សយវារម្បិ សំសដ្ឋវារម្បិ សម្បយុត្តវារម្បិ វិត្ថារេតព្ពំ.)

៤. ឧបាទិន្នត្តិកំ

៧. បញ្ហាវារោ

បច្ចយចតុក្កំ

ហេតុ-អារម្មណបច្ចយា

២៨. ឧបាទិន្នុបាទានិយោ ធម្មោ នឧបាទិន្នុបាទានិយស្ស ធម្មស្ស ហេតុបច្ចយេន បច្ចយោ. ឧបាទិន្នុបាទានិយោ ធម្មោ នអនុបាទិន្នុបាទានិយស្ស ធម្មស្ស ហេតុបច្ចយេន បច្ចយោ…បេ….

២៩. ឧបាទិន្នុបាទានិយោ ធម្មោ នឧបាទិន្នុបាទានិយស្ស ធម្មស្ស អារម្មណបច្ចយេន បច្ចយោ. ឧបាទិន្នុបាទានិយោ ធម្មោ នអនុបាទិន្នុបាទានិយស្ស ធម្មស្ស អារម្មណបច្ចយេន បច្ចយោ. ឧបាទិន្នុបាទានិយោ ធម្មោ នអនុបាទិន្នអនុបាទានិយស្ស ធម្មស្ស អារម្មណបច្ចយេន បច្ចយោ. ឧបាទិន្នុបាទានិយោ ធម្មោ នឧបាទិន្នុបាទានិយស្ស ច នអនុបាទិន្នអនុបាទានិយស្ស ច ធម្មស្ស អារម្មណបច្ចយេន បច្ចយោ. ឧបាទិន្នុបាទានិយោ ធម្មោ នអនុបាទិន្នុបាទានិយស្ស ច នអនុបាទិន្នអនុបាទានិយស្ស ច ធម្មស្ស អារម្មណបច្ចយេន បច្ចយោ. (៥)

អនុបាទិន្នុបាទានិយោ ធម្មោ នអនុបាទិន្នុបាទានិយស្ស ធម្មស្ស អារម្មណបច្ចយេន បច្ចយោ. អនុបាទិន្នុបាទានិយោ ធម្មោ នឧបាទិន្នុបាទានិយស្ស ធម្មស្ស អារម្មណបច្ចយេន បច្ចយោ. អនុបាទិន្នុបាទានិយោ ធម្មោ នអនុបាទិន្នអនុបាទានិយស្ស ធម្មស្ស អារម្មណបច្ចយេន បច្ចយោ. អនុបាទិន្នុបាទានិយោ ធម្មោ នឧបាទិន្នុបាទានិយស្ស ច នអនុបាទិន្នអនុបាទានិយស្ស ច ធម្មស្ស អារម្មណបច្ចយេន បច្ចយោ. អនុបាទិន្នុបាទានិយោ ធម្មោ នអនុបាទិន្នុបាទានិយស្ស ច នអនុបាទិន្នអនុបាទានិយស្ស ច ធម្មស្ស អារម្មណបច្ចយេន បច្ចយោ. (៥)

អនុបាទិន្នអនុបាទានិយោ ធម្មោ នអនុបាទិន្នអនុបាទានិយស្ស ធម្មស្ស អារម្មណបច្ចយេន បច្ចយោ…បេ… បញ្ច. (សំខិត្តំ.)

៣០. ហេតុយា តេរស, អារម្មណេ បន្នរស, អធិបតិយា ឯកាទស. (បញ្ហាវារម្បិ វិត្ថារេតព្ពំ.)

៥. សំកិលិដ្ឋត្តិកំ

១-៧. បដិច្ចវារាទិ

១. បច្ចយានុលោមំ

ហេតុបច្ចយោ

៣១. សំកិលិដ្ឋសំកិលេសិកំ ធម្មំ បដិច្ច នសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា. សំកិលិដ្ឋសំកិលេសិកំ ធម្មំ បដិច្ច នអសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា. សំកិលិដ្ឋសំកិលេសិកំ ធម្មំ បដិច្ច នអសំកិលិដ្ឋអសំកិលេសិកោ ធម្មោ ឧប្បជ្ជតិ ហេតុបច្ចយា. សំកិលិដ្ឋសំកិលេសិកំ ធម្មំ បដិច្ច នសំកិលិដ្ឋសំកិលេសិកោ ច នអសំកិលិដ្ឋអសំកិលេសិកោ ច ធម្មា ឧប្បជ្ជន្តិ ហេតុបច្ចយា. សំកិលិដ្ឋសំកិលេសិកំ ធម្មំ បដិច្ច នអសំកិលិដ្ឋសំកិលេសិកោ ច នអសំកិលិដ្ឋអសំកិលេសិកោ ច ធម្មា ឧប្បជ្ជន្តិ ហេតុបច្ចយា. (៥)

អសំកិលិដ្ឋសំកិលេសិកំ ធម្មំ បដិច្ច នសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា. អសំកិលិដ្ឋសំកិលេសិកំ ធម្មំ បដិច្ច នអសំកិលិដ្ឋអសំកិលេសិកោ ធម្មោ ឧប្បជ្ជតិ ហេតុបច្ចយា. អសំកិលិដ្ឋសំកិលេសិកំ ធម្មំ បដិច្ច នសំកិលិដ្ឋសំកិលេសិកោ ច នអសំកិលិដ្ឋអសំកិលេសិកោ ច ធម្មា ឧប្បជ្ជន្តិ ហេតុបច្ចយា. (៣)

អសំកិលិដ្ឋអសំកិលេសិកំ ធម្មំ បដិច្ច នអសំកិលិដ្ឋអសំកិលេសិកោ ធម្មោ ឧប្បជ្ជតិ ហេតុបច្ចយា. អសំកិលិដ្ឋអសំកិលេសិកំ ធម្មំ បដិច្ច នសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា. អសំកិលិដ្ឋអសំកិលេសិកំ ធម្មំ បដិច្ច នអសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា. អសំកិលិដ្ឋអសំកិលេសិកំ ធម្មំ បដិច្ច នសំកិលិដ្ឋសំកិលេសិកោ ច នអសំកិលិដ្ឋអសំកិលេសិកោ ច ធម្មា ឧប្បជ្ជន្តិ ហេតុបច្ចយា. អសំកិលិដ្ឋអសំកិលេសិកំ ធម្មំ បដិច្ច នសំកិលិដ្ឋសំកិលេសិកោ ច នអសំកិលិដ្ឋសំកិលេសិកោ ច ធម្មា ឧប្បជ្ជន្តិ ហេតុបច្ចយា. (៥)

អសំកិលិដ្ឋសំកិលេសិកញ្ច អសំកិលិដ្ឋអសំកិលេសិកញ្ច ធម្មំ បដិច្ច នសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា… តីណិ.

សំកិលិដ្ឋសំកិលេសិកញ្ច អសំកិលិដ្ឋសំកិលេសិកញ្ច ធម្មំ បដិច្ច នសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា…បេ… តីណិ. (សំខិត្តំ.)

ហេតុយា ឯកូនវីស, អារម្មណេ នវ…បេ… អវិគតេ ឯកូនវីស. (សហជាតវារម្បិ បច្ចយវារម្បិ និស្សយវារម្បិ សំសដ្ឋវារម្បិ សម្បយុត្តវារម្បិ វិត្ថារេតព្ពំ. បញ្ហាវារេ ន សទិសំ.)

៣២. ហេតុយា តេរស, អារម្មណេ បន្នរស, អធិបតិយា បន្នរស, អនន្តរេ សោឡស…បេ… បុរេជាតេ ឆ, បច្ឆាជាតេ នវ, អាសេវនេ អដ្ឋ, កម្មេ តេរស, វិបាកេ អដ្ឋ, អាហារេ តេរស…បេ… មគ្គេ តេរស, វិប្បយុត្តេ ទ្វាទស…បេ… អវិគតេ ឆព្ពីស.

៦. វិតក្កត្តិកំ

១-៧. បដិច្ចវារាទិ

១. បច្ចយានុលោមំ

ហេតុបច្ចយោ

៣៣. សវិតក្កសវិចារំ ធម្មំ បដិច្ច នសវិតក្កសវិចារោ ធម្មោ ឧប្បជ្ជតិ ហេតុបច្ចយា. សវិតក្កសវិចារំ ធម្មំ បដិច្ច នអវិតក្កវិចារមត្តោ ធម្មោ ឧប្បជ្ជតិ ហេតុបច្ចយា. សវិតក្កសវិចារំ ធម្មំ បដិច្ច នអវិតក្កអវិចារោ ធម្មោ ឧប្បជ្ជតិ ហេតុបច្ចយា. សវិតក្កសវិចារំ ធម្មំ បដិច្ច នសវិតក្កសវិចារោ ច នអវិតក្កអវិចារោ ច ធម្មា ឧប្បជ្ជន្តិ ហេតុបច្ចយា. សវិតក្កសវិចារំ ធម្មំ បដិច្ច នអវិតក្កវិចារមត្តោ ច នអវិតក្កអវិចារោ ច ធម្មា ឧប្បជ្ជន្តិ ហេតុបច្ចយា. សវិតក្កសវិចារំ ធម្មំ បដិច្ច នសវិតក្កសវិចារោ ច នអវិតក្កវិចារមត្តោ ច ធម្មា ឧប្បជ្ជន្តិ ហេតុបច្ចយា. សវិតក្កសវិចារំ ធម្មំ បដិច្ច នសវិតក្កសវិចារោ ច នអវិតក្កវិចារមត្តោ ច នអវិតក្កអវិចារោ ច ធម្មា ឧប្បជ្ជន្តិ ហេតុបច្ចយា. (៧)

៣៤. អវិតក្កវិចារមត្តំ ធម្មំ បដិច្ច នអវិតក្កវិចារមត្តោ ធម្មោ ឧប្បជ្ជតិ ហេតុបច្ចយា. អវិតក្កវិចារមត្តំ ធម្មំ បដិច្ច នសវិតក្កសវិចារោ ធម្មោ ឧប្បជ្ជតិ ហេតុបច្ចយា. អវិតក្កវិចារមត្តំ ធម្មំ បដិច្ច នអវិតក្កអវិចារោ ធម្មោ ឧប្បជ្ជតិ ហេតុបច្ចយា. អវិតក្កវិចារមត្តំ ធម្មំ បដិច្ច នសវិតក្កសវិចារោ ច នអវិតក្កអវិចារោ ច ធម្មា ឧប្បជ្ជន្តិ ហេតុបច្ចយា. អវិតក្កវិចារមត្តំ ធម្មំ បដិច្ច នអវិតក្កវិចារមត្តោ ច នអវិតក្កអវិចារោ ច ធម្មា ឧប្បជ្ជន្តិ ហេតុបច្ចយា. អវិតក្កវិចារមត្តំ ធម្មំ បដិច្ច នសវិតក្កសវិចារោ ច នអវិតក្កវិចារមត្តោ ច ធម្មា ឧប្បជ្ជន្តិ ហេតុបច្ចយា. អវិតក្កវិចារមត្តំ ធម្មំ បដិច្ច នសវិតក្កសវិចារោ ច នអវិតក្កវិចារមត្តោ ច នអវិតក្កអវិចារោ ច ធម្មា ឧប្បជ្ជន្តិ ហេតុបច្ចយា. (៧)

អវិតក្កអវិចារំ ធម្មំ បដិច្ច នអវិតក្កអវិចារោ ធម្មោ ឧប្បជ្ជតិ ហេតុបច្ចយា…បេ… សត្ត.

សវិតក្កសវិចារញ្ច អវិតក្កអវិចារញ្ច ធម្មំ បដិច្ច នសវិតក្កសវិចារោ ធម្មោ ឧប្បជ្ជតិ ហេតុបច្ចយា…បេ… សត្ត.

អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច នសវិតក្កសវិចារោ ធម្មោ ឧប្បជ្ជតិ ហេតុបច្ចយា…បេ… សត្ត.

សវិតក្កសវិចារញ្ច អវិតក្កវិចារមត្តញ្ច ធម្មំ បដិច្ច នសវិតក្កសវិចារោ ធម្មោ ឧប្បជ្ជតិ ហេតុបច្ចយា…បេ… សត្ត.

សវិតក្កសវិចារញ្ច អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច នសវិតក្កសវិចារោ ធម្មោ ឧប្បជ្ជតិ ហេតុបច្ចយា…បេ… សត្ត. (សំខិត្តំ.)

ហេតុយា ឯកូនបញ្ញាស, អារម្មណេ ឯកូនបញ្ញាស…បេ… អវិគតេ ឯកូនបញ្ញាស. (សហជាតវារម្បិ…បេ… បញ្ហាវារម្បិ វិត្ថារេតព្ពំ.)

៧. បីតិត្តិកំ

១-៧. បដិច្ចវារាទិ

១. បច្ចយានុលោមំ

ហេតុបច្ចយោ

៣៥. បីតិសហគតំ ធម្មំ បដិច្ច នបីតិសហគតោ ធម្មោ ឧប្បជ្ជតិ ហេតុបច្ចយា. បីតិសហគតំ ធម្មំ បដិច្ច នសុខសហគតោ ធម្មោ ឧប្បជ្ជតិ ហេតុបច្ចយា. បីតិសហគតំ ធម្មំ បដិច្ច នឧបេក្ខាសហគតោ ធម្មោ ឧប្បជ្ជតិ ហេតុបច្ចយា. បីតិសហគតំ ធម្មំ បដិច្ច នបីតិសហគតោ ច នឧបេក្ខាសហគតោ ច ធម្មា ឧប្បជ្ជន្តិ ហេតុបច្ចយា. បីតិសហគតំ ធម្មំ បដិច្ច នសុខសហគតោ ច នឧបេក្ខាសហគតោ ច ធម្មា ឧប្បជ្ជន្តិ ហេតុបច្ចយា. បីតិសហគតំ ធម្មំ បដិច្ច នបីតិសហគតោ ច នសុខសហគតោ ច ធម្មា ឧប្បជ្ជន្តិ ហេតុបច្ចយា. បីតិសហគតំ ធម្មំ បដិច្ច នបីតិសហគតោ ច នសុខសហគតោ ច នឧបេក្ខាសហគតោ ច ធម្មា ឧប្បជ្ជន្តិ ហេតុបច្ចយា. (៧)

សុខសហគតំ ធម្មំ បដិច្ច នសុខសហគតោ ធម្មោ ឧប្បជ្ជតិ ហេតុបច្ចយា…បេ… សត្ត.

ឧបេក្ខាសហគតំ ធម្មំ បដិច្ច នឧបេក្ខាសហគតោ ធម្មោ ឧប្បជ្ជតិ ហេតុបច្ចយា…បេ… សត្ត.

បីតិសហគតញ្ច សុខសហគតញ្ច ធម្មំ បដិច្ច នបីតិសហគតោ ធម្មោ ឧប្បជ្ជតិ ហេតុបច្ចយា…បេ… សត្ត. (សំខិត្តំ.)

ហេតុយា អដ្ឋវីស, អារម្មណេ ចតុវីស…បេ… អវិគតេ អដ្ឋវីស.

(សហជាតវារម្បិ…បេ… សម្បយុត្តវារម្បិ បញ្ហាវារម្បិ សព្ពត្ថ វិត្ថារេតព្ពំ).

៨. ទស្សនត្តិកំ

១-៧. បដិច្ចវារាទិ

១. បច្ចយានុលោមំ

ហេតុបច្ចយោ

៣៦. ទស្សនេន បហាតព្ពំ ធម្មំ បដិច្ច នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា. ទស្សនេន បហាតព្ពំ ធម្មំ បដិច្ច នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា. ទស្សនេន បហាតព្ពំ ធម្មំ បដិច្ច ននេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា. ទស្សនេន បហាតព្ពំ ធម្មំ បដិច្ច នភាវនាយ បហាតព្ពោ ច ននេវទស្សនេន នភាវនាយ បហាតព្ពោ ច ធម្មា ឧប្បជ្ជន្តិ ហេតុបច្ចយា. ទស្សនេន បហាតព្ពំ ធម្មំ បដិច្ច នទស្សនេន បហាតព្ពោ ច នភាវនាយ បហាតព្ពោ ច ធម្មា ឧប្បជ្ជន្តិ ហេតុបច្ចយា. (៥)

ភាវនាយ បហាតព្ពំ ធម្មំ បដិច្ច នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា… បញ្ច.

នេវទស្សនេន នភាវនាយ បហាតព្ពំ ធម្មំ បដិច្ច នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា… តីណិ.

ទស្សនេន បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បដិច្ច នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា… តីណិ.

ភាវនាយ បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បដិច្ច នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា… តីណិ. (សំខិត្តំ.)

ហេតុយា ឯកូនវីស…បេ… អវិគតេ ឯកូនវីស. (សហជាតវារម្បិ…បេ… សម្បយុត្តវារម្បិ បញ្ហាវារម្បិ វិត្ថារេតព្ពំ.)

៩. ទស្សនហេតុត្តិកំ

១-៧. បដិច្ចវារាទិ

៣៧. ទស្សនេន បហាតព្ពហេតុកំ ធម្មំ បដិច្ច នទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា ឆព្ពីស…បេ… អវិគតេ ឆព្ពីស. (វិត្ថារេតព្ពំ.)

១០. អាចយគាមិត្តិកំ

១-៧. បដិច្ចវារាទិ

១. បច្ចយានុលោមំ

ហេតុបច្ចយោ

៣៨. អាចយគាមិំ ធម្មំ បដិច្ច នអាចយគាមី ធម្មោ ឧប្បជ្ជតិ ហេតុបច្ចយា. អាចយគាមិំ ធម្មំ បដិច្ច នអបចយគាមី ធម្មោ ឧប្បជ្ជតិ ហេតុបច្ចយា. អាចយគាមិំ ធម្មំ បដិច្ច ននេវាចយគាមិនាបចយគាមី ធម្មោ ឧប្បជ្ជតិ ហេតុបច្ចយា. អាចយគាមិំ ធម្មំ បដិច្ច នអបចយគាមី ច ននេវាចយគាមិនាបចយគាមី ច ធម្មា ឧប្បជ្ជន្តិ ហេតុបច្ចយា. អាចយគាមិំ ធម្មំ បដិច្ច នអាចយគាមី ច នអបចយគាមី ច ធម្មា ឧប្បជ្ជន្តិ ហេតុបច្ចយា. (៥)

អបចយគាមិំ ធម្មំ បដិច្ច នអបចយគាមី ធម្មោ ឧប្បជ្ជតិ ហេតុបច្ចយា. អបចយគាមិំ ធម្មំ បដិច្ច នអាចយគាមី ធម្មោ ឧប្បជ្ជតិ ហេតុបច្ចយា. អបចយគាមិំ ធម្មំ បដិច្ច ននេវាចយគាមិនាបចយគាមី ធម្មោ ឧប្បជ្ជតិ ហេតុបច្ចយា. អបចយគាមិំ ធម្មំ បដិច្ច នអាចយគាមី ច ននេវាចយគាមិនាបចយគាមី ច ធម្មា ឧប្បជ្ជន្តិ ហេតុបច្ចយា. អបចយគាមិំ ធម្មំ បដិច្ច នអាចយគាមី ច នអបចយគាមី ច ធម្មា ឧប្បជ្ជន្តិ ហេតុបច្ចយា. (៥)