៩៧. អភ្យា

ននុ ច កិំ ឥមិនា សុត្តេន, បញ្ចម្យន្តា ‘‘តោ បញ្ចម្យា’’តិ (៤-៩៥) ភវិស្សតិ, អបញ្ចម្យន្តាតុ ‘‘អាទ្យាទីហី’’តិ (៤-៩៨) នេតទេវំ ទដ្ឋព្ពំ. ‘‘តោ បញ្ចម្យា’’តិ (៤-៩៥) បកតិវិសេសានមបរាមាសតោ កុតោចិ បញ្ចម្យន្តា ហោតុ, អបញ្ចម្យន្តា បន ‘‘អាទ្យាទីហី’’តិ សុត្តេ សសង្ខ្យស្សាទិសទ្ទស្ស គហណេន តំសទិសា សសង្ខ្យាឯវោបលក្ខីយន្តីតិបិ វិញ្ញាយេយ្យ តតោ អបញ្ចម្យន្តេហិ អភ្យាទីហិ តោ ន សិយាតិ អភិតោច្ចាទិ ន សិជ្ឈតីតិ ‘‘អភ្យាទីហី’’តិ សុត្តន្តិ ទដ្ឋព្ពំ.