១-៦. បដិច្ចវារាទិ

បច្ចយចតុក្កំ

ហេតុបច្ចយោ

៥០១. ហេតុំ បច្ចុប្បន្នារម្មណំ ធម្មំ បដិច្ច ហេតុ បច្ចុប្បន្នារម្មណោ ធម្មោ ឧប្បជ្ជតិ ហេតុបច្ចយា… តីណិ.

នហេតុំ បច្ចុប្បន្នារម្មណំ ធម្មំ បដិច្ច នហេតុ បច្ចុប្បន្នារម្មណោ ធម្មោ ឧប្បជ្ជតិ ហេតុបច្ចយា… តីណិ.

ហេតុំ បច្ចុប្បន្នារម្មណញ្ច នហេតុំ បច្ចុប្បន្នារម្មណញ្ច ធម្មំ បដិច្ច ហេតុ បច្ចុប្បន្នារម្មណោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

៥០២. ហេតុយា នវ, អារម្មណេ នវ, អធិបតិយា នវ…បេ… កម្មេ នវ…បេ… អវិគតេ នវ (សំខិត្តំ).

នហេតុ-នអធិបតិបច្ចយា

៥០៣. នហេតុំ បច្ចុប្បន្នារម្មណំ ធម្មំ បដិច្ច នហេតុ បច្ចុប្បន្នារម្មណោ ធម្មោ ឧប្បជ្ជតិ នហេតុបច្ចយា. នហេតុំ បច្ចុប្បន្នារម្មណំ ធម្មំ បដិច្ច ហេតុ បច្ចុប្បន្នារម្មណោ ធម្មោ ឧប្បជ្ជតិ នហេតុបច្ចយា. (២)

ហេតុំ បច្ចុប្បន្នារម្មណំ ធម្មំ បដិច្ច ហេតុ បច្ចុប្បន្នារម្មណោ ធម្មោ ឧប្បជ្ជតិ នអធិបតិបច្ចយា (សំខិត្តំ).

៥០៤. នហេតុយា ទ្វេ, នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នឈានេ ឯកំ, នមគ្គេ ឯកំ, នវិប្បយុត្តេ នវ (សំខិត្តំ).

ហេតុបច្ចយា នអធិបតិយា នវ (សំខិត្តំ).

នហេតុបច្ចយា អារម្មណេ ទ្វេ (សំខិត្តំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)