២-១. សហេតុកទុក-កុសលត្តិកំ
១. កុសលបទំ
១-៦. បដិច្ចវារាទិ
បច្ចយចតុក្កំ
ហេតុ-អារម្មណបច្ចយា
១. សហេតុកំ កុសលំ ធម្មំ បដិច្ច សហេតុកោ កុសលោ ធម្មោ ឧប្បជ្ជតិ ហេតុបច្ចយា. (១)
សហេតុកំ កុសលំ ធម្មំ បដិច្ច សហេតុកោ កុសលោ ធម្មោ ឧប្បជ្ជតិ អារម្មណបច្ចយា. (១) (សំខិត្តំ.)
២. ហេតុយា ឯកំ, អារម្មណេ ឯកំ, អធិបតិយា ឯកំ, អនន្តរេ ឯកំ, សមនន្តរេ ឯកំ, សហជាតេ ឯកំ, អញ្ញមញ្ញេ ឯកំ, និស្សយេ ឯកំ, ឧបនិស្សយេ ឯកំ, បុរេជាតេ ឯកំ, អាសេវនេ ឯកំ, កម្មេ ឯកំ, អាហារេ ឯកំ…បេ… អវិគតេ ឯកំ (សំខិត្តំ).
បច្ចនីយំ
នអធិបតិបច្ចយោ
៣. សហេតុកំ កុសលំ ធម្មំ បដិច្ច សហេតុកោ កុសលោ ធម្មោ ឧប្បជ្ជតិ នអធិបតិបច្ចយា (សំខិត្តំ).
៤. នអធិបតិយា ឯកំ, នបុរេជាតេ ឯកំ, នបច្ឆាជាតេ ឯកំ, នអាសេវនេ ឯកំ, នកម្មេ ឯកំ, នវិបាកេ ឯកំ, នវិប្បយុត្តេ ឯកំ (សំខិត្តំ).
ហេតុបច្ចយា នអធិបតិយា ឯកំ (សំខិត្តំ).
នអធិបតិបច្ចយា ហេតុយា ឯកំ (សំខិត្តំ).
(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)
៧. បញ្ហាវារោ
បច្ចយចតុក្កំ
ហេតុ-អារម្មណបច្ចយា
៥. សហេតុកោ កុសលោ ធម្មោ សហេតុកស្ស កុសលស្ស ធម្មស្ស ហេតុបច្ចយេន បច្ចយោ. (១)
សហេតុកោ កុសលោ ធម្មោ សហេតុកស្ស កុសលស្ស ធម្មស្ស អារម្មណបច្ចយេន បច្ចយោ. (១) (សំខិត្តំ.)
៦. ហេតុយា ឯកំ, អារម្មណេ ឯកំ, អធិបតិយា ឯកំ, អនន្តរេ ឯកំ, សមនន្តរេ ឯកំ, សហជាតេ ឯកំ, អញ្ញមញ្ញេ ឯកំ, និស្សយេ ឯកំ, ឧបនិស្សយេ ឯកំ, អាសេវនេ ឯកំ, កម្មេ ឯកំ, អាហារេ ឯកំ, ឥន្ទ្រិយេ ឯកំ, ឈានេ ឯកំ, មគ្គេ ឯកំ, សម្បយុត្តេ ឯកំ, អត្ថិយា ឯកំ, នត្ថិយា ឯកំ, វិគតេ ឯកំ, អវិគតេ ឯកំ (សំខិត្តំ).
បច្ចនីយុទ្ធារោ
៧. សហេតុកោ កុសលោ ធម្មោ សហេតុកស្ស កុសលស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ.
៨. នហេតុយា ឯកំ, នអារម្មណេ ឯកំ (សំខិត្តំ).
ហេតុបច្ចយា នអារម្មណេ ឯកំ (សំខិត្តំ).
នហេតុបច្ចយា អារម្មណេ ឯកំ (សំខិត្តំ).
(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)
២. អកុសលបទំ
១-៦. បដិច្ចវារាទិ
បច្ចយចតុក្កំ
ហេតុ-អារម្មណបច្ចយាទិ
៩. សហេតុកំ អកុសលំ ធម្មំ បដិច្ច សហេតុកោ អកុសលោ ធម្មោ ឧប្បជ្ជតិ ហេតុបច្ចយា. (១)
អហេតុកំ អកុសលំ ធម្មំ បដិច្ច សហេតុកោ អកុសលោ ធម្មោ ឧប្បជ្ជតិ ហេតុបច្ចយា. (១)
សហេតុកំ អកុសលញ្ច អហេតុកំ អកុសលញ្ច ធម្មំ បដិច្ច សហេតុកោ អកុសលោ ធម្មោ ឧប្បជ្ជតិ ហេតុបច្ចយា. (១)
សហេតុកំ អកុសលំ ធម្មំ បដិច្ច សហេតុកោ អកុសលោ ធម្មោ ឧប្បជ្ជតិ អារម្មណបច្ចយា. សហេតុកំ អកុសលំ ធម្មំ បដិច្ច អហេតុកោ អកុសលោ ធម្មោ ឧប្បជ្ជតិ អារម្មណបច្ចយា. សហេតុកំ អកុសលំ ធម្មំ បដិច្ច សហេតុកោ អកុសលោ ច អហេតុកោ អកុសលោ ច ធម្មា ឧប្បជ្ជន្តិ អារម្មណបច្ចយា. (៣)
អហេតុកំ អកុសលំ ធម្មំ បដិច្ច សហេតុកោ អកុសលោ ធម្មោ ឧប្បជ្ជតិ អារម្មណបច្ចយា. (១)
សហេតុកំ អកុសលញ្ច អហេតុកំ អកុសលញ្ច ធម្មំ បដិច្ច សហេតុកោ អកុសលោ ធម្មោ ឧប្បជ្ជតិ អារម្មណបច្ចយា. (១)
សហេតុកំ អកុសលំ ធម្មំ បដិច្ច សហេតុកោ អកុសលោ ធម្មោ ឧប្បជ្ជតិ អធិបតិបច្ចយា (សំខិត្តំ).
១០. ហេតុយា តីណិ, អារម្មណេ បញ្ច, អធិបតិយា ឯកំ, អនន្តរេ បញ្ច, សមនន្តរេ បញ្ច, សហជាតេ បញ្ច, អញ្ញមញ្ញេ បញ្ច, និស្សយេ បញ្ច, ឧបនិស្សយេ បញ្ច, បុរេជាតេ បញ្ច, អាសេវនេ បញ្ច, កម្មេ បញ្ច, អាហារេ បញ្ច, ឥន្ទ្រិយេ បញ្ច, ឈានេ បញ្ច, មគ្គេ បញ្ច, សម្បយុត្តេ បញ្ច, វិប្បយុត្តេ បញ្ច, អត្ថិយា បញ្ច, នត្ថិយា បញ្ច, វិគតេ បញ្ច, អវិគតេ បញ្ច (សំខិត្តំ).
នហេតុ-នអធិបតិបច្ចយា
១១. សហេតុកំ អកុសលំ ធម្មំ បដិច្ច អហេតុកោ អកុសលោ ធម្មោ ឧប្បជ្ជតិ នហេតុបច្ចយា. (១)
សហេតុកំ អកុសលំ ធម្មំ បដិច្ច សហេតុកោ អកុសលោ ធម្មោ ឧប្បជ្ជតិ នអធិបតិបច្ចយា (សំខិត្តំ).
១២. នហេតុយា ឯកំ, នអធិបតិយា បញ្ច, នបុរេជាតេ បញ្ច, នបច្ឆាជាតេ បញ្ច, នអាសេវនេ បញ្ច, នកម្មេ តីណិ, នវិបាកេ បញ្ច, នវិប្បយុត្តេ បញ្ច (សំខិត្តំ).
ហេតុបច្ចយា នអធិបតិយា តីណិ (សំខិត្តំ).
នហេតុបច្ចយា អារម្មណេ ឯកំ (សំខិត្តំ).
(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)
៧. បញ្ហាវារោ
បច្ចយចតុក្កំ
ហេតុ-អារម្មណបច្ចយាទិ
១៣. សហេតុកោ អកុសលោ ធម្មោ សហេតុកស្ស អកុសលស្ស ធម្មស្ស ហេតុបច្ចយេន បច្ចយោ… ទ្វេ.
សហេតុកោ អកុសលោ ធម្មោ សហេតុកស្ស អកុសលស្ស ធម្មស្ស អារម្មណបច្ចយេន បច្ចយោ… តីណិ.
អហេតុកោ អកុសលោ ធម្មោ អហេតុកស្ស អកុសលស្ស ធម្មស្ស អារម្មណបច្ចយេន បច្ចយោ… តីណិ.
សហេតុកោ អកុសលោ ច អហេតុកោ អកុសលោ ច ធម្មា សហេតុកស្ស អកុសលស្ស ធម្មស្ស អារម្មណបច្ចយេន បច្ចយោ… តីណិ.
សហេតុកោ អកុសលោ ធម្មោ សហេតុកស្ស អកុសលស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ (សំខិត្តំ).
១៤. ហេតុយា ទ្វេ, អារម្មណេ នវ, អធិបតិយា ឯកំ, អនន្តរេ នវ, សមនន្តរេ នវ, សហជាតេ បញ្ច, អញ្ញមញ្ញេ បញ្ច, និស្សយេ បញ្ច, ឧបនិស្សយេ នវ, អាសេវនេ នវ, កម្មេ តីណិ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ តីណិ, សម្បយុត្តេ បញ្ច, អត្ថិយា បញ្ច, នត្ថិយា នវ, វិគតេ នវ, អវិគតេ បញ្ច (សំខិត្តំ).
បច្ចនីយុទ្ធារោ
១៥. សហេតុកោ អកុសលោ ធម្មោ សហេតុកស្ស អកុសលស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ (សំខិត្តំ).
១៦. នហេតុយា នវ, នអារម្មណេ នវ (សំខិត្តំ).
ហេតុបច្ចយា នអារម្មណេ ទ្វេ (សំខិត្តំ).
នហេតុបច្ចយា អារម្មណេ នវ (សំខិត្តំ).
(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)
៣. អព្យាកតបទំ
១-៦. បដិច្ចវារាទិ
បច្ចយចតុក្កំ
ហេតុបច្ចយោ
១៧. សហេតុកំ អព្យាកតំ ធម្មំ បដិច្ច សហេតុកោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.
អហេតុកំ អព្យាកតំ ធម្មំ បដិច្ច អហេតុកោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.
សហេតុកំ អព្យាកតញ្ច អហេតុកំ អព្យាកតញ្ច ធម្មំ បដិច្ច សហេតុកោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.
១៨. ហេតុយា នវ, អារម្មណេ ចត្តារិ, អធិបតិយា បញ្ច, អនន្តរេ ចត្តារិ, សមនន្តរេ ចត្តារិ, សហជាតេ នវ, អញ្ញមញ្ញេ ឆ…បេ… បុរេជាតេ ទ្វេ, អាសេវនេ ទ្វេ, កម្មេ នវ, វិបាកេ នវ…បេ… វិប្បយុត្តេ នវ…បេ… អវិគតេ នវ (សំខិត្តំ).
នហេតុ-នអារម្មណបច្ចយា
១៩. អហេតុកំ អព្យាកតំ ធម្មំ បដិច្ច អហេតុកោ អព្យាកតោ ធម្មោ ឧប្បជ្ជតិ នហេតុបច្ចយា. (១)
សហេតុកំ អព្យាកតំ ធម្មំ បដិច្ច អហេតុកោ អព្យាកតោ ធម្មោ ឧប្បជ្ជតិ នអារម្មណបច្ចយា. (១)
អហេតុកំ អព្យាកតំ ធម្មំ បដិច្ច អហេតុកោ អព្យាកតោ ធម្មោ ឧប្បជ្ជតិ នអារម្មណបច្ចយា. (១)
សហេតុកំ អព្យាកតញ្ច អហេតុកំ អព្យាកតញ្ច ធម្មំ បដិច្ច អហេតុកោ អព្យាកតោ ធម្មោ ឧប្បជ្ជតិ នអារម្មណបច្ចយា. (១)
សហេតុកំ អព្យាកតំ ធម្មំ បដិច្ច សហេតុកោ អព្យាកតោ ធម្មោ ឧប្បជ្ជតិ នអធិបតិបច្ចយា (សំខិត្តំ).
២០. នហេតុយា ឯកំ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ ទ្វេ, នវិបាកេ បញ្ច, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ទ្វេ, នោនត្ថិយា តីណិ, នោវិគតេ តីណិ (សំខិត្តំ).
ហេតុបច្ចយា នអារម្មណេ តីណិ (សំខិត្តំ).
នហេតុបច្ចយា អារម្មណេ ឯកំ (សំខិត្តំ).
(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)
៧. បញ្ហាវារោ
បច្ចយចតុក្កំ
ហេតុ-អារម្មណបច្ចយា
២១. សហេតុកោ អព្យាកតោ ធម្មោ សហេតុកស្ស អព្យាកតស្ស ធម្មស្ស ហេតុបច្ចយេន បច្ចយោ… តីណិ.
សហេតុកោ អព្យាកតោ ធម្មោ សហេតុកស្ស អព្យាកតស្ស ធម្មស្ស អារម្មណបច្ចយេន បច្ចយោ (សំខិត្តំ).
២២. ហេតុយា តីណិ, អារម្មណេ ចត្តារិ, អធិបតិយា ចត្តារិ, អនន្តរេ ចត្តារិ, សមនន្តរេ ចត្តារិ, សហជាតេ សត្ត, អញ្ញមញ្ញេ ឆ, និស្សយេ សត្ត, ឧបនិស្សយេ ចត្តារិ, បុរេជាតេ ទ្វេ, បច្ឆាជាតេ ទ្វេ, អាសេវនេ ទ្វេ, កម្មេ ចត្តារិ, វិបាកេ ចត្តារិ, អាហារេ ចត្តារិ, ឥន្ទ្រិយេ ចត្តារិ, ឈានេ ចត្តារិ, មគ្គេ តីណិ, សម្បយុត្តេ ទ្វេ, វិប្បយុត្តេ តីណិ, អត្ថិយា សត្ត…បេ… អវិគតេ សត្ត (សំខិត្តំ).
បច្ចនីយុទ្ធារោ
២៣. សហេតុកោ អព្យាកតោ ធម្មោ សហេតុកស្ស អព្យាកតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ (សំខិត្តំ).
២៤. នហេតុយា សត្ត, នអារម្មណេ សត្ត (សំខិត្តំ).
ហេតុបច្ចយា នអារម្មណេ តីណិ (សំខិត្តំ).
នហេតុបច្ចយា អារម្មណេ ចត្តារិ (សំខិត្តំ).
(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)
សហេតុកទុកកុសលត្តិកំ និដ្ឋិតំ.
៣-១. ហេតុសម្បយុត្តទុក-កុសលត្តិកំ
១. កុសលបទំ
១-៦. បដិច្ចវារាទិ
បច្ចយចតុក្កំ
ហេតុបច្ចយោ
២៥. ហេតុសម្បយុត្តំ កុសលំ ធម្មំ បដិច្ច ហេតុសម្បយុត្តោ កុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)
២៦. ហេតុយា ឯកំ, អារម្មណេ ឯកំ, អធិបតិយា ឯកំ…បេ… អវិគតេ ឯកំ (សំខិត្តំ).
បច្ចនីយំ
២៧. នអធិបតិយា ឯកំ, នបុរេជាតេ ឯកំ, នបច្ឆាជាតេ ឯកំ, នអាសេវនេ ឯកំ, នកម្មេ ឯកំ, នវិបាកេ ឯកំ, នវិប្បយុត្តេ ឯកំ (សំខិត្តំ).
ហេតុបច្ចយា នអធិបតិយា ឯកំ (សំខិត្តំ).
នអធិបតិបច្ចយា ហេតុយា ឯកំ (សំខិត្តំ).
(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)
៧. បញ្ហាវារោ
បច្ចយចតុក្កំ
ហេតុបច្ចយោ
២៨. ហេតុសម្បយុត្តោ កុសលោ ធម្មោ ហេតុសម្បយុត្តស្ស កុសលស្ស ធម្មស្ស ហេតុបច្ចយេន បច្ចយោ (សំខិត្តំ).
ហេតុយា ឯកំ, អារម្មណេ ឯកំ, អធិបតិយា ឯកំ, អនន្តរេ ឯកំ, សមនន្តរេ ឯកំ…បេ… កម្មេ ឯកំ…បេ… អវិគតេ ឯកំ (សំខិត្តំ).
បច្ចនីយុទ្ធារោ
២៩. ហេតុសម្បយុត្តោ កុសលោ ធម្មោ ហេតុសម្បយុត្តស្ស កុសលស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ.
៣០. នហេតុយា ឯកំ, នអារម្មណេ ឯកំ (សំខិត្តំ).
ហេតុបច្ចយា នអារម្មណេ ឯកំ (សំខិត្តំ).
នហេតុបច្ចយា អារម្មណេ ឯកំ (សំខិត្តំ).
(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)
២. អកុសលបទំ
១-៦. បដិច្ចវារាទិ
បច្ចយចតុក្កំ
ហេតុ-អារម្មណបច្ចយា
៣១. ហេតុសម្បយុត្តំ អកុសលំ ធម្មំ បដិច្ច ហេតុសម្បយុត្តោ អកុសលោ ធម្មោ ឧប្បជ្ជតិ ហេតុបច្ចយា. (១)
ហេតុវិប្បយុត្តំ អកុសលំ ធម្មំ បដិច្ច ហេតុសម្បយុត្តោ អកុសលោ ធម្មោ ឧប្បជ្ជតិ ហេតុបច្ចយា. (១)
ហេតុសម្បយុត្តំ អកុសលញ្ច ហេតុវិប្បយុត្តំ អកុសលញ្ច ធម្មំ បដិច្ច ហេតុសម្បយុត្តោ អកុសលោ ធម្មោ ឧប្បជ្ជតិ ហេតុបច្ចយា. (១)
ហេតុសម្បយុត្តំ អកុសលំ ធម្មំ បដិច្ច ហេតុសម្បយុត្តោ អកុសលោ ធម្មោ ឧប្បជ្ជតិ អារម្មណបច្ចយា… តីណិ. (៣)
ហេតុវិប្បយុត្តំ អកុសលំ ធម្មំ បដិច្ច ហេតុសម្បយុត្តោ អកុសលោ ធម្មោ ឧប្បជ្ជតិ អារម្មណបច្ចយា. (១)
ហេតុសម្បយុត្តំ អកុសលញ្ច ហេតុវិប្បយុត្តំ អកុសលញ្ច ធម្មំ បដិច្ច ហេតុសម្បយុត្តោ អកុសលោ ធម្មោ ឧប្បជ្ជតិ អារម្មណបច្ចយា. (១)
ហេតុសម្បយុត្តំ អកុសលំ ធម្មំ បដិច្ច ហេតុសម្បយុត្តោ អកុសលោ ធម្មោ ឧប្បជ្ជតិ អធិបតិបច្ចយា (សំខិត្តំ).
៣២. ហេតុយា តីណិ, អារម្មណេ បញ្ច, អធិបតិយា ឯកំ, អនន្តរេ បញ្ច, សមនន្តរេ បញ្ច, សហជាតេ បញ្ច, អញ្ញមញ្ញេ បញ្ច, និស្សយេ បញ្ច, ឧបនិស្សយេ បញ្ច, បុរេជាតេ បញ្ច, អាសេវនេ បញ្ច, កម្មេ បញ្ច, អាហារេ បញ្ច, ឥន្ទ្រិយេ បញ្ច, ឈានេ បញ្ច, មគ្គេ បញ្ច, សម្បយុត្តេ បញ្ច, វិប្បយុត្តេ បញ្ច, អត្ថិយា បញ្ច…បេ… អវិគតេ បញ្ច (សំខិត្តំ).
នហេតុ-នអធិបតិបច្ចយា
៣៣. ហេតុសម្បយុត្តំ អកុសលំ ធម្មំ បដិច្ច ហេតុវិប្បយុត្តោ អកុសលោ ធម្មោ ឧប្បជ្ជតិ នហេតុបច្ចយា. (១)
ហេតុសម្បយុត្តំ អកុសលំ ធម្មំ បដិច្ច ហេតុសម្បយុត្តោ អកុសលោ ធម្មោ ឧប្បជ្ជតិ នអធិបតិបច្ចយា (សំខិត្តំ).
៣៤. នហេតុយា ឯកំ, នអធិបតិយា បញ្ច, នបុរេជាតេ បញ្ច, នបច្ឆាជាតេ បញ្ច, នអាសេវនេ បញ្ច, នកម្មេ តីណិ, នវិបាកេ បញ្ច, នវិប្បយុត្តេ បញ្ច (សំខិត្តំ).
ហេតុបច្ចយា នអធិបតិយា តីណិ (សំខិត្តំ).
នហេតុបច្ចយា អារម្មណេ ឯកំ (សំខិត្តំ).
(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)
៧. បញ្ហាវារោ
បច្ចយចតុក្កំ
ហេតុ-អារម្មណបច្ចយា
៣៥. ហេតុសម្បយុត្តោ អកុសលោ ធម្មោ ហេតុសម្បយុត្តស្ស អកុសលស្ស ធម្មស្ស ហេតុបច្ចយេន បច្ចយោ… ទ្វេ.
ហេតុសម្បយុត្តោ អកុសលោ ធម្មោ ហេតុសម្បយុត្តស្ស អកុសលស្ស ធម្មស្ស អារម្មណបច្ចយេន បច្ចយោ… តីណិ.
ហេតុវិប្បយុត្តោ អកុសលោ ធម្មោ ហេតុវិប្បយុត្តស្ស អកុសលស្ស ធម្មស្ស អារម្មណបច្ចយេន បច្ចយោ… តីណិ.
ហេតុសម្បយុត្តោ អកុសលោ ច ហេតុវិប្បយុត្តោ អកុសលោ ច ធម្មា ហេតុសម្បយុត្តស្ស អកុសលស្ស ធម្មស្ស អារម្មណបច្ចយេន បច្ចយោ… តីណិ (សំខិត្តំ).
៣៦. ហេតុយា ទ្វេ, អារម្មណេ នវ, អធិបតិយា ឯកំ, អនន្តរេ នវ, សមនន្តរេ នវ, សហជាតេ បញ្ច, អញ្ញមញ្ញេ បញ្ច, និស្សយេ បញ្ច, ឧបនិស្សយេ នវ, អាសេវនេ នវ, កម្មេ តីណិ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ តីណិ, សម្បយុត្តេ បញ្ច, អត្ថិយា បញ្ច…បេ… អវិគតេ បញ្ច (សំខិត្តំ).
បច្ចនីយុទ្ធារោ
៣៧. ហេតុសម្បយុត្តោ អកុសលោ ធម្មោ ហេតុសម្បយុត្តស្ស អកុសលស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ (សំខិត្តំ).
៣៨. នហេតុយា នវ, នអារម្មណេ នវ (សំខិត្តំ).
ហេតុបច្ចយា នអារម្មណេ ទ្វេ (សំខិត្តំ).
នហេតុបច្ចយា អារម្មណេ នវ (សំខិត្តំ).
(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)