ធម្មានុលោមបច្ចនីយេ ទុកបដ្ឋានំ

១. ហេតុទុកំ

១-៧. បដិច្ចវារាទិ

១. បច្ចយានុលោមំ

ហេតុបច្ចយោ

១. ហេតុំ ធម្មំ បដិច្ច នហេតុ ធម្មោ ឧប្បជ្ជតិ ហេតុបច្ចយា – ហេតុំ ធម្មំ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ; បដិសន្ធិក្ខណេ…បេ… ហេតុំ ធម្មំ បដិច្ច ននហេតុ ធម្មោ ឧប្បជ្ជតិ ហេតុបច្ចយា. ហេតុំ ធម្មំ បដិច្ច នហេតុ ច ននហេតុ ច ធម្មា ឧប្បជ្ជន្តិ ហេតុបច្ចយា. (៣)

នហេតុំ ធម្មំ បដិច្ច ននហេតុ ធម្មោ ឧប្បជ្ជតិ ហេតុបច្ចយា. នហេតុំ ធម្មំ បដិច្ច នហេតុ ធម្មោ ឧប្បជ្ជតិ ហេតុបច្ចយា. នហេតុំ ធម្មំ បដិច្ច នហេតុ ច ននហេតុ ច ធម្មា ឧប្បជ្ជន្តិ ហេតុបច្ចយា. (៣)

ហេតុញ្ច នហេតុញ្ច ធម្មំ បដិច្ច នហេតុ ធម្មោ ឧប្បជ្ជតិ ហេតុបច្ចយា. ហេតុញ្ច នហេតុញ្ច ធម្មំ បដិច្ច ននហេតុ ធម្មោ ឧប្បជ្ជតិ ហេតុបច្ចយា. ហេតុញ្ច នហេតុញ្ច ធម្មំ បដិច្ច នហេតុ ច ននហេតុ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

ហេតុយា នវ, អារម្មណេ នវ…បេ… អវិគតេ នវ. (សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

ហេតុ-អារម្មណបច្ចយា

២. ហេតុ ធម្មោ នហេតុស្ស ធម្មស្ស ហេតុបច្ចយេន បច្ចយោ… តីណិ.

ហេតុ ធម្មោ នហេតុស្ស ធម្មស្ស អារម្មណបច្ចយេន បច្ចយោ… តីណិ.

នហេតុ ធម្មោ ននហេតុស្ស ធម្មស្ស អារម្មណបច្ចយេន បច្ចយោ… តីណិ.

ហេតុ ច នហេតុ ច ធម្មា នហេតុស្ស ធម្មស្ស អារម្មណបច្ចយេន បច្ចយោ… តីណិ. (សំខិត្តំ.)

៣. ហេតុយា តីណិ, អារម្មណេ នវ…បេ… អវិគតេ នវ. (បញ្ហាវារម្បិ ឯវំ វិត្ថារេតព្ពំ.)

២. សហេតុកទុកំ

១-៧. បដិច្ចវារាទិ

៤. សហេតុកំ ធម្មំ បដិច្ច នសហេតុកោ ធម្មោ ឧប្បជ្ជតិ ហេតុបច្ចយា. សហេតុកំ ធម្មំ បដិច្ច នអហេតុកោ ធម្មោ ឧប្បជ្ជតិ ហេតុបច្ចយា. សហេតុកំ ធម្មំ បដិច្ច នសហេតុកោ ច នអហេតុកោ ច ធម្មា ឧប្បជ្ជន្តិ ហេតុបច្ចយា. (៣)

អហេតុកំ ធម្មំ បដិច្ច នអហេតុកោ ធម្មោ ឧប្បជ្ជតិ ហេតុបច្ចយា. អហេតុកំ ធម្មំ បដិច្ច នសហេតុកោ ធម្មោ ឧប្បជ្ជតិ ហេតុបច្ចយា. អហេតុកំ ធម្មំ បដិច្ច នសហេតុកោ ច នអហេតុកោ ច ធម្មា ឧប្បជ្ជន្តិ ហេតុបច្ចយា. (៣)

សហេតុកញ្ច អហេតុកញ្ច ធម្មំ បដិច្ច នសហេតុកោ ធម្មោ ឧប្បជ្ជតិ ហេតុបច្ចយា. សហេតុកញ្ច អហេតុកញ្ច ធម្មំ បដិច្ច នអហេតុកោ ធម្មោ ឧប្បជ្ជតិ ហេតុបច្ចយា. សហេតុកញ្ច អហេតុកញ្ច ធម្មំ បដិច្ច នសហេតុកោ ច នអហេតុកោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

ហេតុយា នវ, អារម្មណេ ឆ…បេ… អវិគតេ នវ. (សហជាតវារម្បិ…បេ… បញ្ហាវារម្បិ វិត្ថារេតព្ពំ.)

៣. ហេតុសម្បយុត្តទុកំ

១-៧. បដិច្ចវារាទិ

៥. ហេតុសម្បយុត្តំ ធម្មំ បដិច្ច នហេតុសម្បយុត្តោ ធម្មោ ឧប្បជ្ជតិ ហេតុបច្ចយា. ហេតុសម្បយុត្តំ ធម្មំ បដិច្ច នហេតុវិប្បយុត្តោ ធម្មោ ឧប្បជ្ជតិ ហេតុបច្ចយា. ហេតុសម្បយុត្តំ ធម្មំ បដិច្ច នហេតុសម្បយុត្តោ ច នហេតុវិប្បយុត្តោ ច ធម្មា ឧប្បជ្ជន្តិ ហេតុបច្ចយា. (៣)

ហេតុវិប្បយុត្តំ ធម្មំ បដិច្ច នហេតុវិប្បយុត្តោ ធម្មោ ឧប្បជ្ជតិ ហេតុបច្ចយា. ហេតុវិប្បយុត្តំ ធម្មំ បដិច្ច នហេតុសម្បយុត្តោ ធម្មោ ឧប្បជ្ជតិ ហេតុបច្ចយា. ហេតុវិប្បយុត្តំ ធម្មំ បដិច្ច នហេតុសម្បយុត្តោ ច នហេតុវិប្បយុត្តោ ច ធម្មា ឧប្បជ្ជន្តិ ហេតុបច្ចយា. (៣)

ហេតុសម្បយុត្តញ្ច ហេតុវិប្បយុត្តញ្ច ធម្មំ បដិច្ច នហេតុសម្បយុត្តោ ធម្មោ ឧប្បជ្ជតិ ហេតុបច្ចយា. ហេតុសម្បយុត្តញ្ច ហេតុវិប្បយុត្តញ្ច ធម្មំ បដិច្ច នហេតុវិប្បយុត្តោ ធម្មោ ឧប្បជ្ជតិ ហេតុបច្ចយា. ហេតុសម្បយុត្តញ្ច ហេតុវិប្បយុត្តញ្ច ធម្មំ បដិច្ច នហេតុសម្បយុត្តោ ច នហេតុវិប្បយុត្តោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

ហេតុយា នវ. (សហជាតវារម្បិ…បេ… បញ្ហាវារម្បិ វិត្ថារេតព្ពំ.)

៤. ហេតុសហេតុកទុកំ

១-៧. បដិច្ចវារាទិ

៦. ហេតុញ្ចេវ សហេតុកញ្ច ធម្មំ បដិច្ច នហេតុ ចេវ នអហេតុកោ ច ធម្មោ ឧប្បជ្ជតិ ហេតុបច្ចយា. ហេតុញ្ចេវ សហេតុកញ្ច ធម្មំ បដិច្ច នអហេតុកោ ចេវ ននហេតុ ច ធម្មោ ឧប្បជ្ជតិ ហេតុបច្ចយា. ហេតុញ្ចេវ សហេតុកញ្ច ធម្មំ បដិច្ច នហេតុ ចេវ នអហេតុកោ ច នអហេតុកោ ចេវ ននហេតុ ច ធម្មា ឧប្បជ្ជន្តិ ហេតុបច្ចយា. (៣)

សហេតុកញ្ចេវ ន ច ហេតុំ ធម្មំ បដិច្ច នអហេតុកោ ចេវ ននហេតុ ច ធម្មោ ឧប្បជ្ជតិ ហេតុបច្ចយា. សហេតុកញ្ចេវ ន ច ហេតុំ ធម្មំ បដិច្ច នហេតុ ចេវ នអហេតុកោ ច ធម្មោ ឧប្បជ្ជតិ ហេតុបច្ចយា. សហេតុកញ្ចេវ ន ច ហេតុំ ធម្មំ បដិច្ច នហេតុ ចេវ នអហេតុកោ ច នអហេតុកោ ចេវ ននហេតុ ច ធម្មា ឧប្បជ្ជន្តិ ហេតុបច្ចយា. (៣)

ហេតុញ្ចេវ សហេតុកញ្ច សហេតុកញ្ចេវ ន ច ហេតុំ ធម្មំ បដិច្ច នហេតុ ចេវ នអហេតុកោ ច ធម្មោ ឧប្បជ្ជតិ ហេតុបច្ចយា. ហេតុញ្ចេវ សហេតុកញ្ច សហេតុកញ្ចេវ ន ច ហេតុញ្ច ធម្មំ បដិច្ច នអហេតុកោ ចេវ ននហេតុ ច ធម្មោ ឧប្បជ្ជតិ ហេតុបច្ចយា. ហេតុញ្ចេវ សហេតុកញ្ច សហេតុកញ្ចេវ ន ច ហេតុំ ធម្មំ បដិច្ច នហេតុ ចេវ នអហេតុកោ ច នអហេតុកោ ចេវ ននហេតុ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

ហេតុយា នវ. (សហជាតវារម្បិ…បេ… បញ្ហាវារម្បិ វិត្ថារេតព្ពំ.)

៥. ហេតុហេតុសម្បយុត្តទុកំ

១-៧. បដិច្ចវារាទិ

៧. ហេតុញ្ចេវ ហេតុសម្បយុត្តញ្ច ធម្មំ បដិច្ច នហេតុ ចេវ នហេតុវិប្បយុត្តោ ច ធម្មោ ឧប្បជ្ជតិ ហេតុបច្ចយា. ហេតុញ្ចេវ ហេតុសម្បយុត្តញ្ច ធម្មំ បដិច្ច នហេតុវិប្បយុត្តោ ចេវ ននហេតុ ច ធម្មោ ឧប្បជ្ជតិ ហេតុបច្ចយា. ហេតុញ្ចេវ ហេតុសម្បយុត្តញ្ច ធម្មំ បដិច្ច នហេតុ ចេវ នហេតុវិប្បយុត្តោ ច នហេតុវិប្បយុត្តោ ចេវ ននហេតុ ច ធម្មា ឧប្បជ្ជន្តិ ហេតុបច្ចយា. (៣)

ហេតុសម្បយុត្តញ្ចេវ ន ច ហេតុំ ធម្មំ បដិច្ច នហេតុវិប្បយុត្តោ ចេវ ននហេតុ ច ធម្មោ ឧប្បជ្ជតិ ហេតុបច្ចយា. ហេតុសម្បយុត្តញ្ចេវ ន ច ហេតុំ ធម្មំ បដិច្ច នហេតុ ចេវ នហេតុវិប្បយុត្តោ ច ធម្មោ ឧប្បជ្ជតិ ហេតុបច្ចយា. ហេតុសម្បយុត្តញ្ចេវ ន ច ហេតុំ ធម្មំ បដិច្ច នហេតុ ចេវ នហេតុវិប្បយុត្តោ ច នហេតុវិប្បយុត្តោ ចេវ ននហេតុ ច ធម្មា ឧប្បជ្ជន្តិ ហេតុបច្ចយា. (៣)

ហេតុញ្ចេវ ហេតុសម្បយុត្តញ្ច ហេតុសម្បយុត្តញ្ចេវ ន ច ហេតុញ្ច ធម្មំ បដិច្ច នហេតុ ចេវ នហេតុវិប្បយុត្តោ ច ធម្មោ ឧប្បជ្ជតិ ហេតុបច្ចយា. ហេតុញ្ចេវ ហេតុសម្បយុត្តញ្ច ហេតុសម្បយុត្តញ្ចេវ ន ច ហេតុញ្ច ធម្មំ បដិច្ច នហេតុវិប្បយុត្តោ ចេវ ននហេតុ ធម្មោ ច ឧប្បជ្ជតិ ហេតុបច្ចយា. ហេតុញ្ចេវ ហេតុសម្បយុត្តញ្ច ហេតុសម្បយុត្តញ្ចេវ ន ច ហេតុញ្ច ធម្មំ បដិច្ច នហេតុ ចេវ នហេតុវិប្បយុត្តោ ច នហេតុវិប្បយុត្តោ ចេវ ននហេតុ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

ហេតុយា នវ. (សហជាតវារម្បិ…បេ… បញ្ហាវារម្បិ វិត្ថារេតព្ពំ.)

៦. នហេតុសហេតុកទុកំ

១-៧. បដិច្ចវារាទិ

៨. នហេតុំ សហេតុកំ ធម្មំ បដិច្ច នហេតុ នសហេតុកោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា នវ. (សហជាតវារម្បិ…បេ… បញ្ហាវារម្បិ វិត្ថារេតព្ពំ.)

ហេតុគោច្ឆកំ និដ្ឋិតំ.

៧-៨. សប្បច្ចយទុកាទិ

១-៧. បដិច្ចវារាទិ

៩. សប្បច្ចយំ ធម្មំ បដិច្ច នអប្បច្ចយោ ធម្មោ ឧប្បជ្ជតិ ហេតុបច្ចយា. (សំខិត្តំ.) ហេតុយា ឯកំ.

១០. សប្បច្ចយោ ធម្មោ នអប្បច្ចយស្ស ធម្មស្ស អារម្មណបច្ចយេន បច្ចយោ.

អប្បច្ចយោ ធម្មោ នអប្បច្ចយស្ស ធម្មស្ស អារម្មណបច្ចយេន បច្ចយោ. (សង្ខតំ សប្បច្ចយសទិសំ.)

៩. សនិទស្សនទុកំ

១-៧. បដិច្ចវារាទិ

១១. អនិទស្សនំ ធម្មំ បដិច្ច នអនិទស្សនោ ធម្មោ ឧប្បជ្ជតិ ហេតុបច្ចយា. អនិទស្សនំ ធម្មំ បដិច្ច នសនិទស្សនោ ធម្មោ ឧប្បជ្ជតិ ហេតុបច្ចយា. អនិទស្សនំ ធម្មំ បដិច្ច នសនិទស្សនោ ច នអនិទស្សនោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

ហេតុយា តីណិ. (សព្ពត្ថ វិត្ថារោ.)

១០. សប្បដិឃទុកំ

១-៧. បដិច្ចវារាទិ

១២. សប្បដិឃំ ធម្មំ បដិច្ច នសប្បដិឃោ ធម្មោ ឧប្បជ្ជតិ ហេតុបច្ចយា. សប្បដិឃំ ធម្មំ បដិច្ច នអប្បដិឃោ ធម្មោ ឧប្បជ្ជតិ ហេតុបច្ចយា. សប្បដិឃំ ធម្មំ បដិច្ច នសប្បដិឃោ ច នអប្បដិឃោ ច ធម្មា ឧប្បជ្ជន្តិ ហេតុបច្ចយា. (៣)

អប្បដិឃំ ធម្មំ បដិច្ច នអប្បដិឃោ ធម្មោ ឧប្បជ្ជតិ ហេតុបច្ចយា. អប្បដិឃំ ធម្មំ បដិច្ច នសប្បដិឃោ ធម្មោ ឧប្បជ្ជតិ ហេតុបច្ចយា. អប្បដិឃំ ធម្មំ បដិច្ច នសប្បដិឃោ ច នអប្បដិឃោ ច ធម្មា ឧប្បជ្ជន្តិ ហេតុបច្ចយា. (៣)

សប្បដិឃញ្ច អប្បដិឃញ្ច ធម្មំ បដិច្ច នសប្បដិឃោ ធម្មោ ឧប្បជ្ជតិ ហេតុបច្ចយា. សប្បដិឃញ្ច អប្បដិឃញ្ច ធម្មំ បដិច្ច នអប្បដិឃោ ធម្មោ ឧប្បជ្ជតិ ហេតុបច្ចយា. សប្បដិឃញ្ច អប្បដិឃញ្ច ធម្មំ បដិច្ច នសប្បដិឃោ ច នអប្បដិឃោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

ហេតុយា នវ. (សព្ពត្ថ វិត្ថារោ.)

១១. រូបីទុកំ

១-៧. បដិច្ចវារាទិ

១៣. រូបិំ ធម្មំ បដិច្ច នរូបី ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា នវ. (សព្ពត្ថ វិត្ថារោ.)

១២. លោកិយទុកំ

១-៧. បដិច្ចវារាទិ

១៤. លោកិយំ ធម្មំ បដិច្ច នលោកុត្តរោ ធម្មោ ឧប្បជ្ជតិ ហេតុបច្ចយា. (១)

លោកុត្តរំ ធម្មំ បដិច្ច នលោកុត្តរោ ធម្មោ ឧប្បជ្ជតិ ហេតុបច្ចយា. លោកុត្តរំ ធម្មំ បដិច្ច នលោកិយោ ធម្មោ ឧប្បជ្ជតិ ហេតុបច្ចយា. (លោកុត្តរំ ធម្មំ បដិច្ច នលោកិយោ ច នលោកុត្តរោ ច ធម្មា ឧប្បជ្ជន្តិ ហេតុបច្ចយា.) [អយំ សង្ខ្យា វិចារេតព្ពា, នលោកិយនលោកុត្តរធម្មោ នាម នត្ថិ] (៣)

លោកិយញ្ច លោកុត្តរញ្ច ធម្មំ បដិច្ច នលោកុត្តរោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា បញ្ច. (សព្ពត្ថ បញ្ច.)

១៣. កេនចិវិញ្ញេយ្យទុកំ

១-៧. បដិច្ចវារាទិ

១៥. កេនចិ វិញ្ញេយ្យំ ធម្មំ បដិច្ច នកេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា. កេនចិ វិញ្ញេយ្យំ ធម្មំ បដិច្ច ននកេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា. កេនចិ វិញ្ញេយ្យំ ធម្មំ បដិច្ច នកេនចិ វិញ្ញេយ្យោ ច ននកេនចិ វិញ្ញេយ្យោ ច ធម្មា ឧប្បជ្ជន្តិ ហេតុបច្ចយា. (៣)

នកេនចិ វិញ្ញេយ្យំ ធម្មំ បដិច្ច ននកេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា… តីណិ.

កេនចិ វិញ្ញេយ្យញ្ច នកេនចិ វិញ្ញេយ្យញ្ច ធម្មំ បដិច្ច នកេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា… តីណិ. (សំខិត្តំ.) ហេតុយា នវ. (សព្ពត្ថ នវ.)

ចូឡន្តរទុកំ និដ្ឋិតំ.

១៤. អាសវទុកំ

១-៧. បដិច្ចវារាទិ

១៦. អាសវំ ធម្មំ បដិច្ច នោអាសវោ ធម្មោ ឧប្បជ្ជតិ ហេតុបច្ចយា. អាសវំ ធម្មំ បដិច្ច ននោអាសវោ ធម្មោ ឧប្បជ្ជតិ ហេតុបច្ចយា. អាសវំ ធម្មំ បដិច្ច នោអាសវោ ច ននោអាសវោ ច ធម្មា ឧប្បជ្ជន្តិ ហេតុបច្ចយា. (៣)

នោអាសវំ ធម្មំ បដិច្ច ននោអាសវោ ធម្មោ ឧប្បជ្ជតិ ហេតុបច្ចយា. នោអាសវំ ធម្មំ បដិច្ច នោអាសវោ ធម្មោ ឧប្បជ្ជតិ ហេតុបច្ចយា. នោអាសវំ ធម្មំ បដិច្ច នោអាសវោ ច ននោអាសវោ ច ធម្មា ឧប្បជ្ជន្តិ ហេតុបច្ចយា. (៣)

អាសវញ្ច នោអាសវញ្ច ធម្មំ បដិច្ច នោអាសវោ ធម្មោ ឧប្បជ្ជតិ ហេតុបច្ចយា. អាសវញ្ច នោអាសវញ្ច ធម្មំ បដិច្ច ននោអាសវោ ធម្មោ ឧប្បជ្ជតិ ហេតុបច្ចយា. អាសវញ្ច នោអាសវញ្ច ធម្មំ បដិច្ច នោអាសវោ ច ននោអាសវោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.) ហេតុយា នវ. (សព្ពត្ថ នវ.)

១៥. សាសវទុកំ

១-៧. បដិច្ចវារាទិ

១៧. សាសវំ ធម្មំ បដិច្ច នអនាសវោ ធម្មោ ឧប្បជ្ជតិ ហេតុបច្ចយា. (១)

អនាសវំ ធម្មំ បដិច្ច នអនាសវោ ធម្មោ ឧប្បជ្ជតិ ហេតុបច្ចយា. អនាសវំ ធម្មំ បដិច្ច នសាសវោ ធម្មោ ឧប្បជ្ជតិ ហេតុបច្ចយា. អនាសវំ ធម្មំ បដិច្ច នសាសវោ ច នអនាសវោ ច ធម្មា ឧប្បជ្ជន្តិ ហេតុបច្ចយា. (៣)

សាសវញ្ច អនាសវញ្ច ធម្មំ បដិច្ច នអនាសវោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា បញ្ច. (សព្ពត្ថ វិត្ថារោ.)

១៦. អាសវសម្បយុត្តទុកំ

១-៧. បដិច្ចវារាទិ

១៨. អាសវសម្បយុត្តំ ធម្មំ បដិច្ច នអាសវសម្បយុត្តោ ធម្មោ ឧប្បជ្ជតិ ហេតុបច្ចយា. អាសវសម្បយុត្តំ ធម្មំ បដិច្ច នអាសវវិប្បយុត្តោ ធម្មោ ឧប្បជ្ជតិ ហេតុបច្ចយា. អាសវសម្បយុត្តំ ធម្មំ បដិច្ច នអាសវសម្បយុត្តោ ច នអាសវវិប្បយុត្តោ ច ធម្មា ឧប្បជ្ជន្តិ ហេតុបច្ចយា. (៣)

អាសវវិប្បយុត្តំ ធម្មំ បដិច្ច នអាសវវិប្បយុត្តោ ធម្មោ ឧប្បជ្ជតិ ហេតុបច្ចយា. អាសវវិប្បយុត្តំ ធម្មំ បដិច្ច នអាសវសម្បយុត្តោ ធម្មោ ឧប្បជ្ជតិ ហេតុបច្ចយា. អាសវវិប្បយុត្តំ ធម្មំ បដិច្ច នអាសវសម្បយុត្តោ ច នអាសវវិប្បយុត្តោ ច ធម្មា ឧប្បជ្ជន្តិ ហេតុបច្ចយា. (៣)

អាសវសម្បយុត្តញ្ច អាសវវិប្បយុត្តញ្ច ធម្មំ បដិច្ច នអាសវសម្បយុត្តោ ធម្មោ ឧប្បជ្ជតិ ហេតុបច្ចយា. អាសវសម្បយុត្តញ្ច អាសវវិប្បយុត្តញ្ច ធម្មំ បដិច្ច នអាសវវិប្បយុត្តោ ធម្មោ ឧប្បជ្ជតិ ហេតុបច្ចយា. អាសវសម្បយុត្តញ្ច អាសវវិប្បយុត្តញ្ច ធម្មំ បដិច្ច នអាសវសម្បយុត្តោ ច នអាសវវិប្បយុត្តោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

ហេតុយា នវ. (សព្ពត្ថ នវ.)

១៧. អាសវសាសវទុកំ

១-៧. បដិច្ចវារាទិ

១៩. អាសវញ្ចេវ សាសវញ្ច ធម្មំ បដិច្ច នអាសវោ ចេវ នអនាសវោ ច ធម្មោ ឧប្បជ្ជតិ ហេតុបច្ចយា. អាសវញ្ចេវ សាសវញ្ច ធម្មំ បដិច្ច នអនាសវោ ចេវ ននោ ច អាសវោ ធម្មោ ឧប្បជ្ជតិ ហេតុបច្ចយា. អាសវញ្ចេវ សាសវញ្ច ធម្មំ បដិច្ច នអាសវោ ចេវ នអនាសវោ ច នអនាសវោ ចេវ ននោ ច អាសវោ ច ធម្មា ឧប្បជ្ជន្តិ ហេតុបច្ចយា. (៣)

សាសវញ្ចេវ នោ ច អាសវំ ធម្មំ បដិច្ច នអនាសវោ ចេវ ននោ ច អាសវោ ធម្មោ ឧប្បជ្ជតិ ហេតុបច្ចយា… តីណិ.

អាសវញ្ចេវ សាសវញ្ច សាសវញ្ចេវ នោ ច អាសវញ្ច ធម្មំ បដិច្ច នអាសវោ ចេវ នអនាសវោ ច ធម្មោ ឧប្បជ្ជតិ ហេតុបច្ចយា… តីណិ. ហេតុយា នវ. (សព្ពត្ថ នវ.)

១៨. អាសវអាសវសម្បយុត្តទុកំ

១-៧. បដិច្ចវារាទិ

២០. អាសវញ្ចេវ អាសវសម្បយុត្តញ្ច ធម្មំ បដិច្ច នអាសវោ ចេវ នអាសវវិប្បយុត្តោ ច ធម្មោ ឧប្បជ្ជតិ ហេតុបច្ចយា… តីណិ.

អាសវសម្បយុត្តញ្ចេវ នោ ច អាសវំ ធម្មំ បដិច្ច នអាសវវិប្បយុត្តោ ចេវ ននោ ច អាសវោ ធម្មោ ឧប្បជ្ជតិ ហេតុបច្ចយា… តីណិ.

អាសវញ្ចេវ អាសវសម្បយុត្តញ្ច អាសវវិប្បយុត្តញ្ចេវ នោ ច អាសវញ្ច ធម្មំ បដិច្ច នោអាសវោ ចេវ នអាសវវិប្បយុត្តោ ច ធម្មោ ឧប្បជ្ជតិ ហេតុបច្ចយា… តីណិ. (សំខិត្តំ.) ហេតុយា នវ. (សព្ពត្ថ នវ).

១៩. អាសវវិប្បយុត្តសាសវទុកំ

១-៧. បដិច្ចវារាទិ

២១. អាសវវិប្បយុត្តំ សាសវំ ធម្មំ បដិច្ច អាសវវិប្បយុត្តោ នអនាសវោ ធម្មោ ឧប្បជ្ជតិ ហេតុបច្ចយា. (១)

អាសវវិប្បយុត្តំ អនាសវំ ធម្មំ បដិច្ច អាសវវិប្បយុត្តោ នអនាសវោ ធម្មោ ឧប្បជ្ជតិ ហេតុបច្ចយា… តីណិ.

អាសវវិប្បយុត្តំ សាសវញ្ច អាសវវិប្បយុត្តំ អនាសវញ្ច ធម្មំ បដិច្ច អាសវវិប្បយុត្តោ ននោអនាសវោ ធម្មោ ឧប្បជ្ជតិ ហេតុបច្ចយា. (១)

ហេតុយា បញ្ច…បេ… អវិគតេ បញ្ច. (សព្ពត្ថ វិត្ថារោ.)

អាសវគោច្ឆកំ និដ្ឋិតំ.

២០-៤៩. សញ្ញោជនទុកាទិ

១-៧. បដិច្ចវារាទិ

២២. សញ្ញោជនំ ធម្មំ បដិច្ច នោសញ្ញោជនោ ធម្មោ ឧប្បជ្ជតិ ហេតុបច្ចយា…បេ… គន្ថំ ធម្មំ បដិច្ច នោគន្ថោ ធម្មោ ឧប្បជ្ជតិ ហេតុបច្ចយា…បេ… ឱឃំ ធម្មំ បដិច្ច នោឱឃោ ធម្មោ ឧប្បជ្ជតិ ហេតុបច្ចយា…បេ… យោគំ ធម្មំ បដិច្ច នោយោគោ ធម្មោ ឧប្បជ្ជតិ ហេតុបច្ចយា…បេ… នីវរណំ ធម្មំ បដិច្ច នោនីវរណោ ធម្មោ ឧប្បជ្ជតិ ហេតុបច្ចយា.

៥០-៥៤. បរាមាសទុកានិ

១-៧. បដិច្ចវារាទិ

២៣. បរាមាសំ ធម្មំ បដិច្ច នោបរាមាសោ ធម្មោ ឧប្បជ្ជតិ ហេតុបច្ចយា. (អាសវគោច្ឆកសទិសំ.)

៥៥. សារម្មណទុកំ

១-៧. បដិច្ចវារាទិ

២៤. សារម្មណំ ធម្មំ បដិច្ច នសារម្មណោ ធម្មោ ឧប្បជ្ជតិ ហេតុបច្ចយា… តីណិ.

អនារម្មណំ ធម្មំ បដិច្ច នអនារម្មណោ ធម្មោ ឧប្បជ្ជតិ ហេតុបច្ចយា… តីណិ.

សារម្មណញ្ច អនារម្មណញ្ច ធម្មំ បដិច្ច នសារម្មណោ ធម្មោ ឧប្បជ្ជតិ ហេតុបច្ចយា… តីណិ. (សំខិត្តំ.)

ហេតុយា នវ…បេ… អវិគតេ នវ. (សព្ពត្ថ វិត្ថារោ.)

៥៦. ចិត្តទុកំ

១-៧. បដិច្ចវារាទិ

២៥. ចិត្តំ ធម្មំ បដិច្ច នោចិត្តោ ធម្មោ ឧប្បជ្ជតិ ហេតុបច្ចយា. ឯកំ.

នោចិត្តំ ធម្មំ បដិច្ច ននោចិត្តោ ធម្មោ ឧប្បជ្ជតិ ហេតុបច្ចយា… តីណិ.

ចិត្តញ្ច នោចិត្តញ្ច ធម្មំ បដិច្ច នោចិត្តោ ធម្មោ ឧប្បជ្ជតិ ហេតុបច្ចយា. (១) (សំខិត្តំ. បញ្ច).

៥៧-៦៨. ចេតសិកទុកាទិ

១-៧. បដិច្ចវារាទិ

២៦. ចេតសិកំ ធម្មំ បដិច្ច នចេតសិកោ ធម្មោ ឧប្បជ្ជតិ ហេតុបច្ចយា.

២៧. ចិត្តសម្បយុត្តំ ធម្មំ បដិច្ច នចិត្តសម្បយុត្តោ ធម្មោ ឧប្បជ្ជតិ ហេតុបច្ចយា…បេ….

ចិត្តសំសដ្ឋំ ធម្មំ បដិច្ច នចិត្តសំសដ្ឋោ ធម្មោ ឧប្បជ្ជតិ ហេតុបច្ចយា.

២៨. ចិត្តសមុដ្ឋានំ ធម្មំ បដិច្ច នចិត្តសមុដ្ឋានោ ធម្មោ ឧប្បជ្ជតិ ហេតុបច្ចយា.

២៩. ចិត្តសហភុំ ធម្មំ បដិច្ច នចិត្តសហភូ ធម្មោ ឧប្បជ្ជតិ ហេតុបច្ចយា…បេ… ចិត្តានុបរិវត្តិំ ធម្មំ បដិច្ច នចិត្តានុបរិវត្តី ធម្មោ ឧប្បជ្ជតិ ហេតុបច្ចយា…បេ… ចិត្តសំសដ្ឋសមុដ្ឋានំ ធម្មំ បដិច្ច នចិត្តសំសដ្ឋសមុដ្ឋានោ ធម្មោ ឧប្បជ្ជតិ ហេតុបច្ចយា…បេ… ចិត្តសំសដ្ឋសមុដ្ឋានសហភុំ ធម្មំ បដិច្ច នចិត្តសំសដ្ឋសមុដ្ឋានសហភូ ធម្មោ ឧប្បជ្ជតិ ហេតុបច្ចយា…បេ… ចិត្តសំសដ្ឋសមុដ្ឋានានុបរិវត្តិំ ធម្មំ បដិច្ច នចិត្តសំសដ្ឋសមុដ្ឋានានុបរិវត្តី ធម្មោ ឧប្បជ្ជតិ ហេតុបច្ចយា.

៣០. អជ្ឈត្តិកំ ធម្មំ បដិច្ច នអជ្ឈត្តិកោ ធម្មោ ឧប្បជ្ជតិ ហេតុបច្ចយា… តីណិ.

ពាហិរំ ធម្មំ បដិច្ច នពាហិរោ ធម្មោ ឧប្បជ្ជតិ ហេតុបច្ចយា… តីណិ.

អជ្ឈត្តិកញ្ច ពាហិរញ្ច ធម្មំ បដិច្ច នអជ្ឈត្តិកោ ធម្មោ ឧប្បជ្ជតិ ហេតុបច្ចយា… តីណិ.

៣១. ឧបាទា ធម្មំ បដិច្ច នោឧបាទា ធម្មោ ឧប្បជ្ជតិ ហេតុបច្ចយា. (១)

នោឧបាទា ធម្មំ បដិច្ច ននោឧបាទា ធម្មោ ឧប្បជ្ជតិ ហេតុបច្ចយា… តីណិ.

ឧបាទា ច នោឧបាទា ច ធម្មំ បដិច្ច នោឧបាទា ធម្មោ ឧប្បជ្ជតិ ហេតុបច្ចយា. (១)

៣២. ឧបាទិន្នំ ធម្មំ បដិច្ច នឧបាទិន្នោ ធម្មោ ឧប្បជ្ជតិ ហេតុបច្ចយា… តីណិ.

អនុបាទិន្នំ ធម្មំ បដិច្ច នអនុបាទិន្នោ ធម្មោ ឧប្បជ្ជតិ ហេតុបច្ចយា. (១)

ឧបាទិន្នញ្ច អនុបាទិន្នញ្ច ធម្មំ បដិច្ច នឧបាទិន្នោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា បញ្ច…បេ… អវិគតេ បញ្ច. (សព្ពត្ថ វិត្ថារោ.)

មហន្តរទុកំ និដ្ឋិតំ.

៦៩-៧៤. ឧបាទានគោច្ឆកំ

៣៣. ឧបាទានំ ធម្មំ បដិច្ច នោឧបាទានោ ធម្មោ ឧប្បជ្ជតិ ហេតុបច្ចយា… ហេតុយា នវ.

៧៥-៨២. កិលេសគោច្ឆកំ

៣៤. កិលេសំ ធម្មំ បដិច្ច នោកិលេសោ ធម្មោ ឧប្បជ្ជតិ ហេតុបច្ចយា… ហេតុយា នវ.

៨៣. ទស្សនេនបហាតព្ពទុកំ

៣៥. ទស្សនេន បហាតព្ពំ ធម្មំ បដិច្ច នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា. ទស្សនេន បហាតព្ពំ ធម្មំ បដិច្ច ននទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា. ទស្សនេន បហាតព្ពំ ធម្មំ បដិច្ច នទស្សនេន បហាតព្ពោ ច ននទស្សនេន បហាតព្ពោ ច ធម្មា ឧប្បជ្ជន្តិ ហេតុបច្ចយា. (៣)