៦៦. តស្ស

តស្សាតិ សាមញ្ញេន វុត្តេបិ វិការសម្ពន្ធីយេវ ឆដ្ឋិយន្តោ គយ្ហតិ, ឆដ្ឋិយន្តសម្ពន្ធីយេវ ច វិការោ គយ្ហតិ សម្ពន្ធវសាតិ ទស្សេតុមាហ ‘យស្សា’ច្ចាទិ. កោសការកបាណវិសេសេហិ កតោ កោសោ. បាណយោ សត្តា, ឱសធ្យោផលបាកន្តា, រុក្ខា បុប្ផផលូបគាតិ រុក្ខោសធីនំ លក្ខណំ វទន្តិ តល្លក្ខណេនេត្ថ រុក្ខោ សធយោ ន គយ្ហន្តិ, កិញ្ចរហិ ឱសធិសទ្ទេន លតាទិបិ គយ្ហតិ, រុក្ខសទ្ទេន (វនប្ប)តយោបិ, វនប្បតយោ ហិ ផលវន្តា ន បុប្ផវន្តា. កថំ គាវស្ស វិការេ បុរិសេ មយោច្ចាហ- ‘អញ្ញស្មិ’ន្តិអាទិ. គាវស្ស ឥទំ គោមយំ.