១២. ទុព្ពច, សង្ឃាទិសេស សិក្ខាបុច្ឆា

បុច្ឆា – យំ តេន អាវុសោ ភគវតា…បេ… សម្មាសម្ពុទ្ធេន ទុព្ពចស្ស ភិក្ខុនោ យាវតតិយំ សមនុភាសនាយ អប្បដិនិស្សជ្ជន្តស្ស សង្ឃាទិសេសោ កត្ថ បញ្ញត្តោ.

វិស្សជ្ជនា – កោសម្ពិយំ ភន្តេ បញ្ញត្តោ.

បុច្ឆា – កំ អាវុសោ អារព្ភ កិស្មិំ វត្ថុស្មិំ បញ្ញត្តោ.

វិស្សជ្ជនា – អាយស្មន្តំ ភន្តេ ឆន្នំ អារព្ភ បញ្ញត្តោ, អាយស្មា ភន្តេ ឆន្នោ ភិក្ខូហិ សហធម្មិកំ វុច្ចមានោ អត្តានំ អវចនីយំ អកាសិ, តស្មិំ ភន្តេ វត្ថុស្មិំ បញ្ញត្តោ.