៩៥. តោប

‘ឱហាក ចាគេ’ ឥតិ សកការស្ស ហាធាតុនោ បយោគេ តោប្បច្ចយំ និសេធេត្វា‘សត្ថា ហីយតេ សត្ថា ហីនោ’តិ ឧទាហរណំ ទស្សិតំ. តេនាហ- ‘សក្កតេច្ចាទិ. ទស្សេតុំ តតិយម្បនុទាហរណន្តិ សម្ពន្ធោ. ចីប្បច្ចយាវសានានន្តិ ‘‘អភូតតព្ភាវេ ករាសភូយោគេ វិការាចី’’តិ (៤-១១៩) វុត្តោ ចីប្បច្ចយោ អវសានេ យេ សន្តិ វិគ្គហោ. ជាតិយវជ្ជិតានន្តិ ‘‘តព្ពតិ ជាតិយោ’’តិ (៤-១១៣) សុត្តេន ជាតិយប្បច្ចយេន វជ្ជិតានំ. កច្ចាយនេ តុ តោអាទីនំ វិភត្តិ សញ្ញត្តា ន តតោ បុន វិភត្តុប្បត្តិ.