៤. សញ្ញោជនគោច្ឆកំ

២០. សញ្ញោជនទុកំ

១. បដិច្ចវារោ

១. បច្ចយានុលោមំ

១. វិភង្គវារោ

ហេតុបច្ចយោ

១. សញ្ញោជនំ ធម្មំ បដិច្ច សញ្ញោជនោ ធម្មោ ឧប្បជ្ជតិ ហេតុបច្ចយា – កាមរាគសញ្ញោជនំ បដិច្ច ទិដ្ឋិសញ្ញោជនំ អវិជ្ជាសញ្ញោជនំ, កាមរាគសញ្ញោជនំ បដិច្ច សីលព្ពតបរាមាសសញ្ញោជនំ អវិជ្ជាសញ្ញោជនំ, កាមរាគសញ្ញោជនំ បដិច្ច មានសញ្ញោជនំ អវិជ្ជាសញ្ញោជនំ, កាមរាគសញ្ញោជនំ បដិច្ច អវិជ្ជាសញ្ញោជនំ, បដិឃសញ្ញោជនំ បដិច្ច ឥស្សាសញ្ញោជនំ អវិជ្ជាសញ្ញោជនំ, បដិឃសញ្ញោជនំ បដិច្ច មច្ឆរិយសញ្ញោជនំ អវិជ្ជាសញ្ញោជនំ, បដិឃសញ្ញោជនំ បដិច្ច អវិជ្ជាសញ្ញោជនំ, មានសញ្ញោជនំ បដិច្ច ភវរាគសញ្ញោជនំ អវិជ្ជាសញ្ញោជនំ, ភវរាគសញ្ញោជនំ បដិច្ច អវិជ្ជាសញ្ញោជនំ, វិចិកិច្ឆាសញ្ញោជនំ បដិច្ច អវិជ្ជាសញ្ញោជនំ. (១)

សញ្ញោជនំ ធម្មំ បដិច្ច នោសញ្ញោជនោ ធម្មោ ឧប្បជ្ជតិ ហេតុបច្ចយា – សញ្ញោជនេ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ. (២)

សញ្ញោជនំ ធម្មំ បដិច្ច សញ្ញោជនោ ច នោសញ្ញោជនោ ច ធម្មា ឧប្បជ្ជន្តិ ហេតុបច្ចយា – កាមរាគសញ្ញោជនំ បដិច្ច ទិដ្ឋិសញ្ញោជនំ អវិជ្ជាសញ្ញោជនំ សម្បយុត្តកា ច ខន្ធា ចិត្តសមុដ្ឋានញ្ច រូបំ (ចក្កំ ពន្ធិតព្ពំ). (៣)

២. នោសញ្ញោជនំ ធម្មំ បដិច្ច នោសញ្ញោជនោ ធម្មោ ឧប្បជ្ជតិ ហេតុបច្ចយា – នោសញ្ញោជនំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ. (១)

នោសញ្ញោជនំ ធម្មំ បដិច្ច សញ្ញោជនោ ធម្មោ ឧប្បជ្ជតិ ហេតុបច្ចយា – នោសញ្ញោជនេ ខន្ធេ បដិច្ច សញ្ញោជនា. (២)

នោសញ្ញោជនំ ធម្មំ បដិច្ច សញ្ញោជនោ ច នោសញ្ញោជនោ ច ធម្មា ឧប្បជ្ជន្តិ ហេតុបច្ចយា – នោសញ្ញោជនំ ឯកំ ខន្ធំ បដិច្ច តយោ ខន្ធា សញ្ញោជនា ច ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

៣. សញ្ញោជនញ្ច នោសញ្ញោជនញ្ច ធម្មំ បដិច្ច សញ្ញោជនោ ធម្មោ ឧប្បជ្ជតិ ហេតុបច្ចយា – កាមរាគសញ្ញោជនញ្ច សម្បយុត្តកេ ច ខន្ធេ បដិច្ច ទិដ្ឋិសញ្ញោជនំ អវិជ្ជាសញ្ញោជនំ (ចក្កំ ពន្ធិតព្ពំ). (១)

សញ្ញោជនញ្ច នោសញ្ញោជនញ្ច ធម្មំ បដិច្ច នោសញ្ញោជនោ ធម្មោ ឧប្បជ្ជតិ ហេតុបច្ចយា – នោសញ្ញោជនំ ឯកំ ខន្ធញ្ច សញ្ញោជនេ ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ ច…បេ…. (២)

សញ្ញោជនញ្ច នោសញ្ញោជនញ្ច ធម្មំ បដិច្ច សញ្ញោជនោ ច នោសញ្ញោជនោ ច ធម្មា ឧប្បជ្ជន្តិ ហេតុបច្ចយា – នោសញ្ញោជនំ ឯកំ ខន្ធញ្ច កាមរាគសញ្ញោជនញ្ច បដិច្ច តយោ ខន្ធា ទិដ្ឋិសញ្ញោជនំ អវិជ្ជាសញ្ញោជនំ ចិត្តសមុដ្ឋានញ្ច រូបំ…បេ… (ចក្កំ ពន្ធិតព្ពំ). (៣)

(អារម្មណបច្ចយេ រូបំ នត្ថិ. អធិបតិបច្ចយោ ហេតុសទិសោ, វិចិកិច្ឆាសញ្ញោជនំ នត្ថិ.) អនន្តរបច្ចយា…បេ… អវិគតបច្ចយា.

១. បច្ចយានុលោមំ

២. សង្ខ្យាវារោ

សុទ្ធំ

៤. ហេតុយា នវ, អារម្មណេ នវ, អធិបតិយា នវ, អនន្តរេ នវ (សព្ពត្ថ នវ), វិបាកេ ឯកំ, អាហារេ នវ…បេ… អវិគតេ នវ.

អនុលោមំ.

២. បច្ចយបច្ចនីយំ

១. វិភង្គវារោ

នហេតុបច្ចយោ

៥. សញ្ញោជនំ ធម្មំ បដិច្ច សញ្ញោជនោ ធម្មោ ឧប្បជ្ជតិ នហេតុបច្ចយា – វិចិកិច្ឆាសញ្ញោជនំ បដិច្ច អវិជ្ជាសញ្ញោជនំ. (១)

នោសញ្ញោជនំ ធម្មំ បដិច្ច នោសញ្ញោជនោ ធម្មោ ឧប្បជ្ជតិ នហេតុបច្ចយា – អហេតុកំ នោសញ្ញោជនំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… (យាវ អសញ្ញសត្តា). (១)

នោសញ្ញោជនំ ធម្មំ បដិច្ច សញ្ញោជនោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច អវិជ្ជាសញ្ញោជនំ. (២)

សញ្ញោជនញ្ច នោសញ្ញោជនញ្ច ធម្មំ បដិច្ច សញ្ញោជនោ ធម្មោ ឧប្បជ្ជតិ នហេតុបច្ចយា – វិចិកិច្ឆាសញ្ញោជនញ្ច សម្បយុត្តកេ ច ខន្ធេ បដិច្ច អវិជ្ជាសញ្ញោជនំ. (៣)

(សំខិត្តំ. អាសវគោច្ឆកសទិសំ. នអារម្មណាបិ សព្ពេ ឧទ្ធរិតព្ពា.)

២. បច្ចយបច្ចនីយំ

២. សង្ខ្យាវារោ

សុទ្ធំ

៦. នហេតុយា ចត្តារិ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ នវ, នោនត្ថិយា តីណិ, នោវិគតេ តីណិ.

បច្ចនីយំ.

៣. បច្ចយានុលោមបច្ចនីយំ

ហេតុទុកំ

៧. ហេតុបច្ចយា នអារម្មណេ តីណិ, នអធិបតិយា នវ (ឯវំ សព្ពំ គណេតព្ពំ).

៤. បច្ចយបច្ចនីយានុលោមំ

នហេតុទុកំ

៨. នហេតុបច្ចយា អារម្មណេ ចត្តារិ (សព្ពត្ថ ចត្តារិ) វិបាកេ ឯកំ, អាហារេ ចត្តារិ…បេ… មគ្គេ តីណិ, សម្បយុត្តេ ចត្តារិ…បេ… អវិគតេ ចត្តារិ.

បច្ចនីយានុលោមំ.

២. សហជាតវារោ

៩. សញ្ញោជនំ ធម្មំ សហជាតោ សញ្ញោជនោ ធម្មោ ឧប្បជ្ជតិ ហេតុបច្ចយា (បដិច្ចវារសទិសំ).

៣. បច្ចយវារោ

១-៤. បច្ចយានុលោមាទិ

ហេតុបច្ចយោ

១០. សញ្ញោជនំ ធម្មំ បច្ចយា សញ្ញោជនោ ធម្មោ ឧប្បជ្ជតិ ហេតុបច្ចយា… តីណិ (បដិច្ចសទិសំ).

នោសញ្ញោជនំ ធម្មំ បច្ចយា នោសញ្ញោជនោ ធម្មោ ឧប្បជ្ជតិ ហេតុបច្ចយា – នោសញ្ញោជនំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បច្ចយា វត្ថុ, វត្ថុំ បច្ចយា ខន្ធា, ឯកំ មហាភូតំ…បេ… មហាភូតេ បច្ចយា ចិត្តសមុដ្ឋានំ រូបំ, កដត្តារូបំ, ឧបាទារូបំ, វត្ថុំ បច្ចយា នោសញ្ញោជនា ខន្ធា. (១)

នោសញ្ញោជនំ ធម្មំ បច្ចយា សញ្ញោជនោ ធម្មោ ឧប្បជ្ជតិ ហេតុបច្ចយា – នោសញ្ញោជនេ ខន្ធេ បច្ចយា សញ្ញោជនា, វត្ថុំ បច្ចយា សញ្ញោជនា. (២)

នោសញ្ញោជនំ ធម្មំ បច្ចយា សញ្ញោជនោ ច នោសញ្ញោជនោ ច ធម្មា ឧប្បជ្ជន្តិ ហេតុបច្ចយា – នោសញ្ញោជនំ ឯកំ ខន្ធំ បច្ចយា តយោ ខន្ធា សញ្ញោជនញ្ច ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… វត្ថុំ បច្ចយា សញ្ញោជនា, មហាភូតេ បច្ចយា ចិត្តសមុដ្ឋានំ រូបំ, វត្ថុំ បច្ចយា សញ្ញោជនា សម្បយុត្តកា ច ខន្ធា. (៣)

១១. សញ្ញោជនញ្ច នោសញ្ញោជនញ្ច ធម្មំ បច្ចយា សញ្ញោជនោ ធម្មោ ឧប្បជ្ជតិ ហេតុបច្ចយា – កាមរាគសញ្ញោជនញ្ច សម្បយុត្តកេ ច ខន្ធេ បច្ចយា ទិដ្ឋិសញ្ញោជនំ អវិជ្ជាសញ្ញោជនំ, កាមរាគសញ្ញោជនញ្ច វត្ថុញ្ច បច្ចយា ទិដ្ឋិសញ្ញោជនំ អវិជ្ជាសញ្ញោជនំ (ចក្កំ) (១)

សញ្ញោជនញ្ច នោសញ្ញោជនញ្ច ធម្មំ បច្ចយា នោសញ្ញោជនោ ធម្មោ ឧប្បជ្ជតិ ហេតុបច្ចយា – នោសញ្ញោជនំ ឯកំ ខន្ធញ្ច សញ្ញោជនេ ច បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… (ចក្កំ). សញ្ញោជនេ ច វត្ថុញ្ច បច្ចយា នោសញ្ញោជនា ខន្ធា. (២)

សញ្ញោជនញ្ច នោសញ្ញោជនញ្ច ធម្មំ បច្ចយា សញ្ញោជនោ ច នោសញ្ញោជនោ ច ធម្មា ឧប្បជ្ជន្តិ ហេតុបច្ចយា – នោសញ្ញោជនំ ឯកំ ខន្ធញ្ច កាមរាគសញ្ញោជនញ្ច បច្ចយា តយោ ខន្ធា ទិដ្ឋិសញ្ញោជនំ អវិជ្ជាសញ្ញោជនំ ចិត្តសមុដ្ឋានញ្ច រូបំ, ទ្វេ ខន្ធេ…បេ… (ចក្កំ). កាមរាគសញ្ញោជនញ្ច វត្ថុញ្ច បច្ចយា ទិដ្ឋិសញ្ញោជនំ អវិជ្ជាសញ្ញោជនំ សម្បយុត្តកា ច ខន្ធា (ចក្កំ. សំខិត្តំ). (៣)

១២. ហេតុយា នវ, អារម្មណេ នវ (សព្ពត្ថ នវ), វិបាកេ ឯកំ…បេ… អវិគតេ នវ.

១៣. នហេតុយា ចត្តារិ (យត្ថ យត្ថ វត្ថុ លព្ភតិ, តត្ថ តត្ថ និន្នេតព្ពំ), នអារម្មណេ តីណិ…បេ… នោវិគតេ តីណិ.

៤. និស្សយវារោ

(ឯវំ ឥតរេបិ ទ្វេ គណនា ច និស្សយវារោ ច កាតព្ពោ.)

៥. សំសដ្ឋវារោ

១. បច្ចយានុលោមំ

ហេតុបច្ចយោ

១៤. សញ្ញោជនំ ធម្មំ សំសដ្ឋោ សញ្ញោជនោ ធម្មោ ឧប្បជ្ជតិ ហេតុបច្ចយា – កាមរាគសញ្ញោជនំ សំសដ្ឋំ ទិដ្ឋិសញ្ញោជនំ អវិជ្ជាសញ្ញោជនំ (ឯវំ នវ បញ្ហា. អរូបាយេវ កាតព្ពា).

៦. សម្បយុត្តវារោ

(សំសដ្ឋវារោបិ សម្បយុត្តវារោបិ ឯវំ កាតព្ពា.)

៧. បញ្ហាវារោ

១. បច្ចយានុលោមំ

១. វិភង្គវារោ

ហេតុបច្ចយោ

១៥. សញ្ញោជនោ ធម្មោ សញ្ញោជនស្ស ធម្មស្ស ហេតុបច្ចយេន បច្ចយោ – សញ្ញោជនា ហេតូ សម្បយុត្តកានំ សញ្ញោជនានំ ហេតុបច្ចយេន បច្ចយោ. (១)

សញ្ញោជនោ ធម្មោ នោសញ្ញោជនស្ស ធម្មស្ស ហេតុបច្ចយេន បច្ចយោ – សញ្ញោជនា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (២)

សញ្ញោជនោ ធម្មោ សញ្ញោជនស្ស ច នោសញ្ញោជនស្ស ច ធម្មស្ស ហេតុបច្ចយេន បច្ចយោ – សញ្ញោជនា ហេតូ សម្បយុត្តកានំ ខន្ធានំ សញ្ញោជនានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

១៦. នោសញ្ញោជនោ ធម្មោ នោសញ្ញោជនស្ស ធម្មស្ស ហេតុបច្ចយេន បច្ចយោ – នោសញ្ញោជនា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (១)

អារម្មណបច្ចយោ

១៧. សញ្ញោជនោ ធម្មោ សញ្ញោជនស្ស ធម្មស្ស អារម្មណបច្ចយេន បច្ចយោ – សញ្ញោជនេ អារព្ភ សញ្ញោជនា ឧប្បជ្ជន្តិ. (មូលំ កាតព្ពំ) សញ្ញោជនេ អារព្ភ នោសញ្ញោជនា ខន្ធា ឧប្បជ្ជន្តិ. (មូលំ កាតព្ពំ) សញ្ញោជនេ អារព្ភ សញ្ញោជនា ច សម្បយុត្តកា ច ខន្ធា ឧប្បជ្ជន្តិ. (៣)

១៨. នោសញ្ញោជនោ ធម្មោ នោសញ្ញោជនស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ…បេ… ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ…បេ… ឈានា…បេ… អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ…បេ… និព្ពានំ បច្ចវេក្ខន្តិ, និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ; អរិយា នោសញ្ញោជនេ បហីនេ កិលេសេ…បេ… វិក្ខម្ភិតេ កិលេសេ…បេ… បុព្ពេ…បេ… ចក្ខុំ …បេ… វត្ថុំ នោសញ្ញោជនេ ខន្ធេ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, ចេតោបរិយញាណេន នោសញ្ញោជនចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ… រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ… នោសញ្ញោជនា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

នោសញ្ញោជនោ ធម្មោ សញ្ញោជនស្ស ធម្មស្ស អារម្មណបច្ចយេន បច្ចយោ – ទានំ…បេ… សីលំ…បេ… ឧបោសថកម្មំ…បេ… បុព្ពេ…បេ… ឈានា…បេ… ចក្ខុំ…បេ… វត្ថុំ នោសញ្ញោជនេ ខន្ធេ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. (២)

នោសញ្ញោជនោ ធម្មោ សញ្ញោជនស្ស ច នោសញ្ញោជនស្ស ច ធម្មស្ស អារម្មណបច្ចយេន បច្ចយោ – ទានំ ទត្វា សីលំ…បេ… ឧបោសថកម្មំ…បេ… បុព្ពេ…បេ… ឈានា…បេ… ចក្ខុំ…បេ… វត្ថុំ នោសញ្ញោជនេ ខន្ធេ អស្សាទេតិ អភិនន្ទតិ, តំ អារព្ភ សញ្ញោជនា ច សញ្ញោជនសម្បយុត្តកា ច ខន្ធា ឧប្បជ្ជន្តិ. (៣)

សញ្ញោជនោ ច នោសញ្ញោជនោ ច ធម្មា សញ្ញោជនស្ស ធម្មស្ស អារម្មណបច្ចយេន បច្ចយោ… តីណិ (អារព្ភយេវ កាតព្ពា).

អធិបតិបច្ចយោ

១៩. សញ្ញោជនោ ធម្មោ សញ្ញោជនស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – សញ្ញោជនំ គរុំ កត្វា…បេ… តីណិ (គរុការម្មណា).

នោសញ្ញោជនោ ធម្មោ នោសញ្ញោជនស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ ទត្វា សីលំ…បេ… តីណិ (តិណ្ណម្បិ អារម្មណាធិបតិ, សហជាតាធិបតិបិ កាតព្ពា, វិភជិតព្ពា តីណិបិ).

សញ្ញោជនោ ច នោសញ្ញោជនោ ច ធម្មា សញ្ញោជនស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – សញ្ញោជនេ ច សម្បយុត្តកេ ច ខន្ធេ គរុំ កត្វា…បេ… តីណិ.

អនន្តរបច្ចយោ

២០. សញ្ញោជនោ ធម្មោ សញ្ញោជនស្ស ធម្មស្ស អនន្តរបច្ចយេន បច្ចយោ – បុរិមា បុរិមា សញ្ញោជនា បច្ឆិមានំ បច្ឆិមានំ សញ្ញោជនានំ អនន្តរបច្ចយេន បច្ចយោ… តីណិ.

នោសញ្ញោជនោ ធម្មោ នោសញ្ញោជនស្ស ធម្មស្ស អនន្តរបច្ចយេន បច្ចយោ – បុរិមា បុរិមា នោសញ្ញោជនា ខន្ធា បច្ឆិមានំ…បេ… ផលសមាបត្តិយា អនន្តរបច្ចយេន បច្ចយោ. (១)

នោសញ្ញោជនោ ធម្មោ សញ្ញោជនស្ស ធម្មស្ស អនន្តរបច្ចយេន បច្ចយោ – បុរិមា បុរិមា នោសញ្ញោជនា ខន្ធា បច្ឆិមានំ បច្ឆិមានំ សញ្ញោជនានំ អនន្តរបច្ចយេន បច្ចយោ; អាវជ្ជនា សញ្ញោជនានំ អនន្តរបច្ចយេន បច្ចយោ (ឯវំ ទ្វេបិ កាតព្ពា). (៣)

សញ្ញោជនោ ច នោសញ្ញោជនោ ច ធម្មា សញ្ញោជនស្ស ធម្មស្ស អនន្តរបច្ចយេន បច្ចយោ… តីណិ.

សមនន្តរបច្ចយាទិ

២១. សញ្ញោជនោ ធម្មោ សញ្ញោជនស្ស ធម្មស្ស សមនន្តរបច្ចយេន បច្ចយោ… នវ… សហជាតបច្ចយេន បច្ចយោ… នវ… អញ្ញមញ្ញបច្ចយេន បច្ចយោ… នវ… និស្សយបច្ចយេន បច្ចយោ… នវ.

ឧបនិស្សយបច្ចយោ

២២. សញ្ញោជនោ ធម្មោ សញ្ញោជនស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សញ្ញោជនា សញ្ញោជនានំ ឧបនិស្សយបច្ចយេន បច្ចយោ (ឯវំ តីណិបិ).

២៣. នោសញ្ញោជនោ ធម្មោ នោសញ្ញោជនស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; សីលំ…បេ… បញ្ញំ, រាគំ…បេ… បត្ថនំ…បេ… សេនាសនំ ឧបនិស្សាយ ទានំ ទេតិ…បេ… សង្ឃំ ភិន្ទតិ; សទ្ធា…បេ… សេនាសនំ សទ្ធាយ…បេ… ផលសមាបត្តិយា ឧបនិស្សយបច្ចយេន បច្ចយោ. (១)

នោសញ្ញោជនោ ធម្មោ សញ្ញោជនស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ មានំ ជប្បេតិ, ទិដ្ឋិំ គណ្ហាតិ; សីលំ…បេ… សេនាសនំ ឧបនិស្សាយ បាណំ ហនតិ…បេ… សង្ឃំ ភិន្ទតិ; សទ្ធា…បេ… សេនាសនំ រាគស្ស…បេ… បត្ថនាយ ឧបនិស្សយបច្ចយេន បច្ចយោ. (២)

នោសញ្ញោជនោ ធម្មោ សញ្ញោជនស្ស ច នោសញ្ញោជនស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ មានំ ជប្បេតិ, ទិដ្ឋិំ គណ្ហាតិ; សីលំ…បេ… សេនាសនំ ឧបនិស្សាយ បាណំ ហនតិ…បេ… សង្ឃំ ភិន្ទតិ; សទ្ធា…បេ… សេនាសនំ សញ្ញោជនានំ សម្បយុត្តកានញ្ច ខន្ធានំ ឧបនិស្សយបច្ចយេន បច្ចយោ. (៣)

សញ្ញោជនោ ច នោសញ្ញោជនោ ច ធម្មា សញ្ញោជនស្ស ធម្មស្ស ឧបនិស្សយបច្ចយេន បច្ចយោ… តីណិ.

បុរេជាតបច្ចយោ

២៤. នោសញ្ញោជនោ ធម្មោ នោសញ្ញោជនស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ…. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ នោសញ្ញោជនានំ ខន្ធានំ បុរេជាតបច្ចយេន បច្ចយោ. (១)

នោសញ្ញោជនោ ធម្មោ សញ្ញោជនស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. វត្ថុបុរេជាតំ – វត្ថុ សញ្ញោជនានំ បុរេជាតបច្ចយេន បច្ចយោ. (២)

នោសញ្ញោជនោ ធម្មោ សញ្ញោជនស្ស ច នោសញ្ញោជនស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អស្សាទេតិ, អភិនន្ទតិ, តំ អារព្ភ សញ្ញោជនា ច សម្បយុត្តកា ច ខន្ធា ឧប្បជ្ជន្តិ. វត្ថុបុរេជាតំ – វត្ថុ សញ្ញោជនានំ សម្បយុត្តកានញ្ច ខន្ធានំ បុរេជាតបច្ចយេន បច្ចយោ. (៣)

បច្ឆាជាតបច្ចយោ

២៥. សញ្ញោជនោ ធម្មោ នោសញ្ញោជនស្ស ធម្មស្ស បច្ឆាជាតបច្ចយេន បច្ចយោ… ឯកំ.

នោសញ្ញោជនោ ធម្មោ នោសញ្ញោជនស្ស ធម្មស្ស បច្ឆាជាតបច្ចយេន បច្ចយោ…បេ…. (១)

សញ្ញោជនោ ច នោសញ្ញោជនោ ច ធម្មា នោសញ្ញោជនស្ស ធម្មស្ស បច្ឆាជាតបច្ចយេន បច្ចយោ…បេ…. (១)

អាសេវនបច្ចយោ

២៦. សញ្ញោជនោ ធម្មោ សញ្ញោជនស្ស ធម្មស្ស អាសេវនបច្ចយេន បច្ចយោ… នវ.

កម្មបច្ចយាទិ

២៧. នោសញ្ញោជនោ ធម្មោ នោសញ្ញោជនស្ស ធម្មស្ស កម្មបច្ចយេន បច្ចយោ… តីណិ… វិបាកបច្ចយេន បច្ចយោ… ឯកំ… អាហារបច្ចយេន បច្ចយោ… តីណិ… ឥន្ទ្រិយបច្ចយេន បច្ចយោ… តីណិ… ឈានបច្ចយេន បច្ចយោ… តីណិ… មគ្គបច្ចយេន បច្ចយោ… នវ… សម្បយុត្តបច្ចយេន បច្ចយោ… នវ.

វិប្បយុត្តបច្ចយោ

២៨. សញ្ញោជនោ ធម្មោ នោសញ្ញោជនស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (វិភជិតព្ពំ). (១)

នោសញ្ញោជនោ ធម្មោ នោសញ្ញោជនស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (វិភជិតព្ពំ). (១)

នោសញ្ញោជនោ ធម្មោ សញ្ញោជនស្ស ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ សញ្ញោជនានំ វិប្បយុត្តបច្ចយេន បច្ចយោ. (២)

នោសញ្ញោជនោ ធម្មោ សញ្ញោជនស្ស ច នោសញ្ញោជនស្ស ច ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ សញ្ញោជនានំ សម្បយុត្តកានញ្ច ខន្ធានំ វិប្បយុត្តបច្ចយេន បច្ចយោ. (៣)

សញ្ញោជនោ ច នោសញ្ញោជនោ ច ធម្មា នោសញ្ញោជនស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (វិភជិតព្ពំ). (១)

អត្ថិបច្ចយោ

២៩. សញ្ញោជនោ ធម្មោ សញ្ញោជនស្ស ធម្មស្ស អត្ថិបច្ចយេន បច្ចយោ… ឯកំ (បដិច្ចសទិសំ). (១)

សញ្ញោជនោ ធម្មោ នោសញ្ញោជនស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ (សំខិត្តំ). (២)

សញ្ញោជនោ ធម្មោ សញ្ញោជនស្ស ច នោសញ្ញោជនស្ស ច ធម្មស្ស អត្ថិបច្ចយេន បច្ចយោ (បដិច្ចសទិសំ). (៣)

៣០. នោសញ្ញោជនោ ធម្មោ នោសញ្ញោជនស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ). (១)

នោសញ្ញោជនោ ធម្មោ សញ្ញោជនស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតា – នោសញ្ញោជនា ខន្ធា សម្បយុត្តកានំ សញ្ញោជនានំ អត្ថិបច្ចយេន បច្ចយោ. បុរេជាតំ – ចក្ខុំ…បេ… វត្ថុំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ, វត្ថុ សញ្ញោជនានំ អត្ថិបច្ចយេន បច្ចយោ. (២)

នោសញ្ញោជនោ ធម្មោ សញ្ញោជនស្ស ច នោសញ្ញោជនស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – នោសញ្ញោជនោ…បេ… (សំខិត្តំ, អាសវសទិសំ). (៣)

៣១. សញ្ញោជនោ ច នោសញ្ញោជនោ ច ធម្មា សញ្ញោជនស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (អាសវសទិសំ). (១)

សញ្ញោជនោ ច នោសញ្ញោជនោ ច ធម្មា នោសញ្ញោជនស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (វិភជិតព្ពំ អាសវសទិសំ). (២)

សញ្ញោជនោ ច នោសញ្ញោជនោ ច ធម្មា សញ្ញោជនស្ស ច នោសញ្ញោជនស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (វិភជិតព្ពំ អាសវសទិសំ). (៣)

១. បច្ចយានុលោមំ

២. សង្ខ្យាវារោ

សុទ្ធំ

៣២. ហេតុយា ចត្តារិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ នវ, កម្មេ តីណិ, វិបាកេ ឯកំ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ នវ, សម្បយុត្តេ នវ, វិប្បយុត្តេ បញ្ច, អត្ថិយា នវ, នត្ថិយា នវ, វិគតេ នវ, អវិគតេ នវ.

អនុលោមំ.

បច្ចនីយុទ្ធារោ

៣៣. សញ្ញោជនោ ធម្មោ សញ្ញោជនស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

សញ្ញោជនោ ធម្មោ នោសញ្ញោជនស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. (២)

សញ្ញោជនោ ធម្មោ សញ្ញោជនស្ស ច នោសញ្ញោជនស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (៣)

៣៤. នោសញ្ញោជនោ ធម្មោ នោសញ្ញោជនស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)

នោសញ្ញោជនោ ធម្មោ សញ្ញោជនស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (២)

នោសញ្ញោជនោ ធម្មោ សញ្ញោជនស្ស ច នោសញ្ញោជនស្ស ច ធម្មស្ស អារម្មណបច្ចយេន បច្ចយោ … សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (៣)

៣៥. សញ្ញោជនោ ច នោសញ្ញោជនោ ច ធម្មា សញ្ញោជនស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

សញ្ញោជនោ ច នោសញ្ញោជនោ ច ធម្មា នោសញ្ញោជនស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. (២)

សញ្ញោជនោ ច នោសញ្ញោជនោ ច ធម្មា សញ្ញោជនស្ស ច នោសញ្ញោជនស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (៣)

២. បច្ចយបច្ចនីយំ

២. សង្ខ្យាវារោ

៣៦. នហេតុយា នវ, នអារម្មណេ នវ (សព្ពត្ថ នវ), នោអវិគតេ នវ.

៣. បច្ចយានុលោមបច្ចនីយំ

ហេតុទុកំ

៣៧. ហេតុបច្ចយា នអារម្មណេ ចត្តារិ…បេ… នសមនន្តរេ ចត្តារិ, នអញ្ញមញ្ញេ ទ្វេ, នឧបនិស្សយេ ចត្តារិ…បេ… នមគ្គេ ចត្តារិ, នសម្បយុត្តេ ទ្វេ, នវិប្បយុត្តេ ចត្តារិ, នោនត្ថិយា ចត្តារិ, នោវិគតេ ចត្តារិ.

៤. បច្ចយបច្ចនីយានុលោមំ

នហេតុទុកំ

៣៨. នហេតុបច្ចយា អារម្មណេ នវ, អធិបតិយា នវ (អនុលោមមាតិកា), អវិគតេ នវ.

សញ្ញោជនទុកំ និដ្ឋិតំ.

២១. សញ្ញោជនិយទុកំ

១-៧. បដិច្ចវារាទិ

៣៩. សញ្ញោជនិយំ ធម្មំ បដិច្ច សញ្ញោជនិយោ ធម្មោ ឧប្បជ្ជតិ ហេតុបច្ចយា – សញ្ញោជនិយំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ….