੧. ਸਹਧਮ੍ਮਿਕਸਿਕ੍ਖਾਪਦਵਣ੍ਣਨਾ

ਸਹਧਮ੍ਮਿਕਂ ਵੁਚ੍ਚਮਾਨੋਤਿ ਸਹਧਮ੍ਮਿਕੇਨ ਵੁਚ੍ਚਮਾਨੋ. ਕਰਣਤ੍ਥੇ ਚੇਤਂ ਉਪਯੋਗਵਚਨਂ. ‘‘ਪਞ੍ਚਹਿ ਸਹਧਮ੍ਮਿਕੇਹਿ ਸਿਕ੍ਖਿਤਬ੍ਬਤ੍ਤਾ, ਤੇਸਂ ਵਾ ਸਨ੍ਤਕਤ੍ਤਾ ‘ਸਹਧਮ੍ਮਿਕ’ਨ੍ਤਿ ਲਦ੍ਧਨਾਮੇਨ ਬੁਦ੍ਧਪਞ੍ਞਤ੍ਤੇਨ ਸਿਕ੍ਖਾਪਦੇਨ ਵੁਚ੍ਚਮਾਨੋਤਿ ਅਤ੍ਥੋ’’ਤਿ (ਕਙ੍ਖਾ. ਅਟ੍ਠ. ਦੁਬ੍ਬਚਸਿਕ੍ਖਾਪਦਵਣ੍ਣਨਾ; ਪਾਰਾ. ਅਟ੍ਠ. ੨.੪੨੫-੪੨੬) ਦੁਬ੍ਬਚਸਿਕ੍ਖਾਪਦੇ ਵੁਤ੍ਤਤ੍ਤਾ ‘‘ਸਹਧਮ੍ਮਿਕਂ ਵੁਚ੍ਚਮਾਨੋਤਿ ਇਮਸ੍ਸਤ੍ਥੋ ਦੁਬ੍ਬਚਸਿਕ੍ਖਾਪਦੇ ਵੁਤ੍ਤੋ’’ਤਿ ਵੁਤ੍ਤਂ. ਅਨਾਦਰਿਯਭਯਾਤਿ ਅਨਾਦਰਕਰਣੇ ਭਯਾ, ਤਤ੍ਥ ਪਾਚਿਤ੍ਤਿਯਭਯਾਤਿ ਅਤ੍ਥੋ. ਲੇਸੇਨ ਏਵਂ ਵਦਨ੍ਤਸ੍ਸਾਤਿ ਉਜੁਕਂ ‘‘ਨ ਸਿਕ੍ਖਿਸ੍ਸਾਮੀ’’ਤਿ ਅਵਤ੍ਵਾ ‘‘ਯਾਵ ਨ ਅਞ੍ਞਂ ਭਿਕ੍ਖੁ’’ਨ੍ਤਿਆਦਿਨਾ ਲੇਸੇਨ ਵਦਨ੍ਤਸ੍ਸ.

ਸਹਧਮ੍ਮਿਕਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.