៧. បញ្ហាវារោ

បច្ចយចតុក្កំ

ហេតុបច្ចយាទិ

៥០៥. ហេតុ បច្ចុប្បន្នារម្មណោ ធម្មោ ហេតុស្ស បច្ចុប្បន្នារម្មណស្ស ធម្មស្ស ហេតុបច្ចយេន បច្ចយោ… តីណិ.

ហេតុ បច្ចុប្បន្នារម្មណោ ធម្មោ ហេតុស្ស បច្ចុប្បន្នារម្មណស្ស ធម្មស្ស អារម្មណបច្ចយេន បច្ចយោ… នវ.

ហេតុ បច្ចុប្បន្នារម្មណោ ធម្មោ ហេតុស្ស បច្ចុប្បន្នារម្មណស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ… តីណិ.

នហេតុ បច្ចុប្បន្នារម្មណោ ធម្មោ នហេតុស្ស បច្ចុប្បន្នារម្មណស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ… តីណិ.

ហេតុ បច្ចុប្បន្នារម្មណោ ច នហេតុ បច្ចុប្បន្នារម្មណោ ច ធម្មា ហេតុស្ស បច្ចុប្បន្នារម្មណស្ស ធម្មស្ស អធិបតិបច្ចយេន បច្ចយោ – អារម្មណាធិបតិ… តីណិ (សំខិត្តំ).

៥០៦. ហេតុយា តីណិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, អាសេវនេ នវ, កម្មេ តីណិ, វិបាកេ នវ, អាហារេ តីណិ, ឥន្ទ្រិយេ នវ…បេ… អវិគតេ នវ (សំខិត្តំ).

បច្ចនីយុទ្ធារោ

៥០៧. ហេតុ បច្ចុប្បន្នារម្មណោ ធម្មោ ហេតុស្ស បច្ចុប្បន្នារម្មណស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ (សំខិត្តំ).

៥០៨. នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)

ហេតុទុកអតីតារម្មណត្តិកំ និដ្ឋិតំ.