੨. ਅਙ੍ਗੁਲਿਪਤੋਦਕਸਿਕ੍ਖਾਪਦਵਣ੍ਣਨਾ

ਹਸਾਧਿਪ੍ਪਾਯਸ੍ਸਾਤਿ ਖਿਡ੍ਡਾਧਿਪ੍ਪਾਯਸ੍ਸ, ਇਮਿਨਾ ਕਾਯਸਂਸਗ੍ਗਾਧਿਪ੍ਪਾਯਂ ਪਟਿਕ੍ਖਿਪਤਿ.

ਏਤ੍ਥ ਚ ਭਿਕ੍ਖੁਨਿਮ੍ਪਿ ਹਸਾਧਿਪ੍ਪਾਯੇਨ ਫੁਸਤੋ ਭਿਕ੍ਖੁਸ੍ਸ ਦੁਕ੍ਕਟਂ. ਤਥਾ ਭਿਕ੍ਖੁਮ੍ਪਿ ਫੁਸਨ੍ਤਿਯਾ ਭਿਕ੍ਖੁਨਿਯਾਤਿ ਆਹ ‘‘ਇਧ ਪਨ ਭਿਕ੍ਖੁਨੀਪਿ ਭਿਕ੍ਖੁਸ੍ਸ, ਭਿਕ੍ਖੁ ਚ ਭਿਕ੍ਖੁਨਿਯਾ ਅਨੁਪਸਮ੍ਪਨ੍ਨੋ ਏਵਾ’’ਤਿ. ਕਾਯਪ੍ਪਟਿਬਦ੍ਧਾਦੀਸੁ ਸਬ੍ਬਤ੍ਥਾਤਿ ‘‘ਕਾਯੇਨ ਕਾਯਪ੍ਪਟਿਬਦ੍ਧੇ, ਕਾਯਪ੍ਪਟਿਬਦ੍ਧੇਨ ਕਾਯੇ, ਕਾਯਪ੍ਪਟਿਬਦ੍ਧੇਨ ਕਾਯਪ੍ਪਟਿਬਦ੍ਧੇ, ਨਿਸ੍ਸਗ੍ਗਿਯੇਨ ਕਾਯੇ, ਨਿਸ੍ਸਗ੍ਗਿਯੇਨ ਕਾਯਪ੍ਪਟਿਬਦ੍ਧੇ, ਨਿਸ੍ਸਗ੍ਗਿਯੇਨ ਨਿਸ੍ਸਗ੍ਗਿਯੇ’’ਤਿ (ਪਾਚਿ. ੩੩੨) ਸਬ੍ਬਤ੍ਥ. ਸਤਿ ਕਰਣੀਯੇ ਆਮਸਤੋਤਿ ਸਤਿ ਕਰਣੀਯੇ ਪੁਰਿਸਂ ਆਮਸਤੋ ਅਨਾਪਤ੍ਤਿ. ਇਤ੍ਥੀ ਪਨ ਸਤਿ ਕਰਣੀਯੇਪਿ ਆਮਸਿਤੁਂ ਨ ਵਟ੍ਟਤਿ.

ਅਙ੍ਗੁਲਿਪਤੋਦਕਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.