៧. បញ្ហាវារោ

បច្ចយចតុក្កំ

ហេតុបច្ចយាទិ

១១៣. ហេតុ វិបាកោ ធម្មោ ហេតុស្ស វិបាកស្ស ធម្មស្ស ហេតុបច្ចយេន បច្ចយោ… តីណិ.

១១៤. ហេតុ វិបាកោ ធម្មោ ហេតុស្ស វិបាកស្ស ធម្មស្ស អារម្មណបច្ចយេន បច្ចយោ… តីណិ.

នហេតុ វិបាកោ ធម្មោ នហេតុស្ស វិបាកស្ស ធម្មស្ស អារម្មណបច្ចយេន បច្ចយោ… តីណិ.

ហេតុ វិបាកោ ច នហេតុ វិបាកោ ច ធម្មា ហេតុស្ស វិបាកស្ស ធម្មស្ស អារម្មណបច្ចយេន បច្ចយោ… តីណិ (តទារម្មណាយេវ លព្ភន្តិ).

១១៥. ហេតុ វិបាកោ ធម្មោ ហេតុស្ស វិបាកស្ស ធម្មស្ស អធិបតិបច្ចយេន បច្ចយោ… តីណិ (សហជាតាធិបតិយេវ លព្ភតិ, អារម្មណាធិបតិ នត្ថិ)…បេ….

ឧបនិស្សយបច្ចយាទិ

១១៦. ហេតុ វិបាកោ ធម្មោ ហេតុស្ស វិបាកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ. ហេតុ វិបាកោ ធម្មោ នហេតុស្ស វិបាកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ. ហេតុ វិបាកោ ធម្មោ ហេតុស្ស វិបាកស្ស ច នហេតុស្ស វិបាកស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ. (៣)

នហេតុ វិបាកោ ធម្មោ នហេតុស្ស វិបាកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ… (ឥតរេ ទ្វេ អនន្តរូបនិស្សយោ បកតូបនិស្សយោយេវ).

១១៧. នហេតុ វិបាកោ ធម្មោ នហេតុស្ស វិបាកស្ស ធម្មស្ស កម្មបច្ចយេន បច្ចយោ… តីណិ (សហជាតកម្មមេវ, សំខិត្តំ).

ហេតុ វិបាកោ ធម្មោ ហេតុស្ស វិបាកស្ស ធម្មស្ស វិបាកបច្ចយេន បច្ចយោ… នវ.

នហេតុ វិបាកោ ធម្មោ នហេតុស្ស វិបាកស្ស ធម្មស្ស អាហារបច្ចយេន បច្ចយោ (សំខិត្តំ).

១១៨. ហេតុយា តីណិ, អារម្មណេ នវ, អធិបតិយា ឆ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, កម្មេ តីណិ, វិបាកេ នវ, អាហារេ តីណិ, ឥន្ទ្រិយេ នវ, ឈានេ តីណិ, មគ្គេ នវ, សម្បយុត្តេ នវ, អត្ថិយា នវ, នត្ថិយា នវ, វិគតេ នវ, អវិគតេ នវ (អនុលោមំ).

បច្ចនីយុទ្ធារោ

១១៩. ហេតុ វិបាកោ ធម្មោ ហេតុស្ស វិបាកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ (សំខិត្តំ).

១២០. នហេតុយា នវ, នអារម្មណេ នវ (សំខិត្តំ, បច្ចនីយំ).

ហេតុបច្ចយា នអារម្មណេ តីណិ (សំខិត្តំ, អនុលោមបច្ចនីយំ).

នហេតុបច្ចយា អារម្មណេ នវ (សំខិត្តំ, បច្ចនីយានុលោមំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)