៧. បញ្ហាវារោ

បច្ចយចតុក្កំ

ហេតុបច្ចយាទិ

៣១០. ហេតុ អាចយគាមី ធម្មោ ហេតុស្ស អាចយគាមិស្ស ធម្មស្ស ហេតុបច្ចយេន បច្ចយោ… តីណិ.

ហេតុ អាចយគាមី ធម្មោ ហេតុស្ស អាចយគាមិស្ស ធម្មស្ស អារម្មណបច្ចយេន បច្ចយោ… នវ.

ហេតុ អាចយគាមី ធម្មោ ហេតុស្ស អាចយគាមិស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ… តីណិ.

នហេតុ អាចយគាមី ធម្មោ នហេតុស្ស អាចយគាមិស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ… តីណិ.

ហេតុ អាចយគាមី ច នហេតុ អាចយគាមី ច ធម្មា ហេតុស្ស អាចយគាមិស្ស ធម្មស្ស អធិបតិបច្ចយេន បច្ចយោ – អារម្មណាធិបតិ… តីណិ (សំខិត្តំ).

៣១១. ហេតុយា តីណិ, អារម្មណេ នវ, អធិបតិយា នវ…បេ… ឧបនិស្សយេ នវ, អាសេវនេ នវ, កម្មេ តីណិ, អាហារេ តីណិ, អវិគតេ នវ (សំខិត្តំ).

បច្ចនីយុទ្ធារោ

៣១២. ហេតុ អាចយគាមី ធម្មោ ហេតុស្ស អាចយគាមិស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ (សំខិត្តំ).

៣១៣. នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ នណិតំ, ឯវំ គណេតព្ពំ.)