੪. ਤਤਿਯਸਂਖਿਤ੍ਤਸੁਤ੍ਤਵਣ੍ਣਨਾ

੪੮੪. ਸੀਲਕ੍ਖਨ੍ਧਾਦੀਹਿ ਸਦ੍ਧਿਨ੍ਦ੍ਰਿਯਾਦੀਹਿ ਚ ਪਰਿਤੋ ਪੂਰਣੇਨ ਪਰਿਪੂਰਂ ਅਰਹਤ੍ਤਮਗ੍ਗਂ ਕਰੋਨ੍ਤੋ ਨਿਪ੍ਫਤ੍ਤਿਤੋ ਅਰਹਤ੍ਤਫਲਂ ਆਰਾਧੇਤਿ ਨਿਪ੍ਫਾਦੇਤਿ. ਤਯੋ ਪਦੇਸਮਗ੍ਗੇਤਿ ਸੀਲਕ੍ਖਨ੍ਧਾਦੀਨਂ ਅਪਾਰਿਪੂਰਿਯਾ ਏਕਦੇਸਭੂਤੇ ਤਯੋ ਹੇਟ੍ਠਿਮਮਗ੍ਗੇ. ਪਦੇਸਂ ਹੇਟ੍ਠਿਮਫਲਤ੍ਤਯਂ. ਚਤੂਸੂਤਿ ਇਮਸ੍ਮਿਂ ਵਗ੍ਗੇ ਪਠਮਾਦੀਸੁ ਚਤੂਸੁ ਸੁਤ੍ਤੇਸੁ. ਕਾਮਞ੍ਚੇਤ੍ਥ ਤਤਿਯੇ ‘‘ਤਤੋਤਿ ਫਲਵਸੇਨ ਨਿਸ੍ਸਕ੍ਕ’’ਨ੍ਤਿ ਵੁਤ੍ਤਂ, ਚਤੁਤ੍ਥੇ ‘‘ਪਰਿਪੂਰਂ ਪਰਿਪੂਰਕਾਰੀ ਆਰਾਧੇਤਿ, ਪਦੇਸਂ ਪਦੇਸਕਾਰੀ’’ਤਿ, ‘‘ਚਤੂਸੁਪਿ ਸੁਤ੍ਤੇਸੁ ਮਿਸ੍ਸਕਾਨੇਵ ਇਨ੍ਦ੍ਰਿਯਾਨਿ ਕਥਿਤਾਨੀ’’ਤਿ ਪਨ ਵਚਨਤੋ ਵਿਪਸ੍ਸਨਾਵਸੇਨਪਿ ਯੋਜਨਾ ਲਬ੍ਭਤੇਵਾਤਿ ਦਟ੍ਠਬ੍ਬਂ.