១-៦. បដិច្ចវារាទិ

បច្ចយចតុក្កំ

ហេតុបច្ចយោ

១០៨. ហេតុំ វិបាកំ ធម្មំ បដិច្ច ហេតុ វិបាកោ ធម្មោ ឧប្បជ្ជតិ ហេតុបច្ចយា. ហេតុំ វិបាកំ ធម្មំ បដិច្ច នហេតុ វិបាកោ ធម្មោ ឧប្បជ្ជតិ ហេតុបច្ចយា. ហេតុំ វិបាកំ ធម្មំ បដិច្ច ហេតុ វិបាកោ ច នហេតុ វិបាកោ ច ធម្មា ឧប្បជ្ជន្តិ ហេតុបច្ចយា. (៣)

នហេតុំ វិបាកំ ធម្មំ បដិច្ច នហេតុ វិបាកោ ធម្មោ ឧប្បជ្ជតិ ហេតុបច្ចយា… តីណិ.

ហេតុំ វិបាកញ្ច នហេតុំ វិបាកញ្ច ធម្មំ បដិច្ច ហេតុ វិបាកោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

១០៩. ហេតុយា នវ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, បុរេជាតេ នវ, កម្មេ នវ, វិបាកេ នវ, អាហារេ នវ, ឥន្ទ្រិយេ នវ, ឈានេ នវ, មគ្គេ នវ, សម្បយុត្តេ នវ, វិប្បយុត្តេ នវ អត្ថិយា នវ, នត្ថិយា នវ, វិគតេ នវ, អវិគតេ នវ. (អនុលោមំ).

នហេតុ-នអធិបតិបច្ចយា

១១០. នហេតុំ វិបាកំ ធម្មំ បដិច្ច នហេតុ វិបាកោ ធម្មោ ឧប្បជ្ជតិ នហេតុបច្ចយា. (១)

១១១. ហេតុំ វិបាកំ ធម្មំ បដិច្ច ហេតុ វិបាកោ ធម្មោ ឧប្បជ្ជតិ នអធិបតិបច្ចយា (សំខិត្តំ).

១១២. នហេតុយា ឯកំ, នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នឈានេ ឯកំ, នមគ្គេ ឯកំ, នវិប្បយុត្តេ នវ (សំខិត្តំ, បច្ចនីយំ).

ហេតុបច្ចយា នអធិបតិយា នវ (សំខិត្តំ, អនុលោមបច្ចនីយំ).

នហេតុបច្ចយា អារម្មណេ ឯកំ (សំខិត្តំ, បច្ចនីយានុលោមំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)