៥. គន្ថគោច្ឆកំ

២៦. គន្ថទុកំ

១. បដិច្ចវារោ

១. បច្ចយានុលោមំ

១. វិភង្គវារោ

ហេតុបច្ចយោ

១. គន្ថំ ធម្មំ បដិច្ច គន្ថោ ធម្មោ ឧប្បជ្ជតិ ហេតុបច្ចយា – សីលព្ពតបរាមាសំ កាយគន្ថំ បដិច្ច អភិជ្ឈាកាយគន្ថោ, អភិជ្ឈាកាយគន្ថំ បដិច្ច សីលព្ពតបរាមាសោ កាយគន្ថោ, ឥទំសច្ចាភិនិវេសំ កាយគន្ថំ បដិច្ច អភិជ្ឈាកាយគន្ថោ, អភិជ្ឈាកាយគន្ថំ បដិច្ច ឥទំសច្ចាភិនិវេសោ កាយគន្ថោ. (១)

គន្ថំ ធម្មំ បដិច្ច នោគន្ថោ ធម្មោ ឧប្បជ្ជតិ ហេតុបច្ចយា – គន្ថេ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ. (២)

គន្ថំ ធម្មំ បដិច្ច គន្ថោ ច នោគន្ថោ ច ធម្មា ឧប្បជ្ជន្តិ ហេតុបច្ចយា – សីលព្ពតបរាមាសំ កាយគន្ថំ បដិច្ច អភិជ្ឈាកាយគន្ថោ សម្បយុត្តកា ច ខន្ធា ចិត្តសមុដ្ឋានញ្ច រូបំ (ចក្កំ). (៣)

២. នោគន្ថំ ធម្មំ បដិច្ច នោគន្ថោ ធម្មោ ឧប្បជ្ជតិ ហេតុបច្ចយា – នោគន្ថំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ…. (១)

នោគន្ថំ ធម្មំ បដិច្ច គន្ថោ ធម្មោ ឧប្បជ្ជតិ ហេតុបច្ចយា – នោគន្ថេ ខន្ធេ បដិច្ច គន្ថា. (២)

នោគន្ថំ ធម្មំ បដិច្ច គន្ថោ ច នោគន្ថោ ច ធម្មា ឧប្បជ្ជន្តិ ហេតុបច្ចយា – នោគន្ថំ ឯកំ ខន្ធំ បដិច្ច តយោ ខន្ធា គន្ថា ច ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

៣. គន្ថញ្ច នោគន្ថញ្ច ធម្មំ បដិច្ច គន្ថោ ធម្មោ ឧប្បជ្ជតិ ហេតុបច្ចយា – សីលព្ពតបរាមាសំ កាយគន្ថញ្ច សម្បយុត្តកេ ច ខន្ធេ បដិច្ច អភិជ្ឈាកាយគន្ថោ (ចក្កំ). (១)

គន្ថញ្ច នោគន្ថញ្ច ធម្មំ បដិច្ច នោគន្ថោ ធម្មោ ឧប្បជ្ជតិ ហេតុបច្ចយា – នោគន្ថំ ឯកំ ខន្ធញ្ច គន្ថេ ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ ច…បេ… គន្ថេ ច សម្បយុត្តកេ ខន្ធេ ច បដិច្ច ចិត្តសមុដ្ឋានំ រូបំ. (២)

គន្ថញ្ច នោគន្ថញ្ច ធម្មំ បដិច្ច គន្ថោ ច នោគន្ថោ ច ធម្មា ឧប្បជ្ជន្តិ ហេតុបច្ចយា – នោគន្ថំ ឯកំ ខន្ធញ្ច សីលព្ពតបរាមាសកាយគន្ថញ្ច បដិច្ច តយោ ខន្ធា អភិជ្ឈាកាយគន្ថោ ចិត្តសមុដ្ឋានញ្ច រូបំ…បេ… ទ្វេ ខន្ធេ ច…បេ…. (ចក្កំ. សំខិត្តំ.) (៣)

អារម្មណបច្ចយា…បេ… អវិគតបច្ចយា.

១. បច្ចយានុលោមំ

២. សង្ខ្យាវារោ

សុទ្ធំ

៤. ហេតុយា នវ, អារម្មណេ នវ, អធិបតិយា នវ (សព្ពត្ថ នវ), វិបាកេ ឯកំ, អាហារេ នវ…បេ… អវិគតេ នវ.

អនុលោមំ.

២. បច្ចយបច្ចនីយំ

១. វិភង្គវារោ

នហេតុបច្ចយោ

៥. នោគន្ថំ ធម្មំ បដិច្ច នោគន្ថោ ធម្មោ ឧប្បជ្ជតិ នហេតុបច្ចយា – អហេតុកំ នោគន្ថំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… អហេតុកបដិសន្ធិក្ខណេ (យាវ អសញ្ញសត្តា), វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

នអារម្មណបច្ចយាទិ

៦. គន្ថំ ធម្មំ បដិច្ច នោគន្ថោ ធម្មោ ឧប្បជ្ជតិ នអារម្មណបច្ចយា – គន្ថេ បដិច្ច ចិត្តសមុដ្ឋានំ រូបំ. (១)

នោគន្ថំ ធម្មំ បដិច្ច នោគន្ថោ ធម្មោ ឧប្បជ្ជតិ នអារម្មណបច្ចយា – នោគន្ថេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ… (យាវ អសញ្ញសត្តា). (១)

គន្ថញ្ច នោគន្ថញ្ច ធម្មំ បដិច្ច នោគន្ថោ ធម្មោ ឧប្បជ្ជតិ នអារម្មណបច្ចយា – គន្ថេ ច សម្បយុត្តកេ ច ខន្ធេ បដិច្ច ចិត្តសមុដ្ឋានំ រូបំ (សំខិត្តំ).

នអធិបតិបច្ចយា… នវ, នអនន្តរបច្ចយា… តីណិ, នសមនន្តរបច្ចយា… តីណិ, នអញ្ញមញ្ញបច្ចយា… តីណិ, នឧបនិស្សយបច្ចយា… តីណិ.

នបុរេជាតបច្ចយាទិ

៧. គន្ថំ ធម្មំ បដិច្ច គន្ថោ ធម្មោ ឧប្បជ្ជតិ នបុរេជាតបច្ចយា – អរូបេ ឥទំសច្ចាភិនិវេសំ កាយគន្ថំ បដិច្ច អភិជ្ឈាកាយគន្ថោ, អភិជ្ឈាកាយគន្ថំ បដិច្ច ឥទំសច្ចាភិនិវេសោ កាយគន្ថោ (អរូបេ សីលព្ពតបរាមាសោ នត្ថិ, ឯវំ នវ បញ្ហា កាតព្ពា), នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ នវ, នោនត្ថិយា តីណិ, នោវិគតេ តីណិ.

២. បច្ចយបច្ចនីយំ

២. សង្ខ្យាវារោ

សុទ្ធំ

៨. នហេតុយា ឯកំ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ នវ, នោនត្ថិយា តីណិ, នោវិគតេ តីណិ.

៣. បច្ចយានុលោមបច្ចនីយំ

៩. ហេតុបច្ចយា នអារម្មណេ តីណិ, នអធិបតិយា នវ (សំខិត្តំ, ឯវំ គណេតព្ពំ).

៤. បច្ចយបច្ចនីយានុលោមំ

១០. នហេតុបច្ចយា អារម្មណេ ឯកំ…បេ… អនន្តរេ ឯកំ…បេ… អវិគតេ ឯកំ.

២. សហជាតវារោ

(សហជាតវារោ បដិច្ចវារសទិសោ).

៣. បច្ចយវារោ

១. បច្ចយានុលោមំ

១. វិភង្គវារោ

ហេតុបច្ចយោ

១១. គន្ថំ ធម្មំ បច្ចយា គន្ថោ ធម្មោ ឧប្បជ្ជតិ ហេតុបច្ចយា… តីណិ (បដិច្ចវារសទិសោ).

នោគន្ថំ ធម្មំ បច្ចយា នោគន្ថោ ធម្មោ ឧប្បជ្ជតិ ហេតុបច្ចយា – នោគន្ថំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បច្ចយា វត្ថុ, វត្ថុំ បច្ចយា ខន្ធា. ឯកំ មហាភូតំ…បេ… វត្ថុំ បច្ចយា នោគន្ថា ខន្ធា. (១)

នោគន្ថំ ធម្មំ បច្ចយា គន្ថោ ធម្មោ ឧប្បជ្ជតិ ហេតុបច្ចយា – នោគន្ថេ ខន្ធេ បច្ចយា គន្ថា, វត្ថុំ បច្ចយា គន្ថា. (២)

នោគន្ថំ ធម្មំ បច្ចយា គន្ថោ ច នោគន្ថោ ច ធម្មា ឧប្បជ្ជន្តិ ហេតុបច្ចយា – នោគន្ថំ ឯកំ ខន្ធំ បច្ចយា តយោ ខន្ធា គន្ថា ច ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… វត្ថុំ បច្ចយា គន្ថា សម្បយុត្តកា ច ខន្ធា. (៣)

១២. គន្ថញ្ច នោគន្ថញ្ច ធម្មំ បច្ចយា គន្ថោ ធម្មោ ឧប្បជ្ជតិ ហេតុបច្ចយា – សីលព្ពតបរាមាសំ កាយគន្ថញ្ច សម្បយុត្តកេ ច ខន្ធេ បច្ចយា អភិជ្ឈាកាយគន្ថោ (ចក្កំ). សីលព្ពតបរាមាសំ កាយគន្ថញ្ច វត្ថុញ្ច បច្ចយា អភិជ្ឈាកាយគន្ថោ (ចក្កំ). (១)

គន្ថញ្ច នោគន្ថញ្ច ធម្មំ បច្ចយា នោគន្ថោ ធម្មោ ឧប្បជ្ជតិ ហេតុបច្ចយា – នោគន្ថំ ឯកំ ខន្ធញ្ច គន្ថេ ច បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… គន្ថេ ច វត្ថុញ្ច បច្ចយា នោគន្ថា ខន្ធា. (២)

គន្ថញ្ច នោគន្ថញ្ច ធម្មំ បច្ចយា គន្ថោ ច នោគន្ថោ ច ធម្មា ឧប្បជ្ជន្តិ ហេតុបច្ចយា – នោគន្ថំ ឯកំ ខន្ធញ្ច សីលព្ពតបរាមាសំ កាយគន្ថញ្ច បច្ចយា តយោ ខន្ធា អភិជ្ឈាកាយគន្ថោ ច ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… (ចក្កំ). សីលព្ពតបរាមាសំ កាយគន្ថញ្ច វត្ថុញ្ច បច្ចយា អភិជ្ឈាកាយគន្ថោ ច សម្បយុត្តកា ច ខន្ធា (ចក្កំ). (៣)

១. បច្ចយានុលោមំ

២. សង្ខ្យាវារោ

១៣. ហេតុយា នវ, អារម្មណេ នវ, អធិបតិយា នវ…បេ… អវិគតេ នវ.

អនុលោមំ.

២. បច្ចយបច្ចនីយំ

១. វិភង្គវារោ

នហេតុបច្ចយោ

១៤. នោគន្ថំ ធម្មំ បច្ចយា នោគន្ថោ ធម្មោ ឧប្បជ្ជតិ នហេតុបច្ចយា – អហេតុកំ នោគន្ថំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… (យាវ អសញ្ញសត្តា), ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ. វត្ថុំ បច្ចយា អហេតុកា នោគន្ថា ខន្ធា, វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ (សំខិត្តំ).

២. បច្ចយបច្ចនីយំ

២. សង្ខ្យាវារោ

១៥. នហេតុយា ឯកំ, នអារម្មណេ តីណិ, នអធិបតិយា នវ (ឯវំ គណេតព្ពំ).

៣. បច្ចយានុលោមបច្ចនីយំ

១៦. ហេតុបច្ចយា នអារម្មណេ តីណិ, នអធិបតិយា នវ…បេ… នោវិគតេ តីណិ.

៤. បច្ចយបច្ចនីយានុលោមំ

១៧. នហេតុបច្ចយា អារម្មណេ ឯកំ…បេ… អវិគតេ ឯកំ.

៤-៦. និស្សយ-សំសដ្ឋ-សម្បយុត្តវារោ

(និស្សយវារោ បច្ចយវារសទិសោវ. សំសដ្ឋវារោបិ សម្បយុត្តវារោបិ នវ បញ្ហា កាតព្ពា, រូបំ នត្ថិ.)

៧. បញ្ហាវារោ

១. បច្ចយានុលោមំ

១. វិភង្គវារោ

ហេតុបច្ចយោ

១៨. គន្ថោ ធម្មោ គន្ថស្ស ធម្មស្ស ហេតុបច្ចយេន បច្ចយោ – គន្ថា ហេតូ សម្បយុត្តកានំ គន្ថានំ ហេតុបច្ចយេន បច្ចយោ. (១)

គន្ថោ ធម្មោ នោគន្ថស្ស ធម្មស្ស ហេតុបច្ចយេន បច្ចយោ – គន្ថា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (២)

គន្ថោ ធម្មោ គន្ថស្ស ច នោគន្ថស្ស ច ធម្មស្ស ហេតុបច្ចយេន បច្ចយោ – គន្ថា ហេតូ សម្បយុត្តកានំ ខន្ធានំ គន្ថានញ្ច ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

១៩. នោគន្ថោ ធម្មោ នោគន្ថស្ស ធម្មស្ស ហេតុបច្ចយេន បច្ចយោ – នោគន្ថា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (១)

នោគន្ថោ ធម្មោ គន្ថស្ស ធម្មស្ស ហេតុបច្ចយេន បច្ចយោ – នោគន្ថា ហេតូ សម្បយុត្តកានំ គន្ថានំ ហេតុបច្ចយេន បច្ចយោ. (២)

នោគន្ថោ ធម្មោ គន្ថស្ស ច នោគន្ថស្ស ច ធម្មស្ស ហេតុបច្ចយេន បច្ចយោ – នោគន្ថា ហេតូ សម្បយុត្តកានំ ខន្ធានំ គន្ថានញ្ច ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

២០. គន្ថោ ច នោគន្ថោ ច ធម្មា គន្ថស្ស ធម្មស្ស ហេតុបច្ចយេន បច្ចយោ – គន្ថា ច នោគន្ថា ច ហេតូ សម្បយុត្តកានំ គន្ថានំ ហេតុបច្ចយេន បច្ចយោ. (១)

គន្ថោ ច នោគន្ថោ ច ធម្មា នោគន្ថស្ស ធម្មស្ស ហេតុបច្ចយេន បច្ចយោ – គន្ថា ច នោគន្ថា ច ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (២)

គន្ថោ ច នោគន្ថោ ច ធម្មា គន្ថស្ស ច នោគន្ថស្ស ច ធម្មស្ស ហេតុបច្ចយេន បច្ចយោ – គន្ថា ច នោគន្ថា ច ហេតូ សម្បយុត្តកានំ ខន្ធានំ គន្ថានញ្ច ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

អារម្មណបច្ចយោ

២១. គន្ថោ ធម្មោ គន្ថស្ស ធម្មស្ស អារម្មណបច្ចយេន បច្ចយោ – គន្ថេ អារព្ភ គន្ថា ឧប្បជ្ជន្តិ. (មូលំ កាតព្ពំ) គន្ថេ អារព្ភ នោគន្ថា ខន្ធា ឧប្បជ្ជន្តិ. (មូលំ កាតព្ពំ) គន្ថេ អារព្ភ គន្ថា ច សម្បយុត្តកា ច ខន្ធា ឧប្បជ្ជន្តិ. (៣)

២២. នោគន្ថោ ធម្មោ នោគន្ថស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ…បេ… ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ…បេ… ឈានា…បេ… អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ, និព្ពានំ បច្ចវេក្ខន្តិ. និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ; អរិយា នោគន្ថេ បហីនេ កិលេសេ…បេ… វិក្ខម្ភិតេ កិលេសេ បច្ចវេក្ខន្តិ, បុព្ពេ…បេ… ចក្ខុំ…បេ… វត្ថុំ នោគន្ថេ ខន្ធេ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. ចេតោបរិយញាណេន នោគន្ថចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ… រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ… នោគន្ថា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

នោគន្ថោ ធម្មោ គន្ថស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ…បេ… ឧបោសថកម្មំ កត្វា តំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ, ទោមនស្សំ ឧប្បជ្ជតិ; បុព្ពេ សុចិណ្ណានិ…បេ… ឈានា…បេ… ចក្ខុំ…បេ… វត្ថុំ នោគន្ថេ ខន្ធេ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. (២)

នោគន្ថោ ធម្មោ គន្ថស្ស ច នោគន្ថស្ស ច ធម្មស្ស អារម្មណបច្ចយេន បច្ចយោ – ទានំ ទត្វា សីលំ…បេ… ឧបោសថកម្មំ កត្វា តំ អស្សាទេតិ អភិនន្ទតិ, តំ អារព្ភ គន្ថា ច សម្បយុត្តកា ច ខន្ធា ឧប្បជ្ជន្តិ, បុព្ពេ សុចិណ្ណានិ…បេ… ឈានា…បេ… ចក្ខុំ…បេ… វត្ថុំ នោគន្ថេ ខន្ធេ អស្សាទេតិ អភិនន្ទតិ, តំ អារព្ភ គន្ថា ច សម្បយុត្តកា ច ខន្ធា ឧប្បជ្ជន្តិ. (៣)

គន្ថោ ច នោគន្ថោ ច ធម្មា គន្ថស្ស ធម្មស្ស អារម្មណបច្ចយេន បច្ចយោ… តីណិ (អារព្ភ កាតព្ពា).

អធិបតិបច្ចយោ

២៣. គន្ថោ ធម្មោ គន្ថស្ស ធម្មស្ស អធិបតិបច្ចយេន បច្ចយោ… តីណិ (អារម្មណសទិសា, គរុការម្មណា កាតព្ពា).

នោគន្ថោ ធម្មោ នោគន្ថស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ…បេ… សីលំ…បេ… ឧបោសថកម្មំ…បេ… បុព្ពេ…បេ… ឈានា…បេ… អរិយា មគ្គា…បេ… ផលំ…បេ… និព្ពានំ…បេ… និព្ពានំ គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ; ចក្ខុំ…បេ… វត្ថុំ នោគន្ថេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – នោគន្ថាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)

នោគន្ថោ ធម្មោ គន្ថស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ…បេ… សីលំ…បេ… ឧបោសថកម្មំ…បេ… បុព្ពេ សុចិណ្ណានិ …បេ… ឈានា…បេ… ចក្ខុំ…បេ… វត្ថុំ នោគន្ថេ ខន្ធេ គរុំ កត្វា តំ អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – នោគន្ថាធិបតិ គន្ថានំ អធិបតិបច្ចយេន បច្ចយោ. (២)

នោគន្ថោ ធម្មោ គន្ថស្ស ច នោគន្ថស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ…បេ… នោគន្ថេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា គន្ថា ច សម្បយុត្តកា ច ខន្ធា ឧប្បជ្ជន្តិ. សហជាតាធិបតិ – នោគន្ថាធិបតិ សម្បយុត្តកានំ ខន្ធានំ គន្ថានញ្ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

២៤. គន្ថោ ច នោគន្ថោ ច ធម្មា គន្ថស្ស ធម្មស្ស អធិបតិបច្ចយេន បច្ចយោ – អារម្មណាធិបតិ… តីណិ.

អនន្តរបច្ចយោ

២៥. គន្ថោ ធម្មោ គន្ថស្ស ធម្មស្ស អនន្តរបច្ចយេន បច្ចយោ – បុរិមា បុរិមា គន្ថា បច្ឆិមានំ បច្ឆិមានំ គន្ថានំ អនន្តរបច្ចយេន បច្ចយោ. (១)

គន្ថោ ធម្មោ នោគន្ថស្ស ធម្មស្ស អនន្តរបច្ចយេន បច្ចយោ – បុរិមា បុរិមា គន្ថា បច្ឆិមានំ បច្ឆិមានំ នោគន្ថានំ ខន្ធានំ អនន្តរបច្ចយេន បច្ចយោ; គន្ថា វុដ្ឋានស្ស អនន្តរបច្ចយេន បច្ចយោ. (២)

គន្ថោ ធម្មោ គន្ថស្ស ច នោគន្ថស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា គន្ថា បច្ឆិមានំ បច្ឆិមានំ គន្ថានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ. (៣)

២៦. នោគន្ថោ ធម្មោ នោគន្ថស្ស ធម្មស្ស អនន្តរបច្ចយេន បច្ចយោ… តីណិ (ទ្វេ អាវជ្ជនា កាតព្ពា, បឋមោ នត្ថិ).

គន្ថោ ច នោគន្ថោ ច ធម្មា គន្ថស្ស ធម្មស្ស អនន្តរបច្ចយេន បច្ចយោ… តីណិ (ឯកម្បិ វុដ្ឋានំ កាតព្ពំ, មជ្ឈេ).

សមនន្តរបច្ចយាទិ

២៧. គន្ថោ ធម្មោ គន្ថស្ស ធម្មស្ស សមនន្តរបច្ចយេន បច្ចយោ… នវ… សហជាតបច្ចយេន បច្ចយោ… នវ… អញ្ញមញ្ញបច្ចយេន បច្ចយោ… នវ, និស្សយបច្ចយេន បច្ចយោ… នវ.

ឧបនិស្សយបច្ចយោ

២៨. គន្ថោ ធម្មោ គន្ថស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – គន្ថា គន្ថានំ ឧបនិស្សយបច្ចយេន បច្ចយោ… តីណិ.

២៩. នោគន្ថោ ធម្មោ នោគន្ថស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ …បេ…. បកតូបនិស្សយោ – សទ្ធំ ឧបនិស្សាយ ទានំ ទេតិ…បេ… មានំ ជប្បេតិ, ទិដ្ឋិំ គណ្ហាតិ; សីលំ…បេ… សេនាសនំ ឧបនិស្សាយ ទានំ ទេតិ…បេ… សង្ឃំ ភិន្ទតិ; សទ្ធា…បេ… សេនាសនំ សទ្ធាយ…បេ… ផលសមាបត្តិយា ឧបនិស្សយបច្ចយេន បច្ចយោ. (១)

នោគន្ថោ ធម្មោ គន្ថស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទិដ្ឋិំ គណ្ហាតិ; សីលំ…បេ… សេនាសនំ ឧបនិស្សាយ បាណំ ហនតិ…បេ… សង្ឃំ ភិន្ទតិ; សទ្ធា…បេ… សេនាសនំ រាគស្ស…បេ… បត្ថនាយ ឧបនិស្សយបច្ចយេន បច្ចយោ. (២)

នោគន្ថោ ធម្មោ គន្ថស្ស ច នោគន្ថស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ មានំ ជប្បេតិ, ទិដ្ឋិំ គណ្ហាតិ, សីលំ…បេ… សេនាសនំ ឧបនិស្សាយ បាណំ ហនតិ …បេ… សង្ឃំ ភិន្ទតិ, សទ្ធា…បេ… សេនាសនំ គន្ថានំ សម្បយុត្តកានញ្ច ខន្ធានំ ឧបនិស្សយបច្ចយេន បច្ចយោ. (៣)

គន្ថោ ច នោគន្ថោ ច ធម្មា គន្ថស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ… តីណិ (អារម្មណនយេន កាតព្ពា).

បុរេជាតបច្ចយាទិ

៣០. នោគន្ថោ ធម្មោ នោគន្ថស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ, ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ…. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ នោគន្ថានំ ខន្ធានំ បុរេជាតបច្ចយេន បច្ចយោ. (១)

នោគន្ថោ ធម្មោ គន្ថស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ, ទោមនស្សំ ឧប្បជ្ជតិ. វត្ថុបុរេជាតំ – វត្ថុ គន្ថានំ បុរេជាតបច្ចយេន បច្ចយោ. (២)

នោគន្ថោ ធម្មោ គន្ថស្ស ច នោគន្ថស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អស្សាទេតិ អភិនន្ទតិ, តំ អារព្ភ គន្ថា ច សម្បយុត្តកា ច ខន្ធា ឧប្បជ្ជន្តិ. វត្ថុបុរេជាតំ – វត្ថុ គន្ថានំ សម្បយុត្តកានញ្ច ខន្ធានំ បុរេជាតបច្ចយេន បច្ចយោ. (៣)

បច្ឆាជាតបច្ចយេន បច្ចយោ… តីណិ, អាសេវនបច្ចយេន បច្ចយោ… នវ.

កម្មបច្ចយោ

៣១. នោគន្ថោ ធម្មោ នោគន្ថស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – នោគន្ថា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – នោគន្ថា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ. (១)

នោគន្ថោ ធម្មោ គន្ថស្ស ធម្មស្ស កម្មបច្ចយេន បច្ចយោ – នោគន្ថា ចេតនា សម្បយុត្តកានំ គន្ថានំ កម្មបច្ចយេន បច្ចយោ. (២)

នោគន្ថោ ធម្មោ គន្ថស្ស ច នោគន្ថស្ស ច ធម្មស្ស កម្មបច្ចយេន បច្ចយោ – នោគន្ថា ចេតនា សម្បយុត្តកានំ ខន្ធានំ គន្ថានញ្ច ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (៣)

វិបាកបច្ចយាទិ

៣២. នោគន្ថោ ធម្មោ នោគន្ថស្ស ធម្មស្ស វិបាកបច្ចយេន បច្ចយោ… ឯកំ… អាហារបច្ចយេន បច្ចយោ… តីណិ… ឥន្ទ្រិយបច្ចយេន បច្ចយោ… តីណិ… ឈានបច្ចយេន បច្ចយោ… តីណិ… មគ្គបច្ចយេន បច្ចយោ… នវ… សម្បយុត្តបច្ចយេន បច្ចយោ… នវ.

វិប្បយុត្តបច្ចយោ

៣៣. គន្ថោ ធម្មោ នោគន្ថស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ). (១)

នោគន្ថោ ធម្មោ នោគន្ថស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ). (១)

នោគន្ថោ ធម្មោ គន្ថស្ស ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ គន្ថានំ វិប្បយុត្តបច្ចយេន បច្ចយោ. (២)

នោគន្ថោ ធម្មោ គន្ថស្ស ច នោគន្ថស្ស ច ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ គន្ថានំ សម្បយុត្តកានញ្ច ខន្ធានំ វិប្បយុត្តបច្ចយេន បច្ចយោ. (៣)

គន្ថោ ច នោគន្ថោ ច ធម្មា នោគន្ថស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ). (១)

អត្ថិបច្ចយោ

៣៤. គន្ថោ ធម្មោ គន្ថស្ស ធម្មស្ស អត្ថិបច្ចយេន បច្ចយោ… ឯកំ (បដិច្ចសទិសំ).

គន្ថោ ធម្មោ នោគន្ថស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ. សហជាតា – គន្ថា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ. បច្ឆាជាតា – គន្ថា បុរេជាតស្ស ឥមស្ស កាយស្ស អត្ថិបច្ចយេន បច្ចយោ. (២)

គន្ថោ ធម្មោ គន្ថស្ស ច នោគន្ថស្ស ច ធម្មស្ស អត្ថិបច្ចយេន បច្ចយោ… ឯកំ (បដិច្ចសទិសំ). (៣)

៣៥. នោគន្ថោ ធម្មោ នោគន្ថស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ). (១)

នោគន្ថោ ធម្មោ គន្ថស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតា – នោគន្ថា ខន្ធា គន្ថានំ អត្ថិបច្ចយេន បច្ចយោ. បុរេជាតំ – ចក្ខុំ…បេ… វត្ថុំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ, ទោមនស្សំ ឧប្បជ្ជតិ, វត្ថុ គន្ថានំ អត្ថិបច្ចយេន បច្ចយោ. (២)

នោគន្ថោ ធម្មោ គន្ថស្ស ច នោគន្ថស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – នោគន្ថោ ឯកោ ខន្ធោ តិណ្ណន្នំ ខន្ធានំ គន្ថានញ្ច ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ…. បុរេជាតំ – ចក្ខុំ…បេ… វត្ថុំ អស្សាទេតិ អភិនន្ទតិ, តំ អារព្ភ គន្ថា ច សម្បយុត្តកា ច ខន្ធា ឧប្បជ្ជន្តិ; វត្ថុ គន្ថានំ សម្បយុត្តកានញ្ច ខន្ធានំ អត្ថិបច្ចយេន បច្ចយោ. (៣)

៣៦. គន្ថោ ច នោគន្ថោ ច ធម្មា គន្ថស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – សីលព្ពតបរាមាសោ កាយគន្ថោ ច សម្បយុត្តកា ច ខន្ធា អភិជ្ឈាកាយគន្ថស្ស អត្ថិបច្ចយេន បច្ចយោ (ចក្កំ). សហជាតោ – សីលព្ពតបរាមាសោ កាយគន្ថោ ច វត្ថុ ច អភិជ្ឈាកាយគន្ថស្ស អត្ថិបច្ចយេន បច្ចយោ. (ចក្កំ). (១)

គន្ថោ ច នោគន្ថោ ច ធម្មា នោគន្ថស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតោ – នោគន្ថោ ឯកោ ខន្ធោ ច គន្ថោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ… ទ្វេ ខន្ធា ច…បេ…. សហជាតា – គន្ថា ច វត្ថុ ច នោគន្ថានំ ខន្ធានំ អត្ថិបច្ចយេន បច្ចយោ. សហជាតា – គន្ថា ច មហាភូតា ច ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ. បច្ឆាជាតា – គន្ថា ច សម្បយុត្តកា ច ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – គន្ថា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – គន្ថា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. (២)

គន្ថោ ច នោគន្ថោ ច ធម្មា គន្ថស្ស ច នោគន្ថស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – នោគន្ថោ ឯកោ ខន្ធោ ច សីលព្ពតបរាមាសោ កាយគន្ថោ ច តិណ្ណន្នំ ខន្ធានំ អភិជ្ឈាកាយគន្ថស្ស ច ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ…. សហជាតោ – សីលព្ពតបរាមាសោ កាយគន្ថោ ច វត្ថុ ច អភិជ្ឈាកាយគន្ថស្ស ច សម្បយុត្តកានញ្ច ខន្ធានំ អត្ថិបច្ចយេន បច្ចយោ (ចក្កំ). (៣)

១. បច្ចយានុលោមំ

២. សង្ខ្យាវារោ

សុទ្ធំ

៣៧. ហេតុយា នវ, អារម្មណេ នវ (សព្ពត្ថ នវ), ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ នវ, កម្មេ តីណិ, វិបាកេ ឯកំ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ នវ, សម្បយុត្តេ នវ, វិប្បយុត្តេ បញ្ច, អត្ថិយា នវ, នត្ថិយា នវ, វិគតេ នវ, អវិគតេ នវ.

អនុលោមំ.

បច្ចនីយុទ្ធារោ

៣៨. គន្ថោ ធម្មោ គន្ថស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

គន្ថោ ធម្មោ នោគន្ថស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. (២)

គន្ថោ ធម្មោ គន្ថស្ស ច នោគន្ថស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (៣)

៣៩. នោគន្ថោ ធម្មោ នោគន្ថស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)

នោគន្ថោ ធម្មោ គន្ថស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (២)

នោគន្ថោ ធម្មោ គន្ថស្ស ច នោគន្ថស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (៣)

៤០. គន្ថោ ច នោគន្ថោ ច ធម្មា គន្ថស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

គន្ថោ ច នោគន្ថោ ច ធម្មា នោគន្ថស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. (២)