៣៤. សរ

ឋានសម្ពន្ធេតិ ឋិតិ ឋានំ បសង្គោ, សម្ពន្ធនំ-សម្ពន្ធោ, ឋាន្យាទេសភាវលក្ខណោ ឋានេយោគនិមិត្តភូតោ សម្ពន្ធោ ឋានសម្ពន្ធោ តស្មិំ, ទ្វេ រូបានិ ហោន្តីតិ ឥមិនា ន សរូបប្បធានោតិ ទស្សិតំ ហោតីតិ សម្ពន្ធោ, ហេតុមាហ-‘ពហុវចននិទ្ទេសា’តិ, ទ្វេ រូបានិហោន្តីត្យាទិ វចនមិទំ [បទមិទំ (បោត្ថកេ)] ទស្សេតិ ‘‘សរូបប្បធានេបិ ទ្វិសទ្ទេ ទ្វិសទ្ទសាមញ្ញេន សង្ខ្យាទ្វិសទ្ទានុសិដ្ឋំ នប្បយុជ្ជតេ, តស្ស (បន) សង្ខ្យេយ្យវចនសង្ខ្យាភាវា ឯកវចនមេវ ( ) [(បន) (បោត្ថកេ)] ហោតី’’តិ, ឥមិនា ច-ត្ថប្បធានោ-យំ និទ្ទេសោ ន សរូបប្បធានោតិ ទស្សេតិ, អធិបតិបច្ចយោ អធិបតិប្បច្ចយោតិ អនិច្ចំ, ឥធ ន ហោតិ ឥធ មោទតីតិ, តំ ខណន្តិ ឯត្ថ ឯកង្គវិកលំ បច្ចុទាហរណន្តិ សរម្ហា បរត្តាភាវា ន ទ្វិត្តំ.