៩៤. ក្វិម្ហិ

ននុ កិមត្ថមន្តគ្គហណំ យតោ ‘‘ក្វិម្ហិ លោបោ-ន្តព្យញ្ជនស្សា’’តិ វុត្តំ, ‘‘ឆដ្ឋិយន្តស្សា’’តិ (១-១៧) អន្តស្សេវ លោបោ សិយាតិ ចោទនំ មនសិ និធាយ តគ្គហណេ បយោជនំ ទស្សេន្តោ អាហ- ‘អន្តគ្គហណ’មិច្ចាទិ. លោបវិធីសូតិ (វីអាទិលោបវិធីសុ, ឆដ្ឋី និទ្ទិដ្ឋន្តិ) ‘‘វីមន្តុ វន្តូ’’ន្តិ (៤-១៣៨) ឆដ្ឋីនិទ្ទិដ្ឋំ. ភទន្តវិធិចរិតត្តព្យាបារំ [តទន្តវិធិចិរភេទនាច្ចនព្យាបារំ (បោត្ថកេ)] និស្សាយាហ- ‘ឆដ្ឋិយន្តស្សា’’តី ព្យាបារា’តិ. អន្តស្សាតិ វីអាទីនមីការាទិនោ. អញ្ញថាតិ សព្ពាបហារិលោបញ្ញាបនាភាវេ. អនត្ថកំ សិយា ‘‘ឆដ្ឋិយន្តស្សា’’តិមស្ស ព្យាបារសម្ភាវា. ឥទានិ ឆដ្ឋីនិទ្ទិដ្ឋានំ វិសេសេន វត្តុមិច្ឆិត្តំ អន្តស្សេវ លោបបត្តិទោសំ ទស្សេតុមាហ- ‘តទន្តេ’ច្ចាទិ.