੧੨. ਪਞ੍ਹਾਪੁਚ੍ਛਨਸਿਕ੍ਖਾਪਦਵਣ੍ਣਨਾ

ਦ੍ਵਾਦਸਮੇ ਅਨੋਕਾਸਕਤਨ੍ਤਿ ‘‘ਅਸੁਕਸ੍ਮਿਂ ਨਾਮ ਠਾਨੇ ਪੁਚ੍ਛਾਮੀ’’ਤਿ ਏਵਂ ਅਕਤਓਕਾਸਂ, ਤਸ੍ਮਾ ਸੁਤ੍ਤਨ੍ਤੇ ਓਕਾਸਂ ਕਾਰਾਪੇਤ੍ਵਾ ਵਿਨਯਂ ਵਾ ਅਭਿਧਮ੍ਮਂ ਵਾ ਪੁਚ੍ਛਨ੍ਤਿਯਾ ਪਾਚਿਤ੍ਤਿਯਂ. ਸੇਸੇਸੁਪਿ ਏਸੇਵ ਨਯੋ, ਸਬ੍ਬਸੋ ਅਕਾਰਿਤੇ ਪਨ ਵਤ੍ਤਬ੍ਬਮੇਵ ਨਤ੍ਥਿ.

ਸਾਵਤ੍ਥਿਯਂ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਅਨੋਕਾਸਕਤਂ ਭਿਕ੍ਖੁਂ ਪਞ੍ਹਂ ਪੁਚ੍ਛਨਵਤ੍ਥੁਸ੍ਮਿਂ ਪਞ੍ਞਤ੍ਤਂ. ਤਤ੍ਥ ਤਤ੍ਥ ਓਕਾਸਂ ਕਾਰਾਪੇਤ੍ਵਾ ਪੁਚ੍ਛਨ੍ਤਿਯਾ, ਅਨੋਦਿਸ੍ਸ ਓਕਾਸਂ ਕਾਰਾਪੇਤ੍ਵਾ ਯਤ੍ਥ ਕਤ੍ਥਚਿ ਪੁਚ੍ਛਨ੍ਤਿਯਾ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ. ਭਿਕ੍ਖੁਸ੍ਸ ਅਨੋਕਾਸਕਾਰਾਪਨਂ, ਪਞ੍ਹਂ ਪੁਚ੍ਛਨਨ੍ਤਿ ਇਮਾਨੇਤ੍ਥ ਦ੍ਵੇ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਪਦਸੋਧਮ੍ਮਸਦਿਸਾਨਿ, ਇਦਂ ਪਨ ਕਿਰਿਯਾਕਿਰਿਯਨ੍ਤਿ.

ਪਞ੍ਹਾਪੁਚ੍ਛਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.