១-៦. បដិច្ចវារាទិ

បច្ចយចតុក្កំ

ហេតុបច្ចយោ

៣០៦. ហេតុំ អាចយគាមិំ ធម្មំ បដិច្ច ហេតុ អាចយគាមី ធម្មោ ឧប្បជ្ជតិ ហេតុបច្ចយា… តីណិ.

នហេតុំ អាចយគាមិំ ធម្មំ បដិច្ច នហេតុ អាចយគាមី ធម្មោ ឧប្បជ្ជតិ ហេតុបច្ចយា… តីណិ.

ហេតុំ អាចយគាមិញ្ច នហេតុំ អាចយគាមិញ្ច ធម្មំ បដិច្ច ហេតុ អាចយគាមី ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

៣០៧. ហេតុយា នវ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ…បេ… អវិគតេ នវ (សំខិត្តំ).

នហេតុ-នអធិបតិបច្ចយា

៣០៨. នហេតុំ អាចយគាមិំ ធម្មំ បដិច្ច ហេតុ អាចយគាមី ធម្មោ ឧប្បជ្ជតិ នហេតុបច្ចយា. (១)

ហេតុំ អាចយគាមិំ ធម្មំ បដិច្ច ហេតុ អាចយគាមី ធម្មោ ឧប្បជ្ជតិ នអធិបតិបច្ចយា (សំខិត្តំ).

៣០៩. នហេតុយា ឯកំ, នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នវិប្បយុត្តេ នវ (សំខិត្តំ).

ហេតុបច្ចយា នអធិបតិយា នវ (សំខិត្តំ).

នហេតុបច្ចយា អារម្មណេ ឯកំ (សំខិត្តំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)