១. វិភង្គវារោ

១១៦. សញ្ញោជនវិប្បយុត្តំ សញ្ញោជនិយំ ធម្មំ បដិច្ច សញ្ញោជនវិប្បយុត្តោ សញ្ញោជនិយោ ធម្មោ ឧប្បជ្ជតិ ហេតុបច្ចយា – សញ្ញោជនវិប្បយុត្តំ សញ្ញោជនិយំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… (យាវ អសញ្ញសត្តា, មហាភូតា).

សញ្ញោជនវិប្បយុត្តំ អសញ្ញោជនិយំ ធម្មំ បដិច្ច សញ្ញោជនវិប្បយុត្តោ អសញ្ញោជនិយោ ធម្មោ ឧប្បជ្ជតិ ហេតុបច្ចយា – សញ្ញោជនវិប្បយុត្តំ អសញ្ញោជនិយំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ….

សញ្ញោជនវិប្បយុត្តំ អសញ្ញោជនិយំ ធម្មំ…បេ… (ទ្វេ បញ្ហា កាតព្ពា).

(ឥមំ ទុកំ ចូឡន្តរទុកេ លោកិយទុកសទិសំ និន្នានាករណំ.)

សញ្ញោជនវិប្បយុត្តសញ្ញោជនិយទុកំ និដ្ឋិតំ.

សញ្ញោជនគោច្ឆកំ និដ្ឋិតំ.