੨. ਉਜ੍ਜਗ੍ਘਿਕਵਗ੍ਗਵਣ੍ਣਨਾ

੫੮੬. ਹਸਨੀਯਸ੍ਮਿਨ੍ਤਿ ਹੇਤ੍ਵਤ੍ਥੇ ਭੁਮ੍ਮਂ, ਹਸਿਤਬ੍ਬਵਤ੍ਥੁਕਾਰਣਾਤਿ ਅਤ੍ਥੋ. ਅਨ੍ਤਰਘਰੇ ਉਚ੍ਚਾਸਦ੍ਦੇਨ ਅਨੁਮੋਦਨਾਦਿਂ ਕਰੋਨ੍ਤਸ੍ਸ ਅਨਾਪਤ੍ਤਿ ਕਿਰ. ਤਥਾ ਹਿ ਮਹਿਨ੍ਦਤ੍ਥੇਰੋਪਿ ਹਤ੍ਥਿਸਾਲਾਦੀਸੁ ਮਹਾਜਨਸ੍ਸ ਕਥੇਸਿ.

੫੯੧. ਕੇਚਿ ਭਿਕ੍ਖੂ ‘‘ਪਰਿਕ੍ਖਾਰਟ੍ਠਪਨਮਤ੍ਤੇਨ ਵਾਸੂਪਗਤੋ ਹੋਤੀ’’ਤਿ ਵਦਨ੍ਤਿ, ਤਂ ਤੇਸਂ ਮਤਿਮਤ੍ਤਮੇਵ. ਭਿਕ੍ਖੁਨਿਯੋ ਚੇ ਵਾਸੂਪਗਾ ਹੋਨ੍ਤਿ, ਭਿਕ੍ਖੁਨੁਪਸ੍ਸਯੋਵ ਕਪ੍ਪਿਯਭੂਮਿ. ‘‘ਯਤ੍ਥ ਭਿਕ੍ਖੁਨਿਯੋ ਏਕਰਤ੍ਤਮ੍ਪਿ ਵਸਨ੍ਤਿ, ਅਯਂ ਭਿਕ੍ਖੁਨੁਪਸ੍ਸਯੋ’’ਤਿ (ਪਾਚਿ. ੧੬੧) ਵਚਨਤੋ ਤਾਸਂ ਸਮੀਪਂ ਵਾ ਤਾਹਿ ਗਹਿਤਵਾਸਾਗਾਰਂ ਵਾ ‘‘ਗਚ੍ਛਾਮੀ’’ਤਿ ਗਚ੍ਛਤੋ ਯਥਾਸੁਖਂ ਗਨ੍ਤੁਂ ਵਟ੍ਟਤਿ. ਨ ਹਿ ਤਾਵਤਾ ਤਂ ਘਰਂ ਅਨ੍ਤਰਘਰਸਙ੍ਖ੍ਯਂ ਗਚ੍ਛਤੀਤਿ ਨੋ ਤਕ੍ਕੋਤਿ ਆਚਰਿਯੋ.

ਉਜ੍ਜਗ੍ਘਿਕਵਗ੍ਗਵਣ੍ਣਨਾ ਨਿਟ੍ਠਿਤਾ.