១២. កិលេសគោច្ឆកំ

៧៥. កិលេសទុកំ

១. បដិច្ចវារោ

១. បច្ចយានុលោមំ

១. វិភង្គវារោ

ហេតុបច្ចយោ

១. កិលេសំ ធម្មំ បដិច្ច កិលេសោ ធម្មោ ឧប្បជ្ជតិ ហេតុបច្ចយា – លោភំ បដិច្ច មោហោ ទិដ្ឋិ ថិនំ [ថីនំ (សី. ស្យា.)] ឧទ្ធច្ចំ អហិរិកំ អនោត្តប្បំ, លោភំ បដិច្ច មោហោ ទិដ្ឋិ ឧទ្ធច្ចំ អហិរិកំ អនោត្តប្បំ, លោភំ បដិច្ច មោហោ មានោ ថិនំ ឧទ្ធច្ចំ អហិរិកំ អនោត្តប្បំ, លោភំ បដិច្ច មោហោ មានោ ឧទ្ធច្ចំ អហិរិកំ អនោត្តប្បំ, លោភំ បដិច្ច មោហោ ថិនំ ឧទ្ធច្ចំ អហិរិកំ អនោត្តប្បំ, លោភំ បដិច្ច មោហោ ឧទ្ធច្ចំ អហិរិកំ អនោត្តប្បំ; ទោសំ បដិច្ច មោហោ ថិនំ ឧទ្ធច្ចំ អហិរិកំ អនោត្តប្បំ, ទោសំ បដិច្ច មោហោ ឧទ្ធច្ចំ អហិរិកំ អនោត្តប្បំ; វិចិកិច្ឆំ បដិច្ច មោហោ ឧទ្ធច្ចំ អហិរិកំ អនោត្តប្បំ; ឧទ្ធច្ចំ បដិច្ច មោហោ អហិរិកំ អនោត្តប្បំ. (១)

កិលេសំ ធម្មំ បដិច្ច នោកិលេសោ ធម្មោ ឧប្បជ្ជតិ ហេតុបច្ចយា – កិលេសំ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ. (២)

កិលេសំ ធម្មំ បដិច្ច កិលេសោ ច នោកិលេសោ ច ធម្មា ឧប្បជ្ជន្តិ ហេតុបច្ចយា – លោភំ បដិច្ច មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ សម្បយុត្តកា ច ខន្ធា ចិត្តសមុដ្ឋានញ្ច រូបំ (ចក្កំ). (៣)

២. នោកិលេសំ ធម្មំ បដិច្ច នោកិលេសោ ធម្មោ ឧប្បជ្ជតិ ហេតុបច្ចយា – នោកិលេសំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ…. (១)

នោកិលេសំ ធម្មំ បដិច្ច កិលេសោ ធម្មោ ឧប្បជ្ជតិ ហេតុបច្ចយា – នោកិលេសេ ខន្ធេ បដិច្ច កិលេសា. (២)

នោកិលេសំ ធម្មំ បដិច្ច កិលេសោ ច នោកិលេសោ ច ធម្មា ឧប្បជ្ជន្តិ ហេតុបច្ចយា – នោកិលេសំ ឯកំ ខន្ធំ បដិច្ច តយោ ខន្ធា កិលេសា ច ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

៣. កិលេសញ្ច នោកិលេសញ្ច ធម្មំ បដិច្ច កិលេសោ ធម្មោ ឧប្បជ្ជតិ ហេតុបច្ចយា – លោភញ្ច សម្បយុត្តកេ ច ខន្ធេ បដិច្ច មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ (ចក្កំ). (១)

កិលេសញ្ច នោកិលេសញ្ច ធម្មំ បដិច្ច នោកិលេសោ ធម្មោ ឧប្បជ្ជតិ ហេតុបច្ចយា – នោកិលេសំ ឯកំ ខន្ធញ្ច កិលេសេ ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ ច…បេ… កិលេសេ ច មហាភូតេ ច បដិច្ច ចិត្តសមុដ្ឋានំ រូបំ. (២)

កិលេសញ្ច នោកិលេសញ្ច ធម្មំ បដិច្ច កិលេសោ ច នោកិលេសោ ច ធម្មា ឧប្បជ្ជន្តិ ហេតុបច្ចយា – នោកិលេសំ ឯកំ ខន្ធញ្ច លោភញ្ច បដិច្ច តយោ ខន្ធា មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ ចិត្តសមុដ្ឋានញ្ច រូបំ…បេ… ទ្វេ ខន្ធេ ច…បេ… (ចក្កំ, សំខិត្តំ). (៣)

១. បច្ចយានុលោមំ

២. សង្ខ្យាវារោ

៤. ហេតុយា នវ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ (សព្ពត្ថ នវ), វិបាកេ ឯកំ…បេ… អវិគតេ នវ.

២. បច្ចយបច្ចនីយំ

១. វិភង្គវារោ

នហេតុបច្ចយោ

៥. កិលេសំ ធម្មំ បដិច្ច កិលេសោ ធម្មោ ឧប្បជ្ជតិ នហេតុបច្ចយា – វិចិកិច្ឆំ បដិច្ច មោហោ, ឧទ្ធច្ចំ បដិច្ច មោហោ. (១)

នោកិលេសំ ធម្មំ បដិច្ច នោកិលេសោ ធម្មោ ឧប្បជ្ជតិ នហេតុបច្ចយា – អហេតុកំ នោកិលេសំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ… (យាវ អសញ្ញសត្តា). (១)

នោកិលេសំ ធម្មំ បដិច្ច កិលេសោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (២)

កិលេសញ្ច នោកិលេសញ្ច ធម្មំ បដិច្ច កិលេសោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ ច វិចិកិច្ឆញ្ច បដិច្ច វិចិកិច្ឆាសហគតោ មោហោ, ឧទ្ធច្ចសហគតេ ខន្ធេ ច ឧទ្ធច្ចញ្ច បដិច្ច ឧទ្ធច្ចសហគតោ មោហោ. (១)

នអារម្មណបច្ចយាទិ

៦. កិលេសំ ធម្មំ បដិច្ច នោកិលេសោ ធម្មោ ឧប្បជ្ជតិ នអារម្មណបច្ចយា – កិលេសេ បដិច្ច ចិត្តសមុដ្ឋានំ រូបំ. (១)

នោកិលេសំ ធម្មំ បដិច្ច នោកិលេសោ ធម្មោ ឧប្បជ្ជតិ នអារម្មណបច្ចយា – នោកិលេសេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ… ខន្ធេ បដិច្ច វត្ថុ (យាវ អសញ្ញសត្តា). (១)

កិលេសញ្ច នោកិលេសញ្ច ធម្មំ បដិច្ច នោកិលេសោ ធម្មោ ឧប្បជ្ជតិ នអារម្មណបច្ចយា – កិលេសេ ច សម្បយុត្តកេ ច ខន្ធេ បដិច្ច ចិត្តសមុដ្ឋានំ រូបំ, កិលេសេ ច មហាភូតេ ច បដិច្ច ចិត្តសមុដ្ឋានំ រូបំ. (១)

នអធិបតិបច្ចយា… នអនន្តរបច្ចយា… នសមនន្តរបច្ចយា… នអញ្ញមញ្ញបច្ចយា… នឧបនិស្សយបច្ចយា.

នបុរេជាតបច្ចយាទិ

៧. កិលេសំ ធម្មំ បដិច្ច កិលេសោ ធម្មោ ឧប្បជ្ជតិ នបុរេជាតបច្ចយា – អរូបេ លោភំ បដិច្ច មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ, លោភំ បដិច្ច មោហោ ទិដ្ឋិ ឧទ្ធច្ចំ អហិរិកំ អនោត្តប្បំ, លោភំ បដិច្ច មោហោ មានោ ថិនំ ឧទ្ធច្ចំ អហិរិកំ អនោត្តប្បំ, លោភំ បដិច្ច មោហោ មានោ ឧទ្ធច្ចំ អហិរិកំ អនោត្តប្បំ, លោភំ បដិច្ច មោហោ ថិនំ ឧទ្ធច្ចំ អហិរិកំ អនោត្តប្បំ, លោភំ បដិច្ច មោហោ ឧទ្ធច្ចំ អហិរិកំ អនោត្តប្បំ; វិចិកិច្ឆំ បដិច្ច មោហោ ឧទ្ធច្ចំ អហិរិកំ អនោត្តប្បំ; ឧទ្ធច្ចំ បដិច្ច មោហោ អហិរិកំ អនោត្តប្បំ (អរូបេ ទោសមូលកំ នត្ថិ). (១)

កិលេសំ ធម្មំ បដិច្ច នោកិលេសោ ធម្មោ ឧប្បជ្ជតិ នបុរេជាតបច្ចយា – អរូបេ កិលេសេ បដិច្ច សម្បយុត្តកា ខន្ធា, កិលេសេ បដិច្ច ចិត្តសមុដ្ឋានំ រូបំ (ឯវំ នវបិ បញ្ហា កាតព្ពា), នបច្ឆាជាតបច្ចយា, នអាសេវនបច្ចយា.

នកម្មបច្ចយោ

៨. កិលេសំ ធម្មំ បដិច្ច នោកិលេសោ ធម្មោ ឧប្បជ្ជតិ នកម្មបច្ចយា – កិលេសេ បដិច្ច សម្បយុត្តកា ចេតនា. (១)

នោកិលេសំ ធម្មំ បដិច្ច នោកិលេសោ ធម្មោ ឧប្បជ្ជតិ នកម្មបច្ចយា – នោកិលេសេ ខន្ធេ បដិច្ច សម្បយុត្តកា ចេតនា; ពាហិរំ… អាហារសមុដ្ឋានំ… ឧតុសមុដ្ឋានំ…បេ…. (១)

កិលេសញ្ច នោកិលេសញ្ច ធម្មំ បដិច្ច នោកិលេសោ ធម្មោ ឧប្បជ្ជតិ នកម្មបច្ចយា – កិលេសេ ច សម្បយុត្តកេ ច ខន្ធេ បដិច្ច សម្បយុត្តកា ចេតនា. (១) (ឯវំ សព្ពេ បច្ចយា កាតព្ពា.)

២. បច្ចយបច្ចនីយំ

២. សង្ខ្យាវារោ

សុទ្ធំ

៩. នហេតុយា ចត្តារិ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ នវ, នោនត្ថិយា តីណិ, នោវិគតេ តីណិ.

២. សហជាតវារោ

(ឯវំ ឥតរេ ទ្វេ គណនាបិ សហជាតវារោបិ កាតព្ពោ.)

៣. បច្ចយវារោ

១. បច្ចយានុលោមំ

១. វិភង្គវារោ

ហេតុបច្ចយោ

១០. កិលេសំ ធម្មំ បច្ចយា កិលេសោ ធម្មោ ឧប្បជ្ជតិ ហេតុបច្ចយា… តីណិ (បដិច្ចសទិសា).

នោកិលេសំ ធម្មំ បច្ចយា នោកិលេសោ ធម្មោ ឧប្បជ្ជតិ ហេតុបច្ចយា – នោកិលេសំ ឯកំ ខន្ធំ បច្ចយា តយោ ខន្ធា…បេ… (យាវ អជ្ឈត្តិកា មហាភូតា) វត្ថុំ បច្ចយា នោកិលេសា ខន្ធា. (១)

នោកិលេសំ ធម្មំ បច្ចយា កិលេសោ ធម្មោ ឧប្បជ្ជតិ ហេតុបច្ចយា – នោកិលេសេ ខន្ធេ បច្ចយា កិលេសា, វត្ថុំ បច្ចយា កិលេសា. (២)

នោកិលេសំ ធម្មំ បច្ចយា កិលេសោ ច នោកិលេសោ ច ធម្មា ឧប្បជ្ជន្តិ ហេតុបច្ចយា – នោកិលេសំ ឯកំ ខន្ធំ បច្ចយា តយោ ខន្ធា កិលេសា ច ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… វត្ថុំ បច្ចយា កិលេសា, មហាភូតេ បច្ចយា ចិត្តសមុដ្ឋានំ រូបំ, វត្ថុំ បច្ចយា កិលេសា ច សម្បយុត្តកា ច ខន្ធា. (៣)

១១. កិលេសញ្ច នោកិលេសញ្ច ធម្មំ បច្ចយា កិលេសោ ធម្មោ ឧប្បជ្ជតិ ហេតុបច្ចយា – លោភញ្ច សម្បយុត្តកេ ច ខន្ធេ បច្ចយា មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ (ចក្កំ). លោភញ្ច វត្ថុញ្ច បច្ចយា កិលេសា. (១)

កិលេសញ្ច នោកិលេសញ្ច ធម្មំ បច្ចយា នោកិលេសោ ធម្មោ ឧប្បជ្ជតិ ហេតុបច្ចយា – នោកិលេសំ ឯកំ ខន្ធញ្ច កិលេសញ្ច បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ ច…បេ… កិលេសេ ច មហាភូតេ ច បច្ចយា ចិត្តសមុដ្ឋានំ រូបំ, កិលេសេ ច វត្ថុញ្ច បច្ចយា នោកិលេសា ខន្ធា. (២)

កិលេសញ្ច នោកិលេសញ្ច ធម្មំ បច្ចយា កិលេសោ ច នោកិលេសោ ច ធម្មា ឧប្បជ្ជន្តិ ហេតុបច្ចយា – នោកិលេសំ ឯកំ ខន្ធញ្ច លោភញ្ច បច្ចយា តយោ ខន្ធា មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ ចិត្តសមុដ្ឋានញ្ច រូបំ…បេ… ទ្វេ ខន្ធេ ច…បេ… (ចក្កំ). លោភញ្ច វត្ថុញ្ច បច្ចយា មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ សម្បយុត្តកា ច ខន្ធា (ចក្កំ). (៣)

(អារម្មណបច្ចយេ នោកិលេសមូលេ បញ្ច វិញ្ញាណា កាតព្ពា.)

១. បច្ចយានុលោមំ

២. សង្ខ្យាវារោ

១២. ហេតុយា នវ, អារម្មណេ នវ, អធិបតិយា នវ (សព្ពត្ថ នវ), វិបាកេ ឯកំ…បេ… អវិគតេ នវ.

២. បច្ចយបច្ចនីយំ

១. វិភង្គវារោ

នហេតុបច្ចយោ

១៣. កិលេសំ ធម្មំ បច្ចយា កិលេសោ ធម្មោ ឧប្បជ្ជតិ នហេតុបច្ចយា – វិចិកិច្ឆំ បច្ចយា វិចិកិច្ឆាសហគតោ មោហោ, ឧទ្ធច្ចំ បច្ចយា ឧទ្ធច្ចសហគតោ មោហោ. (១)

នោកិលេសំ ធម្មំ បច្ចយា នោកិលេសោ ធម្មោ ឧប្បជ្ជតិ នហេតុបច្ចយា (យាវ អសញ្ញសត្តា) – ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ…បេ… វត្ថុំ បច្ចយា អហេតុកា នោកិលេសា ខន្ធា. (១)

នោកិលេសំ ធម្មំ បច្ចយា កិលេសោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ. (២)

កិលេសញ្ច នោកិលេសញ្ច ធម្មំ បច្ចយា កិលេសោ ធម្មោ ឧប្បជ្ជតិ នហេតុបច្ចយា – វិចិកិច្ឆញ្ច សម្បយុត្តកេ ច ខន្ធេ វត្ថុញ្ច បច្ចយា វិចិកិច្ឆាសហគតោ មោហោ, ឧទ្ធច្ចញ្ច សម្បយុត្តកេ ច ខន្ធេ វត្ថុញ្ច បច្ចយា ឧទ្ធច្ចសហគតោ មោហោ (សំខិត្តំ). (១)

២. បច្ចយបច្ចនីយំ

២. សង្ខ្យាវារោ

១៤. នហេតុយា ចត្តារិ, នអារម្មណេ តីណិ, នអធិបតិយា នវ…បេ… នកម្មេ តីណិ, នវិបាកេ នវ, នអាហារេ ឯកំ…បេ… នោវិគតេ តីណិ.

៤. និស្សយវារោ

(ឯវំ ឥតរេ ទ្វេ គណនាបិ និស្សយវារោបិ កាតព្ពោ.)

៥. សំសដ្ឋវារោ

១-៤. បច្ចយានុលោមាទិ

១៥. កិលេសំ ធម្មំ សំសដ្ឋោ កិលេសោ ធម្មោ ឧប្បជ្ជតិ ហេតុបច្ចយា – លោភំ សំសដ្ឋោ មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ. (ចក្កំ. ឯវំ នវ បញ្ហា កាតព្ពា.)

ហេតុយា នវ, អារម្មណេ នវ (សព្ពត្ថ នវ), វិបាកេ ឯកំ…បេ… អវិគតេ នវ.

អនុលោមំ.

កិលេសំ ធម្មំ សំសដ្ឋោ កិលេសោ ធម្មោ ឧប្បជ្ជតិ នហេតុបច្ចយា (ឯវំ នហេតុបញ្ហា ចត្តារិ កាតព្ពា.)

នហេតុយា ចត្តារិ, នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នឈានេ ឯកំ, នមគ្គេ ឯកំ, នវិប្បយុត្តេ នវ.

បច្ចនីយំ.

៦. សម្បយុត្តវារោ

(ឯវំ ឥតរេ ទ្វេ គណនាបិ សម្បយុត្តវារោបិ កាតព្ពោ.)

៧. បញ្ហាវារោ

១. បច្ចយានុលោមំ

១. វិភង្គវារោ

ហេតុបច្ចយោ

១៦. កិលេសោ ធម្មោ កិលេសស្ស ធម្មស្ស ហេតុបច្ចយេន បច្ចយោ – កិលេសា ហេតូ សម្បយុត្តកានំ កិលេសានំ ហេតុបច្ចយេន បច្ចយោ. (មូលំ បុច្ឆិតព្ពំ.) កិលេសា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (មូលំ បុច្ឆិតព្ពំ.) កិលេសា ហេតូ សម្បយុត្តកានំ ខន្ធានំ កិលេសានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

នោកិលេសោ ធម្មោ នោកិលេសស្ស ធម្មស្ស ហេតុបច្ចយេន បច្ចយោ – នោកិលេសា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (១)

អារម្មណបច្ចយោ

១៧. កិលេសោ ធម្មោ កិលេសស្ស ធម្មស្ស អារម្មណបច្ចយេន បច្ចយោ – កិលេសេ អារព្ភ កិលេសា ឧប្បជ្ជន្តិ. (មូលំ បុច្ឆិតព្ពំ.) កិលេសេ អារព្ភ នោកិលេសា ខន្ធា ឧប្បជ្ជន្តិ. (មូលំ បុច្ឆិតព្ពំ.) កិលេសេ អារព្ភ កិលេសា ច សម្បយុត្តកា ច ខន្ធា ឧប្បជ្ជន្តិ. (៣)

១៨. នោកិលេសោ ធម្មោ នោកិលេសស្ស ធម្មស្ស អារម្មណបច្ចយេន បច្ចយោ – ទានំ…បេ… សីលំ…បេ… ឧបោសថកម្មំ…បេ… បុព្ពេ សុចិណ្ណានិ…បេ… ឈានា វុដ្ឋហិត្វា ឈានំ បច្ចវេក្ខតិ អស្សាទេតិ អភិនន្ទតិ, តំ អារព្ភ រាគោ…បេ… ទិដ្ឋិ…បេ… វិចិកិច្ឆា…បេ… ឧទ្ធច្ចំ…បេ… ទោមនស្សំ ឧប្បជ្ជតិ; អរិយា មគ្គា វុដ្ឋហិត្វា…បេ… ផលស្ស, អាវជ្ជនាយ អារម្មណបច្ចយេន បច្ចយោ; ចក្ខុំ…បេ… វត្ថុំ នោកិលេសេ ខន្ធេ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ…បេ… អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

នោកិលេសោ ធម្មោ កិលេសស្ស ធម្មស្ស អារម្មណបច្ចយេន បច្ចយោ – ទានំ…បេ… ឈានា វុដ្ឋហិត្វា ឈានំ អស្សាទេតិ អភិនន្ទតិ, តំ អារព្ភ រាគោ…បេ… ទិដ្ឋិ…បេ… វិចិកិច្ឆា…បេ… ឧទ្ធច្ចំ ឧប្បជ្ជតិ, ឈានេ បរិហីនេ វិប្បដិសារិស្ស ទោមនស្សំ ឧប្បជ្ជតិ, ចក្ខុំ…បេ… វត្ថុំ នោកិលេសេ ខន្ធេ អស្សាទេតិ អភិនន្ទតិ, តំ អារព្ភ រាគោ…បេ… ទោមនស្សំ ឧប្បជ្ជតិ. (២)

នោកិលេសោ ធម្មោ កិលេសស្ស ច នោកិលេសស្ស ច ធម្មស្ស អារម្មណបច្ចយេន បច្ចយោ – ទានំ…បេ… ឈានា វុដ្ឋហិត្វា…បេ… ចក្ខុំ…បេ… វត្ថុំ នោកិលេសេ ខន្ធេ អស្សាទេតិ អភិនន្ទតិ, តំ អារព្ភ កិលេសា ច សម្បយុត្តកា ច ខន្ធា ឧប្បជ្ជន្តិ. (៣)

កិលេសោ ច នោកិលេសោ ច ធម្មា កិលេសស្ស ធម្មស្ស អារម្មណបច្ចយេន បច្ចយោ… តីណិ.

អធិបតិបច្ចយោ

១៩. កិលេសោ ធម្មោ កិលេសស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – កិលេសេ គរុំ កត្វា កិលេសា ឧប្បជ្ជន្តិ… តីណិ (អារម្មណាធិបតិយេវ). (៣)

នោកិលេសោ ធម្មោ នោកិលេសស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ…បេ… សីលំ…បេ… ឧបោសថកម្មំ កត្វា តំ គរុំ កត្វា បច្ចវេក្ខតិ អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ; បុព្ពេ…បេ… ឈានា…បេ… អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ…បេ… ផលស្ស អធិបតិបច្ចយេន បច្ចយោ; ចក្ខុំ…បេ… វត្ថុំ នោកិលេសេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – នោកិលេសាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)

នោកិលេសោ ធម្មោ កិលេសស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ…បេ… ឈានំ…បេ… ចក្ខុំ…បេ… វត្ថុំ នោកិលេសេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – នោកិលេសាធិបតិ សម្បយុត្តកានំ កិលេសានំ អធិបតិបច្ចយេន បច្ចយោ. (២)

នោកិលេសោ ធម្មោ កិលេសស្ស ច នោកិលេសស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ…បេ… ឈានំ…បេ… ចក្ខុំ…បេ… វត្ថុំ នោកិលេសេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា កិលេសា ច សម្បយុត្តកា ច ខន្ធា ឧប្បជ្ជន្តិ. សហជាតាធិបតិ – នោកិលេសាធិបតិ សម្បយុត្តកានំ ខន្ធានំ កិលេសានញ្ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

កិលេសោ ច នោកិលេសោ ច ធម្មា កិលេសស្ស ធម្មស្ស អធិបតិបច្ចយេន បច្ចយោ… តីណិ (អារម្មណាធិបតិយេវ). (៣)

អនន្តរបច្ចយាទិ

២០. កិលេសោ ធម្មោ កិលេសស្ស ធម្មស្ស អនន្តរបច្ចយេន បច្ចយោ – បុរិមា បុរិមា កិលេសា បច្ឆិមានំ បច្ឆិមានំ កិលេសានំ អនន្តរបច្ចយេន បច្ចយោ. (មូលំ កាតព្ពំ.) បុរិមា បុរិមា កិលេសា បច្ឆិមានំ បច្ឆិមានំ នោកិលេសានំ ខន្ធានំ អនន្តរបច្ចយេន បច្ចយោ; កិលេសា វុដ្ឋានស្ស អនន្តរបច្ចយេន បច្ចយោ. (មូលំ កាតព្ពំ.) បុរិមា បុរិមា កិលេសា បច្ឆិមានំ បច្ឆិមានំ កិលេសានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ. (៣)

២១. នោកិលេសោ ធម្មោ នោកិលេសស្ស ធម្មស្ស អនន្តរបច្ចយេន បច្ចយោ – បុរិមា បុរិមា នោកិលេសា ខន្ធា បច្ឆិមានំ បច្ឆិមានំ នោកិលេសានំ ខន្ធានំ អនន្តរបច្ចយេន បច្ចយោ…បេ… ផលសមាបត្តិយា អនន្តរបច្ចយេន បច្ចយោ. (មូលំ កាតព្ពំ.) បុរិមា បុរិមា នោកិលេសា ខន្ធា បច្ឆិមានំ បច្ឆិមានំ កិលេសានំ អនន្តរបច្ចយេន បច្ចយោ; អាវជ្ជនា កិលេសានំ អនន្តរបច្ចយេន បច្ចយោ. (មូលំ កាតព្ពំ.) បុរិមា បុរិមា នោកិលេសា ខន្ធា បច្ឆិមានំ បច្ឆិមានំ កិលេសានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ; អាវជ្ជនា កិលេសានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ. (៣)

២២. កិលេសោ ច នោកិលេសោ ច ធម្មា កិលេសស្ស ធម្មស្ស អនន្តរបច្ចយេន បច្ចយោ – បុរិមា បុរិមា កិលេសា ច សម្បយុត្តកា ច ខន្ធា បច្ឆិមានំ បច្ឆិមានំ កិលេសានំ អនន្តរបច្ចយេន បច្ចយោ. (មូលំ កាតព្ពំ.) បុរិមា បុរិមា កិលេសា ច សម្បយុត្តកា ច ខន្ធា បច្ឆិមានំ បច្ឆិមានំ នោកិលេសានំ ខន្ធានំ អនន្តរបច្ចយេន បច្ចយោ; កិលេសា ច សម្បយុត្តកា ច ខន្ធា វុដ្ឋានស្ស អនន្តរបច្ចយេន បច្ចយោ. (មូលំ កាតព្ពំ.) បុរិមា បុរិមា កិលេសា ច សម្បយុត្តកា ច ខន្ធា បច្ឆិមានំ បច្ឆិមានំ កិលេសានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ. (៣)

សមនន្តរបច្ចយេន បច្ចយោ, សហជាតបច្ចយេន បច្ចយោ, អញ្ញមញ្ញបច្ចយេន បច្ចយោ, និស្សយបច្ចយេន បច្ចយោ.

ឧបនិស្សយបច្ចយោ

២៣. កិលេសោ ធម្មោ កិលេសស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – កិលេសា កិលេសានំ ឧបនិស្សយបច្ចយេន បច្ចយោ… តីណិ.

២៤. នោកិលេសោ ធម្មោ នោកិលេសស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទានំ ទេតិ…បេ… មានំ ជប្បេតិ, ទិដ្ឋិំ គណ្ហាតិ; សីលំ…បេ… បញ្ញំ… រាគំ… ទោសំ… មោហំ… មានំ… ទិដ្ឋិំ… បត្ថនំ… កាយិកំ សុខំ…បេ… សេនាសនំ ឧបនិស្សាយ ទានំ ទេតិ…បេ… សង្ឃំ ភិន្ទតិ; សទ្ធា…បេ… សេនាសនំ សទ្ធាយ…បេ… ផលសមាបត្តិយា ឧបនិស្សយបច្ចយេន បច្ចយោ. (១)

នោកិលេសោ ធម្មោ កិលេសស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ មានំ ជប្បេតិ… ទិដ្ឋិំ គណ្ហាតិ; សីលំ…បេ… សេនាសនំ ឧបនិស្សាយ បាណំ ហនតិ…បេ… សង្ឃំ ភិន្ទតិ; សទ្ធា…បេ… សេនាសនំ កិលេសានំ ឧបនិស្សយបច្ចយេន បច្ចយោ. (២)

នោកិលេសោ ធម្មោ កិលេសស្ស ច នោកិលេសស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ មានំ ជប្បេតិ… ទិដ្ឋិំ គណ្ហាតិ; សីលំ…បេ… សេនាសនំ ឧបនិស្សាយ បាណំ ហនតិ…បេ… សង្ឃំ ភិន្ទតិ; សទ្ធា…បេ… សេនាសនំ កិលេសានំ សម្បយុត្តកានញ្ច ខន្ធានំ ឧបនិស្សយបច្ចយេន បច្ចយោ. (៣)

កិលេសោ ច នោកិលេសោ ច ធម្មា កិលេសស្ស ធម្មស្ស ឧបនិស្សយបច្ចយេន បច្ចយោ… តីណិ.

បុរេជាតបច្ចយោ

២៥. នោកិលេសោ ធម្មោ នោកិលេសស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ, ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ…. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ នោកិលេសានំ ខន្ធានំ បុរេជាតបច្ចយេន បច្ចយោ. (១)

នោកិលេសោ ធម្មោ កិលេសស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អស្សាទេតិ អភិនន្ទតិ, តំ អារព្ភ រាគោ…បេ… ទោមនស្សំ ឧប្បជ្ជតិ. វត្ថុបុរេជាតំ – វត្ថុ កិលេសានំ បុរេជាតបច្ចយេន បច្ចយោ. (២)

នោកិលេសោ ធម្មោ កិលេសស្ស ច នោកិលេសស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អស្សាទេតិ អភិនន្ទតិ, តំ អារព្ភ កិលេសា ច សម្បយុត្តកា ច ខន្ធា ឧប្បជ្ជន្តិ. វត្ថុបុរេជាតំ – វត្ថុ កិលេសានំ សម្បយុត្តកានញ្ច ខន្ធានំ បុរេជាតបច្ចយេន បច្ចយោ. (៣)

បច្ឆាជាតាសេវនបច្ចយា

២៦. កិលេសោ ធម្មោ នោកិលេសស្ស ធម្មស្ស បច្ឆាជាតបច្ចយេន បច្ចយោ (សំខិត្តំ). (១)

នោកិលេសោ ធម្មោ នោកិលេសស្ស ធម្មស្ស បច្ឆាជាតបច្ចយេន បច្ចយោ (សំខិត្តំ). (១)

កិលេសោ ច នោកិលេសោ ច ធម្មា នោកិលេសស្ស ធម្មស្ស បច្ឆាជាតបច្ចយេន បច្ចយោ (សំខិត្តំ) អាសេវនបច្ចយេន បច្ចយោ …នវ.

កម្មបច្ចយោ

២៧. នោកិលេសោ ធម្មោ នោកិលេសស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – នោកិលេសា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – នោកិលេសា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ. (១)

នោកិលេសោ ធម្មោ កិលេសស្ស ធម្មស្ស កម្មបច្ចយេន បច្ចយោ – នោកិលេសា ចេតនា កិលេសានំ កម្មបច្ចយេន បច្ចយោ. (២)

នោកិលេសោ ធម្មោ កិលេសស្ស ច នោកិលេសស្ស ច ធម្មស្ស កម្មបច្ចយេន បច្ចយោ – នោកិលេសា ចេតនា សម្បយុត្តកានំ ខន្ធានំ កិលេសានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (៣)

វិបាកបច្ចយាទិ

២៨. នោកិលេសោ ធម្មោ នោកិលេសស្ស ធម្មស្ស វិបាកបច្ចយេន បច្ចយោ… ឯកំ… អាហារបច្ចយេន បច្ចយោ… តីណិ… ឥន្ទ្រិយបច្ចយេន បច្ចយោ… តីណិ… ឈានបច្ចយេន បច្ចយោ… តីណិ… មគ្គបច្ចយេន បច្ចយោ… នវ… សម្បយុត្តបច្ចយេន បច្ចយោ… នវ.

វិប្បយុត្តបច្ចយោ

២៩. កិលេសោ ធម្មោ នោកិលេសស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ). (១)

នោកិលេសោ ធម្មោ នោកិលេសស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ). (១)

នោកិលេសោ ធម្មោ កិលេសស្ស ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ កិលេសានំ វិប្បយុត្តបច្ចយេន បច្ចយោ. (២)

នោកិលេសោ ធម្មោ កិលេសស្ស ច នោកិលេសស្ស ច ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ កិលេសានំ សម្បយុត្តកានញ្ច ខន្ធានំ វិប្បយុត្តបច្ចយេន បច្ចយោ. (៣)

កិលេសោ ច នោកិលេសោ ច ធម្មា នោកិលេសស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ. វិត្ថារេតព្ពំ.)

អត្ថិបច្ចយាទិ

៣០. កិលេសោ ធម្មោ កិលេសស្ស ធម្មស្ស អត្ថិបច្ចយេន បច្ចយោ… ឯកំ (បដិច្ចសទិសំ). (១)

កិលេសោ ធម្មោ នោកិលេសស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ (សំខិត្តំ). (២)

កិលេសោ ធម្មោ កិលេសស្ស ច នោកិលេសស្ស ច ធម្មស្ស អត្ថិបច្ចយេន បច្ចយោ (បដិច្ចសទិសំ). (៣)

នោកិលេសោ ធម្មោ នោកិលេសស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ). (១)

នោកិលេសោ ធម្មោ កិលេសស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (សំខិត្តំ. សហជាតំ សហជាតសទិសំ, បុរេជាតំ បុរេជាតសទិសំ.) (២)

នោកិលេសោ ធម្មោ កិលេសស្ស ច នោកិលេសស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (សហជាតំ សហជាតសទិសំ, បុរេជាតំ បុរេជាតសទិសំ.) (៣)

៣១. កិលេសោ ច នោកិលេសោ ច ធម្មា កិលេសស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – លោភោ ច សម្បយុត្តកា ច ខន្ធា មោហស្ស, ទិដ្ឋិយា, ថិនស្ស, ឧទ្ធច្ចស្ស, អហិរិកស្ស, អនោត្តប្បស្ស អត្ថិបច្ចយេន បច្ចយោ (ចក្កំ). សហជាតោ – លោភោ ច វត្ថុ ច មោហស្ស, ទិដ្ឋិយា, ថិនស្ស, ឧទ្ធច្ចស្ស, អហិរិកស្ស, អនោត្តប្បស្ស អត្ថិបច្ចយេន បច្ចយោ (ចក្កំ). (១)

កិលេសោ ច នោកិលេសោ ច ធម្មា នោកិលេសស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតោ – នោកិលេសោ ឯកោ ខន្ធោ ច កិលេសោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ… ទ្វេ ខន្ធា ច…បេ…. សហជាតា – កិលេសា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ. សហជាតា – កិលេសា ច វត្ថុ ច នោកិលេសានំ ខន្ធានំ អត្ថិបច្ចយេន បច្ចយោ. បច្ឆាជាតា – កិលេសា ច សម្បយុត្តកា ខន្ធា ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – កិលេសា ច សម្បយុត្តកា ច ខន្ធា កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – កិលេសា ច សម្បយុត្តកា ច ខន្ធា រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. (២)

កិលេសោ ច នោកិលេសោ ច ធម្មា កិលេសស្ស ច នោកិលេសស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – នោកិលេសោ ឯកោ ខន្ធោ ច លោភោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ មោហស្ស ច, ទិដ្ឋិយា, ថិនស្ស, ឧទ្ធច្ចស្ស, អហិរិកស្ស, អនោត្តប្បស្ស អត្ថិបច្ចយេន បច្ចយោ…បេ… ទ្វេ ខន្ធា ច…បេ…. សហជាតោ – លោភោ ច វត្ថុ ច មោហស្ស, ទិដ្ឋិយា, ថិនស្ស, ឧទ្ធច្ចស្ស, អហិរិកស្ស, អនោត្តប្បស្ស សម្បយុត្តកានញ្ច ខន្ធានំ អត្ថិបច្ចយេន បច្ចយោ (ចក្កំ). (៣)

នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ.

១. បច្ចយានុលោមំ

២. សង្ខ្យាវារោ

សុទ្ធំ

៣២. ហេតុយា ចត្តារិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ នវ, កម្មេ តីណិ, វិបាកេ ឯកំ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ នវ, សម្បយុត្តេ នវ, វិប្បយុត្តេ បញ្ច, អត្ថិយា នវ, នត្ថិយា នវ, វិគតេ នវ, អវិគតេ នវ.

បច្ចនីយុទ្ធារោ

៣៣. កិលេសោ ធម្មោ កិលេសស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

កិលេសោ ធម្មោ នោកិលេសស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. (២)

កិលេសោ ធម្មោ កិលេសស្ស ច នោកិលេសស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (៣)

៣៤. នោកិលេសោ ធម្មោ នោកិលេសស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ … បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)

នោកិលេសោ ធម្មោ កិលេសស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (២)