៧០. បរោ

យោគវិភាគា ‘អ ញ’អាទីសុ គម្យតេ. យទិ ហ្យត្រាបិ ឆដ្ឋី អភិមតា សិយា តទា ‘‘ខ ឆ ស បរោក្ខានមេកស្សរោទិទ្វេ’’តិ ឯកមេវ យោគំ ករេយ្យ. បរោក្ខេ វិហិតា អញអាទយោ ធាតុតោវ, នាញ្ញតោតិ បរោក្ខាវចនសន្និធានា ចសទ្ទេន ធាតុវិហិតប្បច្ចយាវ គយ្ហន្តីតិ អាហ- ‘អញ្ញស្មិម្បិ ធាតុវិហិតប្បច្ចយេ’តិ. យទិ បន ភុសត្ថោ អាភិក្ខញ្ញត្ថោ វា វត្តុមិដ្ឋោ សិយា, តទា ភូសត្ថាទីសុ ច ទទ្ទល្លតិច្ចាទិកំ ហោតីតិ វេទិតព្ពំ. ចង្កមតិ មោមូហចិត្តានីតិ ភុសត្ថស្ស យុជ្ជមានត្តា ត្យាទយោ ភុសត្ថេ ភវន្តិ ពហុលាធិការាតិ វត្តុំ សក្កាតិ.