੨. ਅਞ੍ਞਵਾਦਕਸਿਕ੍ਖਾਪਦਵਣ੍ਣਨਾ

੯੮-੯. ਅਞ੍ਞਂ ਵਦਤੀਤਿ ਅਞ੍ਞਵਾਦਕਂ, ‘‘ਵਚਨਂ ਕਰੇਯ੍ਯਾ’’ਤਿ ਲਿਖਿਤਂ. ‘‘ਤੁਣ੍ਹੀਭੂਤਸ੍ਸੇਤਂ ਨਾਮ’’ਨ੍ਤਿ ਪਾਠੋ. ਉਗ੍ਘਾਤੇਤੁਕਾਮੋਤਿ ਸਮੋਹਨਿਤੁਕਾਮੋ, ਅਨ੍ਤਰਾਯਂ ਕਤ੍ਤੁਕਾਮੋਤਿ ਪੋਰਾਣਾ.

੧੦੦. ‘‘ਸੁਦਿਟ੍ਠੋ ਭਨ੍ਤੇ, ਨ ਪਨੇਸੋ ਕਹਾਪਣੋਤਿਆਦੀਸੁ ਅਨਾਰੋਪਿਤੇ ਦੁਕ੍ਕਟੇਨ ਮੁਸਾਵਾਦਪਾਚਿਤ੍ਤਿਯਂ, ਅਰੋਪਿਤੇ ਪਾਚਿਤ੍ਤਿਯਦ੍ਵਯਂ ਹੋਤੀ’’ਤਿ ਵਦਨ੍ਤਿ, ਵੀਮਂਸਿਤਬ੍ਬਂ.

੧੦੨. ਅਧਮ੍ਮੇਨ ਵਾ ਵਗ੍ਗੇਨ ਵਾ ਨ ਕਮ੍ਮਾਰਹਸ੍ਸ ਵਾਤਿ ਏਤ੍ਥ ‘‘ਮਯਿ ਵੁਤ੍ਤੇ ਮਂ ਵਾ ਅਞ੍ਞਂ ਵਾ ਸਙ੍ਘੋ ਅਧਮ੍ਮੇਨ ਵਾ ਕਮ੍ਮਂ, ਵਗ੍ਗੇਨ ਵਾ ਕਮ੍ਮਂ ਕਰਿਸ੍ਸਤਿ, ਨ ਕਮ੍ਮਾਰਹਸ੍ਸ ਵਾ ਮੇ, ਅਞ੍ਞਸ੍ਸ ਵਾ ਕਮ੍ਮਂ ਕਰਿਸ੍ਸਤੀ’’ਤਿ ਨ ਕਥੇਤੀਤਿ ਯੋਜੇਤਬ੍ਬਂ.

ਅਞ੍ਞਵਾਦਕਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.