១២. សត្តសតិកក្ខន្ធក

ទុតិយ សំគាយនា

បុច្ឆា – សត្តសតិកំ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – សត្តសតិកំ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ ន កតមា អាបត្តិ.

បុច្ឆា – កស្ស អាវុសោ វចនំ.

វិស្សជ្ជនា – ភគវតោ ភន្តេ វចនំ អរហតោ សម្មាសម្ពុទ្ធស្ស.

បុច្ឆា – កេ អាវុសោ សិក្ខន្តិ.

វិស្សជ្ជនា – សេក្ខា ច ភន្តេ បុថុជ្ជនកល្យាណកា ច សិក្ខន្តិ.

បុច្ឆា – កេ អាវុសោ សិក្ខិតសិក្ខា.

វិស្សជ្ជនា – អរហន្តោ ភន្តេ សិក្ខិតសិក្ខា.

បុច្ឆា – កត្ថ អាវុសោ ឋិតំ.

វិស្សជ្ជនា – សិក្ខាកាមេសុ ភន្តេ ឋិតំ.

បុច្ឆា – កេនាវុសោ អាភតំ.

វិស្សជ្ជនា – បរម្បរាយ ភន្តេ អាភតំ.