੮. ਸਤਿਪਟ੍ਠਾਨਕਥਾਵਣ੍ਣਨਾ

੩੦੧. ਪਰਮਤ੍ਥਸਤਿਪਟ੍ਠਾਨਤ੍ਤਾਤਿ ਏਤੇਨ ਲੋਕੁਤ੍ਤਰਾਯ ਏਵ ਸਮ੍ਮਾਸਤਿਯਾ ਤਤ੍ਥਾਪਿ ਮਗ੍ਗਭੂਤਾਯ ਨਿਪ੍ਪਰਿਯਾਯੇਨ ਸਤਿਪਟ੍ਠਾਨਭਾਵੋ ਨਿਯ੍ਯਾਨਿਕਤ੍ਤਾ ਇਤਰਾਯ ਪਰਿਯਾਯੇਨਾਤਿ ਦਸ੍ਸੇਤਿ. ਮਗ੍ਗਫਲਸਮ੍ਮਾਸਤਿਯਾ ਧਮ੍ਮਾਨੁਸ੍ਸਤਿਭਾਵਪਰਿਯਾਯੋ ਅਤ੍ਥੀਤਿ ‘‘ਲੋਕਿਯਲੋਕੁਤ੍ਤਰਸਤਿਪਟ੍ਠਾਨਸਮੁਦਾਯਭੂਤਸ੍ਸਾ’’ਤਿ ਵੁਤ੍ਤਂ. ਸਤਿਸਮੁਦਾਯਭੂਤਸ੍ਸ ਨ ਸਤਿਗੋਚਰਭੂਤਸ੍ਸਾਤਿ ਅਧਿਪ੍ਪਾਯੋ. ਸਤਿਗੋਚਰਸ੍ਸ ਹਿ ਸਤਿਪਟ੍ਠਾਨਤਂ ਚੋਦੇਤੁਂ ਪਾਲ਼ਿਯਂ ‘‘ਚਕ੍ਖਾਯਤਨਂ ਸਤਿਪਟ੍ਠਾਨ’’ਨ੍ਤਿ ਆਰਦ੍ਧਂ. ਤੇਨ ਵੁਤ੍ਤਂ ‘‘ਸਬ੍ਬਧਮ੍ਮਾਨਂ ਪਭੇਦਪੁਚ੍ਛਾਵਸੇਨ ਵੁਤ੍ਤ’’ਨ੍ਤਿ. ਸੁਤ੍ਤਸਾਧਨਾਯਂ ਪਨ ਪਠਮਂ ਲੋਕਿਯਸਤਿਪਟ੍ਠਾਨਵਸੇਨ, ਦੁਤਿਯਂ ਮਿਸ੍ਸਕਵਸੇਨ, ਤਤਿਯਂ ਲੋਕੁਤ੍ਤਰਵਸੇਨ ਦਸ੍ਸਿਤਨ੍ਤਿ ਵੇਦਿਤਬ੍ਬਂ.

ਸਤਿਪਟ੍ਠਾਨਕਥਾਵਣ੍ਣਨਾ ਨਿਟ੍ਠਿਤਾ.