੧. ਅਨ੍ਤੇਪੁਰਸਿਕ੍ਖਾਪਦਵਣ੍ਣਨਾ

ਅਨਿਕ੍ਖਨ੍ਤਰਾਜਕੇ ਅਨਿਗ੍ਗਤਰਤਨਕੇਤਿ ਏਤ੍ਥ ‘‘ਸਯਨਿਘਰੇ’’ਤਿ ਪਾਠਸੇਸੋ ਦਟ੍ਠਬ੍ਬੋਤਿ ਆਹ ‘‘ਅਨਿਕ੍ਖਨ੍ਤੋ ਰਾਜਾ ਇਤੋ’’ਤਿਆਦਿ. ਤਤ੍ਥ ਇਤੋਤਿ ਸਯਨਿਘਰਤੋ. ਸਯਨਿਘਰੇਤਿ ਸਯਨੀਯਘਰੇ. ਯਤ੍ਥ ਰਞ੍ਞੋ ਸਯਨਂ ਪਞ੍ਞਤ੍ਤਂ ਹੋਤਿ, ਅਨ੍ਤਮਸੋ ਸਾਣਿਪਾਕਾਰਪਰਿਕ੍ਖਿਤ੍ਤਮ੍ਪਿ, ਤਸ੍ਮਿਨ੍ਤਿ ਵੁਤ੍ਤਂ ਹੋਤਿ. ਰਤਿਜਨਨਟ੍ਠੇਨ ਰਤਨਂ, ਹਤ੍ਥਿਆਦਿ. ਇਧ ਪਨ ਇਤ੍ਥਿਰਤਨਂ ਅਧਿਪ੍ਪੇਤਨ੍ਤਿ ਆਹ ‘‘ਰਤਨਂ ਵੁਚ੍ਚਤਿ ਮਹੇਸੀ’’ਤਿ.

ਉਭੋਸੂਤਿ ਰਾਜਮਹੇਸੀਸੁ. ਕਿਰਿਯਾਕਿਰਿਯਨ੍ਤਿ ਏਤ੍ਥ ਇਨ੍ਦਖੀਲਾਤਿਕ੍ਕਮੋ ਕਿਰਿਯਂ, ਅਪ੍ਪਟਿਸਂਵਿਦਿਤਂ ਅਕਿਰਿਯਨ੍ਤਿ ਦਟ੍ਠਬ੍ਬਂ.

ਅਨ੍ਤੇਪੁਰਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.