១-១ ហេតុទុក-កុសលត្តិកំ

១. កុសលបទំ

១-៦. បដិច្ចវារាទិ

បច្ចយចតុក្កំ

ហេតុបច្ចយោ

១. ហេតុំ កុសលំ ធម្មំ បដិច្ច ហេតុ កុសលោ ធម្មោ ឧប្បជ្ជតិ ហេតុបច្ចយា. ហេតុំ កុសលំ ធម្មំ បដិច្ច នហេតុ កុសលោ ធម្មោ ឧប្បជ្ជតិ ហេតុបច្ចយា. ហេតុំ កុសលំ ធម្មំ បដិច្ច ហេតុ កុសលោ ច នហេតុ កុសលោ ច ធម្មា ឧប្បជ្ជន្តិ ហេតុបច្ចយា. (៣)

២. នហេតុំ កុសលំ ធម្មំ បដិច្ច នហេតុ កុសលោ ធម្មោ ឧប្បជ្ជតិ ហេតុបច្ចយា. នហេតុំ កុសលំ ធម្មំ បដិច្ច ហេតុ កុសលោ ធម្មោ ឧប្បជ្ជតិ ហេតុបច្ចយា. នហេតុំ កុសលំ ធម្មំ បដិច្ច ហេតុ កុសលោ ច នហេតុ កុសលោ ច ធម្មា ឧប្បជ្ជន្តិ ហេតុបច្ចយា. (៣)

៣. ហេតុំ កុសលញ្ច នហេតុំ កុសលញ្ច ធម្មំ បដិច្ច ហេតុ កុសលោ ធម្មោ ឧប្បជ្ជតិ ហេតុបច្ចយា. ហេតុំ កុសលញ្ច នហេតុំ កុសលញ្ច ធម្មំ បដិច្ច នហេតុ កុសលោ ធម្មោ ឧប្បជ្ជតិ ហេតុបច្ចយា. ហេតុំ កុសលញ្ច នហេតុំ កុសលញ្ច ធម្មំ បដិច្ច ហេតុ កុសលោ ច នហេតុ កុសលោ ច ធម្មា ឧប្បជ្ជន្តិ ហេតុបច្ចយា. (៣)

អារម្មណបច្ចយោ

៤. ហេតុំ កុសលំ ធម្មំ បដិច្ច ហេតុ កុសលោ ធម្មោ ឧប្បជ្ជតិ អារម្មណបច្ចយា (សំខិត្តំ).

៥. ហេតុយា នវ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, បុរេជាតេ នវ, អាសេវនេ នវ, កម្មេ នវ, អាហារេ នវ, ឥន្ទ្រិយេ នវ, ឈានេ នវ, មគ្គេ នវ, សម្បយុត្តេ នវ, វិប្បយុត្តេ នវ, អត្ថិយា នវ, នត្ថិយា នវ, វិគតេ នវ, អវិគតេ នវ (អនុលោមំ).

នអធិបតិបច្ចយោ

៦. ហេតុំ កុសលំ ធម្មំ បដិច្ច ហេតុ កុសលោ ធម្មោ ឧប្បជ្ជតិ នអធិបតិបច្ចយា. ហេតុំ កុសលំ ធម្មំ បដិច្ច នហេតុ កុសលោ ធម្មោ ឧប្បជ្ជតិ នអធិបតិបច្ចយា. ហេតុំ កុសលំ ធម្មំ បដិច្ច ហេតុ កុសលោ ច នហេតុ កុសលោ ច ធម្មា ឧប្បជ្ជន្តិ នអធិបតិបច្ចយា. (៣)

៧. នហេតុំ កុសលំ ធម្មំ បដិច្ច នហេតុ កុសលោ ធម្មោ ឧប្បជ្ជតិ នអធិបតិបច្ចយា… តីណិ.

ហេតុំ កុសលញ្ច នហេតុំ កុសលញ្ច ធម្មំ បដិច្ច ហេតុ កុសលោ ធម្មោ ឧប្បជ្ជតិ នអធិបតិបច្ចយា… តីណិ.

នបុរេជាតបច្ចយាទិ

៨. ហេតុំ កុសលំ ធម្មំ បដិច្ច ហេតុ កុសលោ ធម្មោ ឧប្បជ្ជតិ នបុរេជាតបច្ចយា… នវ… នបច្ឆាជាតបច្ចយា… នវ… នអាសេវនបច្ចយា … នវ.

នកម្មបច្ចយោ

៩. ហេតុំ កុសលំ ធម្មំ បដិច្ច នហេតុ កុសលោ ធម្មោ ឧប្បជ្ជតិ នកម្មបច្ចយា. (១)

នហេតុំ កុសលំ ធម្មំ បដិច្ច នហេតុ កុសលោ ធម្មោ ឧប្បជ្ជតិ នកម្មបច្ចយា. (១)

ហេតុំ កុសលញ្ច នហេតុំ កុសលញ្ច ធម្មំ បដិច្ច នហេតុ កុសលោ ធម្មោ ឧប្បជ្ជតិ នកម្មបច្ចយា. (១)

នវិបាកបច្ចយាទិ

១០. ហេតុំ កុសលំ ធម្មំ បដិច្ច ហេតុ កុសលោ ធម្មោ ឧប្បជ្ជតិ នវិបាកបច្ចយា… នវ…បេ… នវិប្បយុត្តបច្ចយា… នវ.

១១. នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នវិប្បយុត្តេ នវ (បច្ចនីយំ).

ហេតុបច្ចយា នអធិបតិយា នវ (សំខិត្តំ, អនុលោម បច្ចនីយំ).

នអធិបតិបច្ចយា ហេតុយា នវ, អារម្មណេ នវ (សំខិត្តំ, បច្ចនីយានុលោមំ).

(សហជាតវារម្បិ បច្ចយវារម្បិ និស្សយវារម្បិ សំសដ្ឋវារម្បិ សម្បយុត្តវារម្បិ បដិច្ចវារសទិសា វិត្ថារេតព្ពា.)

៧. បញ្ហាវារោ

បច្ចយចតុក្កំ

ហេតុបច្ចយោ

១២. ហេតុ កុសលោ ធម្មោ ហេតុស្ស កុសលស្ស ធម្មស្ស ហេតុបច្ចយេន បច្ចយោ. ហេតុ កុសលោ ធម្មោ នហេតុស្ស កុសលស្ស ធម្មស្ស ហេតុបច្ចយេន បច្ចយោ. ហេតុ កុសលោ ធម្មោ ហេតុស្ស កុសលស្ស ច នហេតុស្ស កុសលស្ស ច ធម្មស្ស ហេតុបច្ចយេន បច្ចយោ. (៣)

អារម្មណបច្ចយាទិ

១៣. ហេតុ កុសលោ ធម្មោ ហេតុស្ស កុសលស្ស ធម្មស្ស អារម្មណបច្ចយេន បច្ចយោ… តីណិ.

នហេតុ កុសលោ ធម្មោ នហេតុស្ស កុសលស្ស ធម្មស្ស អារម្មណបច្ចយេន បច្ចយោ… តីណិ.

ហេតុ កុសលោ ច នហេតុ កុសលោ ច ធម្មា ហេតុស្ស កុសលស្ស ធម្មស្ស អារម្មណបច្ចយេន បច្ចយោ… តីណិ.

១៤. ហេតុ កុសលោ ធម្មោ ហេតុស្ស កុសលស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ… តីណិ.

នហេតុ កុសលោ ធម្មោ នហេតុស្ស កុសលស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ… តីណិ.

ហេតុ កុសលោ ច នហេតុ កុសលោ ច ធម្មា ហេតុស្ស កុសលស្ស ធម្មស្ស អធិបតិបច្ចយេន បច្ចយោ – អារម្មណាធិបតិ… តីណិ.

អនន្តរបច្ចយាទិ

១៥. ហេតុ កុសលោ ធម្មោ ហេតុស្ស កុសលស្ស ធម្មស្ស អនន្តរបច្ចយេន បច្ចយោ… សមនន្តរបច្ចយេន បច្ចយោ… សហជាតបច្ចយេន បច្ចយោ… អញ្ញមញ្ញបច្ចយេន បច្ចយោ… និស្សយបច្ចយេន បច្ចយោ.

១៦. ហេតុ កុសលោ ធម្មោ ហេតុស្ស កុសលស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ… តីណិ.

នហេតុ កុសលោ ធម្មោ នហេតុស្ស កុសលស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ… តីណិ.

ហេតុ កុសលោ ច នហេតុ កុសលោ ច ធម្មា ហេតុស្ស កុសលស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ… តីណិ, អាសេវនបច្ចយេន បច្ចយោ… នវ.

១៧. នហេតុ កុសលោ ធម្មោ នហេតុស្ស កុសលស្ស ធម្មស្ស កម្មបច្ចយេន បច្ចយោ. នហេតុ កុសលោ ធម្មោ ហេតុស្ស កុសលស្ស ធម្មស្ស កម្មបច្ចយេន បច្ចយោ. នហេតុ កុសលោ ធម្មោ ហេតុស្ស កុសលស្ស ច នហេតុស្ស កុសលស្ស ច ធម្មស្ស កម្មបច្ចយេន បច្ចយោ. (៣)

អាហារបច្ចយាទិ

១៨. នហេតុ កុសលោ ធម្មោ នហេតុស្ស កុសលស្ស ធម្មស្ស អាហារបច្ចយេន បច្ចយោ… តីណិ.

១៩. ហេតុ កុសលោ ធម្មោ ហេតុស្ស កុសលស្ស ធម្មស្ស ឥន្ទ្រិយបច្ចយេន បច្ចយោ… នវ.

២០. នហេតុ កុសលោ ធម្មោ នហេតុស្ស កុសលស្ស ធម្មស្ស ឈានបច្ចយេន បច្ចយោ… តីណិ.

២១. ហេតុ កុសលោ ធម្មោ ហេតុស្ស កុសលស្ស ធម្មស្ស មគ្គបច្ចយេន បច្ចយោ… នវ.

២២. ហេតុយា តីណិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, អាសេវនេ នវ, កម្មេ តីណិ, អាហារេ តីណិ, ឥន្ទ្រិយេ នវ, ឈានេ តីណិ, មគ្គេ នវ, សម្បយុត្តេ នវ, អត្ថិយា នវ, នត្ថិយា នវ, វិគតេ នវ, អវិគតេ នវ.

បច្ចនីយុទ្ធារោ

២៣. ហេតុ កុសលោ ធម្មោ ហេតុស្ស កុសលស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… តីណិ.

២៤. នហេតុ កុសលោ ធម្មោ នហេតុស្ស កុសលស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. នហេតុ កុសលោ ធម្មោ ហេតុស្ស កុសលស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. នហេតុ កុសលោ ធម្មោ ហេតុស្ស កុសលស្ស ច នហេតុស្ស កុសលស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (៣)

២៥. ហេតុ កុសលោ ច នហេតុ កុសលោ ច ធម្មា ហេតុស្ស កុសលស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… តីណិ. (៣)

២៦. នហេតុយា នវ, នអារម្មណេ នវ, នអធិបតិយា នវ…បេ… នោអវិគតេ នវ (សំខិត្តំ, បច្ចនីយំ).

ហេតុបច្ចយា នអារម្មណេ តីណិ…បេ… នោនត្ថិយា តីណិ, នោវិគតេ តីណិ (សំខិត្តំ, អនុលោមបច្ចនីយំ).

នហេតុបច្ចយា អារម្មណេ នវ…បេ… អវិគតេ នវ (សំខិត្តំ, បច្ចនីយានុលោមំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)

២. អកុសលបទំ

១-៦. បដិច្ចវារាទិ

បច្ចយចតុក្កំ

ហេតុបច្ចយោ

២៧. ហេតុំ អកុសលំ ធម្មំ បដិច្ច ហេតុ អកុសលោ ធម្មោ ឧប្បជ្ជតិ ហេតុបច្ចយា. ហេតុំ អកុសលំ ធម្មំ បដិច្ច នហេតុ អកុសលោ ធម្មោ ឧប្បជ្ជតិ ហេតុបច្ចយា. ហេតុំ អកុសលំ ធម្មំ បដិច្ច ហេតុ អកុសលោ ច នហេតុ អកុសលោ ច ធម្មា ឧប្បជ្ជន្តិ ហេតុបច្ចយា. (៣)

២៨. នហេតុំ អកុសលំ ធម្មំ បដិច្ច នហេតុ អកុសលោ ធម្មោ ឧប្បជ្ជតិ ហេតុបច្ចយា. នហេតុំ អកុសលំ ធម្មំ បដិច្ច ហេតុ អកុសលោ ធម្មោ ឧប្បជ្ជតិ ហេតុបច្ចយា. នហេតុំ អកុសលំ ធម្មំ បដិច្ច ហេតុ អកុសលោ ច នហេតុ អកុសលោ ច ធម្មា ឧប្បជ្ជន្តិ ហេតុបច្ចយា. (៣)

២៩. ហេតុំ អកុសលញ្ច នហេតុំ អកុសលញ្ច ធម្មំ បដិច្ច ហេតុ អកុសលោ ធម្មោ ឧប្បជ្ជតិ ហេតុបច្ចយា. ហេតុំ អកុសលញ្ច នហេតុំ អកុសលញ្ច ធម្មំ បដិច្ច នហេតុ អកុសលោ ធម្មោ ឧប្បជ្ជតិ ហេតុបច្ចយា. ហេតុំ អកុសលញ្ច នហេតុំ អកុសលញ្ច ធម្មំ បដិច្ច ហេតុ អកុសលោ ច នហេតុ អកុសលោ ច ធម្មា ឧប្បជ្ជន្តិ ហេតុបច្ចយា. (៣)

៣០. ហេតុយា នវ, អារម្មណេ នវ, អធិបតិយា នវ…បេ… កម្មេ នវ, អាហារេ នវ…បេ… អវិគតេ នវ (សំខិត្តំ, អនុលោមំ).

នហេតុបច្ចយោ

៣១. នហេតុំ អកុសលំ ធម្មំ បដិច្ច ហេតុ អកុសលោ ធម្មោ ឧប្បជ្ជតិ នហេតុបច្ចយា. (១)

នអធិបតិបច្ចយាទិ

៣២. ហេតុំ អកុសលំ ធម្មំ បដិច្ច ហេតុ អកុសលោ ធម្មោ ឧប្បជ្ជតិ នអធិបតិបច្ចយា… នវ…បេ….

ហេតុំ អកុសលំ ធម្មំ បដិច្ច នហេតុ អកុសលោ ធម្មោ ឧប្បជ្ជតិ នកម្មបច្ចយា. (១)

នហេតុំ អកុសលំ ធម្មំ បដិច្ច នហេតុ អកុសលោ ធម្មោ ឧប្បជ្ជតិ នកម្មបច្ចយា. (១)

ហេតុំ អកុសលញ្ច នហេតុំ អកុសលញ្ច ធម្មំ បដិច្ច នហេតុ អកុសលោ ធម្មោ ឧប្បជ្ជតិ នកម្មបច្ចយា. (១) (សំខិត្តំ.)

៣៣. នហេតុយា ឯកំ, នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នវិប្បយុត្តេ នវ (បច្ចនីយំ).

ហេតុបច្ចយា នអធិបតិយា នវ (សំខិត្តំ, អនុលោមបច្ចនីយំ).

នហេតុបច្ចយា អារម្មណេ ឯកំ (សំខិត្តំ, បច្ចនីយានុលោមំ).

៧. បញ្ហាវារោ

បច្ចយចតុក្កំ

ហេតុបច្ចយោ

៣៤. ហេតុ អកុសលោ ធម្មោ ហេតុស្ស អកុសលស្ស ធម្មស្ស ហេតុបច្ចយេន បច្ចយោ. ហេតុ អកុសលោ ធម្មោ នហេតុស្ស អកុសលស្ស ធម្មស្ស ហេតុបច្ចយេន បច្ចយោ. ហេតុ អកុសលោ ធម្មោ ហេតុស្ស អកុសលស្ស ច នហេតុស្ស អកុសលស្ស ច ធម្មស្ស ហេតុបច្ចយេន បច្ចយោ. (៣)

អារម្មណបច្ចយាទិ

៣៥. ហេតុ អកុសលោ ធម្មោ ហេតុស្ស អកុសលស្ស ធម្មស្ស អារម្មណបច្ចយេន បច្ចយោ… តីណិ.

នហេតុ អកុសលោ ធម្មោ នហេតុស្ស អកុសលស្ស ធម្មស្ស អារម្មណបច្ចយេន បច្ចយោ… តីណិ.

ហេតុ អកុសលោ ច នហេតុ អកុសលោ ច ធម្មា ហេតុស្ស អកុសលស្ស ធម្មស្ស អារម្មណបច្ចយេន បច្ចយោ… តីណិ.

៣៦. ហេតុ អកុសលោ ធម្មោ ហេតុស្ស អកុសលស្ស ធម្មស្ស អធិបតិបច្ចយេន បច្ចយោ – អារម្មណាធិបតិ… តីណិ.

នហេតុ អកុសលោ ធម្មោ នហេតុស្ស អកុសលស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ… តីណិ.

ហេតុ អកុសលោ ច នហេតុ អកុសលោ ច ធម្មា ហេតុស្ស អកុសលស្ស ធម្មស្ស អធិបតិបច្ចយេន បច្ចយោ – អារម្មណាធិបតិ… តីណិ…បេ….

៣៧. នហេតុ អកុសលោ ធម្មោ នហេតុស្ស អកុសលស្ស ធម្មស្ស កម្មបច្ចយេន បច្ចយោ. នហេតុ អកុសលោ ធម្មោ ហេតុស្ស អកុសលស្ស ធម្មស្ស កម្មបច្ចយេន បច្ចយោ. នហេតុ អកុសលោ ធម្មោ ហេតុស្ស អកុសលស្ស ច នហេតុស្ស អកុសលស្ស ច ធម្មស្ស កម្មបច្ចយេន បច្ចយោ. (៣)

អាហារបច្ចយាទិ

៣៨. នហេតុ អកុសលោ ធម្មោ នហេតុស្ស អកុសលស្ស ធម្មស្ស អាហារបច្ចយេន បច្ចយោ… តីណិ.

៣៩. នហេតុ អកុសលោ ធម្មោ នហេតុស្ស អកុសលស្ស ធម្មស្ស ឥន្ទ្រិយបច្ចយេន បច្ចយោ… តីណិ.

៤០. នហេតុ អកុសលោ ធម្មោ នហេតុស្ស អកុសលស្ស ធម្មស្ស ឈានបច្ចយេន បច្ចយោ… តីណិ (សំខិត្តំ).

៤១. ហេតុយា តីណិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, អាសេវនេ នវ, កម្មេ តីណិ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ តីណិ, សម្បយុត្តេ នវ, អត្ថិយា នវ, នត្ថិយា នវ, វិគតេ នវ, អវិគតេ នវ.

បច្ចនីយុទ្ធារោ

៤២. ហេតុ អកុសលោ ធម្មោ ហេតុស្ស អកុសលស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ (សំខិត្តំ).

៤៣. នហេតុយា នវ, នអារម្មណេ នវ, នអធិបតិយា នវ, នអនន្តរេ នវ, នសមនន្តរេ នវ, នសហជាតេ នវ, នអញ្ញមញ្ញេ នវ…បេ… នោអវិគតេ នវ (បច្ចនីយំ).

ហេតុបច្ចយា នអារម្មណេ តីណិ (សំខិត្តំ, អនុលោមបច្ចនីយំ).

នហេតុបច្ចយា អារម្មណេ នវ (សំខិត្តំ, បច្ចនីយានុលោមំ).

៣. អព្យាកតបទំ

១-៦. បដិច្ចវារាទិ

បច្ចយចតុក្កំ

ហេតុបច្ចយាទិ

៤៤. ហេតុំ អព្យាកតំ ធម្មំ បដិច្ច ហេតុ អព្យាកតោ ធម្មោ ឧប្បជ្ជតិ ហេតុបច្ចយា. ហេតុំ អព្យាកតំ ធម្មំ បដិច្ច នហេតុ អព្យាកតោ ធម្មោ ឧប្បជ្ជតិ ហេតុបច្ចយា. ហេតុំ អព្យាកតំ ធម្មំ បដិច្ច ហេតុ អព្យាកតោ ច នហេតុ អព្យាកតោ ច ធម្មា ឧប្បជ្ជន្តិ ហេតុបច្ចយា. (៣)

៤៥. នហេតុំ អព្យាកតំ ធម្មំ បដិច្ច នហេតុ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

ហេតុំ អព្យាកតញ្ច នហេតុំ អព្យាកតញ្ច ធម្មំ បដិច្ច ហេតុ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

៤៦. ហេតុំ អព្យាកតំ ធម្មំ បដិច្ច ហេតុ អព្យាកតោ ធម្មោ ឧប្បជ្ជតិ អារម្មណបច្ចយា (សំខិត្តំ).

៤៧. ហេតុយា នវ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, បុរេជាតេ នវ, អាសេវនេ នវ, កម្មេ នវ, វិបាកេ នវ, អាហារេ នវ, ឥន្ទ្រិយេ នវ, ឈានេ នវ, មគ្គេ នវ, សម្បយុត្តេ នវ, វិប្បយុត្តេ នវ, អត្ថិយា នវ, នត្ថិយា នវ, វិគតេ នវ, អវិគតេ នវ (អនុលោមំ).

នហេតុ-នអារម្មណបច្ចយា

៤៨. នហេតុំ អព្យាកតំ ធម្មំ បដិច្ច នហេតុ អព្យាកតោ ធម្មោ ឧប្បជ្ជតិ នហេតុបច្ចយា. (១)

៤៩. ហេតុំ អព្យាកតំ ធម្មំ បដិច្ច នហេតុ អព្យាកតោ ធម្មោ ឧប្បជ្ជតិ នអារម្មណបច្ចយា. (១)

នហេតុំ អព្យាកតំ ធម្មំ បដិច្ច នហេតុ អព្យាកតោ ធម្មោ ឧប្បជ្ជតិ នអារម្មណបច្ចយា. (១)

ហេតុំ អព្យាកតញ្ច នហេតុំ អព្យាកតញ្ច ធម្មំ បដិច្ច នហេតុ អព្យាកតោ ធម្មោ ឧប្បជ្ជតិ នអារម្មណបច្ចយា. (១)

នអធិបតិបច្ចយាទិ

៥០. ហេតុំ អព្យាកតំ ធម្មំ បដិច្ច ហេតុ អព្យាកតោ ធម្មោ ឧប្បជ្ជតិ នអធិបតិបច្ចយា… នវ…បេ….

៥១. ហេតុំ អព្យាកតំ ធម្មំ បដិច្ច នហេតុ អព្យាកតោ ធម្មោ ឧប្បជ្ជតិ នកម្មបច្ចយា. (១)

នហេតុំ អព្យាកតំ ធម្មំ បដិច្ច នហេតុ អព្យាកតោ ធម្មោ ឧប្បជ្ជតិ នកម្មបច្ចយា. (១)

ហេតុំ អព្យាកតញ្ច នហេតុំ អព្យាកតញ្ច ធម្មំ បដិច្ច នហេតុ អព្យាកតោ ធម្មោ ឧប្បជ្ជតិ នកម្មបច្ចយា. (១)

៥២. នហេតុំ អព្យាកតំ ធម្មំ បដិច្ច នហេតុ អព្យាកតោ ធម្មោ ឧប្បជ្ជតិ នអាហារបច្ចយា… នឥន្ទ្រិយបច្ចយា… នឈានបច្ចយា (សំខិត្តំ).

៥៣. នហេតុយា ឯកំ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ នវ, នោនត្ថិយា តីណិ, នោវិគតេ តីណិ (បច្ចនីយំ).

ហេតុបច្ចយា នអារម្មណេ តីណិ, នអធិបតិយា នវ (សំខិត្តំ, អនុលោមបច្ចនីយំ).

នហេតុបច្ចយា អារម្មណេ ឯកំ (សំខិត្តំ, បច្ចនីយានុលោមំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)

៧. បញ្ហាវារោ

បច្ចយចតុក្កំ

ហេតុបច្ចយោ

៥៤. ហេតុ អព្យាកតោ ធម្មោ ហេតុស្ស អព្យាកតស្ស ធម្មស្ស ហេតុបច្ចយេន បច្ចយោ. ហេតុ អព្យាកតោ ធម្មោ នហេតុស្ស អព្យាកតស្ស ធម្មស្ស ហេតុបច្ចយេន បច្ចយោ. ហេតុ អព្យាកតោ ធម្មោ ហេតុស្ស អព្យាកតស្ស ច នហេតុស្ស អព្យាកតស្ស ច ធម្មស្ស ហេតុបច្ចយេន បច្ចយោ. (៣)

អារម្មណបច្ចយាទិ

៥៥. ហេតុ អព្យាកតោ ធម្មោ ហេតុស្ស អព្យាកតស្ស ធម្មស្ស អារម្មណបច្ចយេន បច្ចយោ… នវ.

៥៦. ហេតុ អព្យាកតោ ធម្មោ ហេតុស្ស អព្យាកតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ… តីណិ.

នហេតុ អព្យាកតោ ធម្មោ នហេតុស្ស អព្យាកតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ… តីណិ.

ហេតុ អព្យាកតោ ច នហេតុ អព្យាកតោ ច ធម្មា ហេតុស្ស អព្យាកតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ… តីណិ…បេ….

បុរេជាតបច្ចយាទិ

៥៧. នហេតុ អព្យាកតោ ធម្មោ នហេតុស្ស អព្យាកតស្ស ធម្មស្ស បុរេជាតបច្ចយេន បច្ចយោ… តីណិ.

៥៨. ហេតុ អព្យាកតោ ធម្មោ នហេតុស្ស អព្យាកតស្ស ធម្មស្ស បច្ឆាជាតបច្ចយេន បច្ចយោ. (១)

នហេតុ អព្យាកតោ ធម្មោ នហេតុស្ស អព្យាកតស្ស ធម្មស្ស បច្ឆាជាតបច្ចយេន បច្ចយោ. (១)

ហេតុ អព្យាកតោ ច នហេតុ អព្យាកតោ ច ធម្មា នហេតុស្ស អព្យាកតស្ស ធម្មស្ស បច្ឆាជាតបច្ចយេន បច្ចយោ. (១)

៥៩. នហេតុ អព្យាកតោ ធម្មោ នហេតុស្ស អព្យាកតស្ស ធម្មស្ស កម្មបច្ចយេន បច្ចយោ… តីណិ.

៦០. ហេតុ អព្យាកតោ ធម្មោ ហេតុស្ស អព្យាកតស្ស ធម្មស្ស វិបាកបច្ចយេន បច្ចយោ… នវ.

៦១. នហេតុ អព្យាកតោ ធម្មោ នហេតុស្ស អព្យាកតស្ស ធម្មស្ស អាហារបច្ចយេន បច្ចយោ… ឥន្ទ្រិយបច្ចយេន បច្ចយោ… ឈានបច្ចយេន បច្ចយោ… មគ្គបច្ចយេន បច្ចយោ… សម្បយុត្តបច្ចយេន បច្ចយោ.

វិប្បយុត្តបច្ចយោ

៦២. ហេតុ អព្យាកតោ ធម្មោ នហេតុស្ស អព្យាកតស្ស ធម្មស្ស វិប្បយុត្តបច្ចយេន បច្ចយោ. (១)

នហេតុ អព្យាកតោ ធម្មោ នហេតុស្ស អព្យាកតស្ស ធម្មស្ស វិប្បយុត្តបច្ចយេន បច្ចយោ… តីណិ.

ហេតុ អព្យាកតោ ច នហេតុ អព្យាកតោ ច ធម្មា នហេតុស្ស អព្យាកតស្ស ធម្មស្ស វិប្បយុត្តបច្ចយេន បច្ចយោ. (១) (សំខិត្តំ.)

៦៣. ហេតុយា តីណិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ នវ, កម្មេ តីណិ, វិបាកេ នវ, អាហារេ តីណិ, ឥន្ទ្រិយេ នវ, ឈានេ តីណិ, មគ្គេ នវ, សម្បយុត្តេ នវ, វិប្បយុត្តេ បញ្ច, អត្ថិយា នវ, នត្ថិយា នវ, វិគតេ នវ, អវិគតេ នវ.

បច្ចនីយុទ្ធារោ

៦៤. ហេតុ អព្យាកតោ ធម្មោ ហេតុស្ស អព្យាកតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. ហេតុ អព្យាកតោ ធម្មោ នហេតុស្ស អព្យាកតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. ហេតុ អព្យាកតោ ធម្មោ ហេតុស្ស អព្យាកតស្ស ច នហេតុស្ស អព្យាកតស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (៣)

៦៥. នហេតុ អព្យាកតោ ធម្មោ នហេតុស្ស អព្យាកតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ.

៦៦. នហេតុយា នវ, នអារម្មណេ នវ, នអធិបតិយា នវ (សំខិត្តំ, បច្ចនីយំ).