៨២. មុខា

ឥហាបិ បសជ្ជេយ្យ មធុ អស្មិំ ឃដេ អត្ថីតិ ឯត្ថាបិ បយោគេ មធុរន្តិ រប្បច្ចយោ បាបុណេយ្យ មធុម្ហិ អភិធេយ្យតិ អធិប្បាយោ. ន គច្ឆន្តីតិ នគា. យជ្ជបិ ឩសវាច្ចាទោ បហូតាទិវិសយាយាត្ថិតាយ សម្ភវោ, តថាបិ ញុសាទិវតោ បច្ចយ(ត្ថ)ត្តេន វចនិច្ឆាភាវា ញុសវា ឃដោច្ចាទិ ន សិជ្ឈតិ តស្មា បហូតាទិវិសយាត្ថិតាសម្ភវេបិ តំវតោ-ត្ថស្ស បច្ចយ(ត្ថ)ត្តេន ញុសរោ ទេសោតិ វត្តុ មិច្ឆាយំ បច្ចយោ យថា សិយា អញ្ញត្រមាភវិច្ចេវមត្ថោ វេទិតព្ពោតិ អាហ- ‘ឥតិ’ច្ចាទិ. កុញ្ជវាតិឯត្ថ កុញ្ជសទ្ទោ តិណលតាទ្យច្ឆាទិតបព្ពតេកទេសេ វត្តតេ.