੮. ਕਣ੍ਡੁਪਟਿਚ੍ਛਾਦਿਸਿਕ੍ਖਾਪਦਵਣ੍ਣਨਾ

੫੩੯. ਯਦਿ ਕਣ੍ਡੁਪਟਿਚ੍ਛਾਦਿ ਨਾਮ ਅਧੋਨਾਭਿ ਉਬ੍ਭਜਾਣੁਮਣ੍ਡਲਾ ਉਪ੍ਪਨ੍ਨਕਣ੍ਡੁਪੀਲ਼ਕਾਦਿਪਟਿਚ੍ਛਾਦਿਕਾ ਅਧਿਪ੍ਪੇਤਾ, ਤਸ੍ਸ ਸੁਗਤਸ੍ਸ ਸੁਗਤਵਿਦਤ੍ਥਿਯਾ ਦੀਘਸੋ ਚਤਸ੍ਸੋ ਵਿਦਤ੍ਥਿਯੋ ਤਿਰਿਯਂ ਦ੍ਵੇਤਿ ਇਦਮ੍ਪਿ ਅਤਿਮਹਨ੍ਤਂ ਪਮਾਣਂ ਦਿਸ੍ਸਤਿ. ਸਬ੍ਬੋ ਹਿ ਪੁਰਿਸੋ ਅਤ੍ਤਨੋ ਅਤ੍ਤਨੋ ਵਿਦਤ੍ਥਿਯਾ ਸਤ੍ਤਵਿਦਤ੍ਥਿਕੋ ਹੋਤਿ, ਸੁਗਤਸ੍ਸ ਚ ਏਕਾਵਿਦਤ੍ਥਿ ਮਜ੍ਝਿਮਸ੍ਸ ਪੁਰਿਸਸ੍ਸ ਤਿਸ੍ਸੋ ਵਿਦਤ੍ਥਿਯੋ ਹੋਨ੍ਤਿ, ਤਸ੍ਮਾ ਕਣ੍ਡੁਪਟਿਚ੍ਛਾਦਿ ਪਕਤਿਪੁਰਿਸਸ੍ਸ ਪਮਾਣਂ ਆਪਜ੍ਜਤਿ ਤਿਰਿਯਂ, ਦੀਘਸੋ ਪਨ ਦਿਗੁਣਂ ਆਪਜ੍ਜਤੀਤਿ. ਆਪਜ੍ਜਤੁ, ਉਕ੍ਕਟ੍ਠਪਰਿਚ੍ਛੇਦੋ ਤਸ੍ਸਾ, ਚੇ ਇਚ੍ਛਤਿ, ਸਬ੍ਬਮ੍ਪਿ ਸਰੀਰਂ ਪਟਿਚ੍ਛਾਦੇਸ੍ਸਤਿ, ਸਬ੍ਬਸਰੀਰਗਤਸਙ੍ਘਾਟਿ ਵਿਯ ਬਹੁਗੁਣਂ ਕਤ੍ਵਾ ਨਿਵਾਸੇਤੁਕਾਮੋ ਨਿਵਾਸੇਸ੍ਸਤੀਤਿ ਅਯਂ ਭਗਵਤੋ ਅਧਿਪ੍ਪਾਯੋ ਸਿਯਾ.

ਕਣ੍ਡੁਪਟਿਚ੍ਛਾਦਿਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.